மட்டக்களப்பில் இடம்பெற்றுவரும் அரசகாணி அபகரிப்புகளுக்கு எதிராக இன்று ஒர் ஆர்ப்பாட்டம் இடம்பெற்றுள்ளது. அரசகாணிகளை தவறானவழிகளில் கையகப்படுத்தியும் போலி ஆவணங்களை தயார்பண்ணியும் நூற்றுக்கணக்கான ஏக்கர்கள் மட்டக்களப்பில் காணி மாபியாக்களினால் அபகரிக்கப்பட்டுவருகின்றன. கடந்த 'நல்லாட்ச்சி'காலத்தில் மட்டும் ஆயிரத்துக்கும் அதிகமான ஏக்கர் அரச காணிகள் அபகரிக்கப்பட்டுள்ளதாக பாராளுமன்ற உறுப்பினர் சி.சந்திரகாந்தன் பாராளுமன்றத்தின் கவனத்தை ஈர்த்த உரையொன்றை நிகழ்த்தியிருந்தார்.
அதுமட்டுமன்றி இத்தகைய காணி மாபியாக்களுக்கு அரச அதிகாரிகளும் அரசியல்வாதிகளும் உடந்தையாக இருந்துவருவதாகவும் அவர் குற்றம் சாட்டியிருந்தார்.
இந்நிலையில் பாராளுமன்ற உறுப்பினர் சாணக்கிய ராஜபுத்திரனின்பெயரிலும் நூறு ஏக்கர் கடற்கரைக் காணிகள் அபகரிக்கப்பட்டுள்ளமை பேசுபொருளாகியுள்ளது.
0 commentaires :
Post a Comment