முஸ்லீம் காங்கிரஸ் கூத்தா? குழப்பமா?

பாராளுமன்றத்தில்இ கடந்த 22ஆம் திகதியன்று நடைபெற்ற 2022 ஆம் ஆண்டுக்கான  வரவு – செலவு திட்டத்தின் (பட்ஜெட்)  இரண்டாவது வாசிப்பின் மீதான வாக்கெடுப்பின் போது ஸ்ரீ லங்கா முஸ்லிம் காங்கிரஸின் உறுப்பினர்கள் மூவர் பட்ஜெட்டுக்கு ஆதரவாக வாக்களித்தனர்.

  

அம்மூவரும்  கட்சியின் உச்ச பீடத்தின் தீர்மானத்துக்கு அமைவாக செயற்படாததன் காரணத்தால் அவர்கள் கட்சியில் அவர்கள் வகித்து வரும் பதவிகளிலிருந்து உடனடியாக இடை நிறுத்தப்பட்டுள்ளனர் என ஸ்ரீ லங்கா முஸ்லிம் காங்கிரஸ் அறிவித்துள்ளது.

பாராளுமன்ற உறுப்பினர்களான எச்.எம்.எம்.ஹரீஸ் பைசல் காசிம் ஹாபிஸ் நஸீர் அஹமட் ஆகிய மூவருமே இவ்வாறு இடைநிறுத்தப்பட்டுள்ளனர். 

»»  (மேலும்)

இந்து குருமார்கள் கலாசார ஆடையுடன் அரச அலுவலகங்களுக்குள் நுழையமுடியாதா?

 

மட்/வவுணதீவு பிரதேச கல்வி வலைய அலுவலகத்துக்குள் நேற்றைய தினம் இந்து குருவானவர் ஒருவர் எதிர்கொண்ட அவரது உடை குறித்த அறிவுறுத்தல்கள் மேற்படி கேள்வியை எழுப்பத்  தூண்டியது.

கோட்டைக்கல்லாறு 'அம்பாறைவில்' பிள்ளையார் ஆலயத்தில் பிரதான குருவாக கடந்த  ஆண்டுகளாக  சேவையாற்றிவருபவர்   ரதிகர சர்மா என்னும் மதகுருவாகும். அதேவேளை இவர் மட்/அம்பிளாந்துறை கலைமகள் வித்தியாலயத்தின்  கல்விசாரா பணியாளராகவும் இருந்து 

வருகின்றார். மேற்படி அவரது அரச பணி  சம்பந்தமாக நேற்றயதினம் செய்வாயன்று மட்/வவுணதீவு பிரதேச கல்வி வலைய அலுவலகத்துக்குள் சென்றுள்ளார்.

அவ்வேளையில் அங்கிருந்த உயரதிகாரி ஒருவரால் 'குறித்த குருக்கள்மாருக்குரிய உடையுடன் அலுவலகங்களுக்கு வரக்கூடாது' என்று அறிவுறுத்தப்பட்டுள்ளார்.

அதிகாரியின் இந்த நடவடிக்கையானது எவ்வளவுதூரம் சரியானது? அப்படியானால்  பணியில் இருக்கும் ஏனைய மத குருமார்கள் தமது குருமாருக்குரிய ஆடைகளுடன் அரச அலுவலங்கங்களுக்குள் நுழைவதில்லையா? என்கின்ற கேள்விகளை பாதிக்கப்பட்டவர் எழுப்புகின்றார்.

 

கிழக்கிலங்கை இந்து குருமார் ஒன்றிய நிர்வாகக்குழு  உறுப்பினராகவும் மக்களிடையே  பிரபலமானவராகவும் இருக்கும் தனக்கே  இந்த கதியென்றால் சாதாரண இந்து குருமாருக்கு என்ன நடக்கும்? என்பது அவரது ஆதங்கமாகவுள்ளது. 

»»  (மேலும்)

இலங்கை ஒரே நாடு ஒரு சட்டம்: ஜனாதிபதி செயலணியில் தமிழர்கள் சேர்ப்பு

ஒரு நாடு ஒரு சட்டம் ஜனாதிபதி செயலணியில் மாற்றங்களை ஏற்படுத்துவதற்கு ஜனாதிபதி கோட்டாபய ராஜபக்ஷ நடவடிக்கை எடுத்துள்ளார்.

ஜனாதிபதி கோட்டாபய ராஜபக்ஷ கடந்த அக்டோபர் 26ம் தேதி விசேட வர்த்தமானி ஒன்றினை வெளியிட்டார்.

இதன்படி, ஒரே நாடு ஒரே சட்டம் ஜனாதிபதி செயலணி உருவாக்கப்பட்டதுடன், அதில் 13 உறுப்பினர்கள் இணைத்துக்கொள்ளப்பட்டனர்.

இலங்கையில் சர்ச்சையை தோற்றுவிக்கும் வகையில் செயற்படும் பௌத்த அமைப்பான பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரர் இந்த செயலணியின் தலைவராக நியமிக்கப்பட்டார்.

அத்துடன், 9 சிங்களவர்களும், 4 முஸ்லிம்களும் இந்த செயலணியில் நியமிக்கப்பட்டிருந்தனர்.

எனினும், இந்த செயலணியில் ஒரு தமிழர் கூட இடம்பிடிக்கவில்லை. இது சர்ச்சையை ஏற்படுத்தியது.

இந்த வர்த்தமானி அறிவித்தலில் மூன்று தமிழர்கள் இணைத்துக்கொள்ளப்பட்டுள்ளதாக அறிவிக்கப்பட்டுள்ளது.

ராமலிங்கம் சக்கரவர்த்த கருணாகரன், யோகேஸ்வரி பற்குணராஜா மற்றும் ஐயம்பிள்ளை தயானந்தராஜா ஆகியோர் இந்த செயலணியில் இணைத்துக்கொள்ளப்பட்டுள்ளதாக வர்த்தமானி அறிவித்தல் ஊடாக அறிவிக்கப்பட்டுள்ளது.

»»  (மேலும்)

நல்லாட்சியில் நடந்த நானுறு கோடி ஊழல்- சரத் பொன்சேகா

எயார்பஸ் ஒப்பந்தத்தை இரத்து செய்து நட்டஈடு வழங்கிய போது நல்லாட்சி அரசாங்கத்தைச் சேர்ந்த உறுப்பினர்கள் சிலர் சுமார் 20 மில்லியன் அமெரிக்க டொலர்களை (ரூ.400 கோடி) மோசடி செய்துள்ளனர் என ஐக்கிய மக்கள் சக்தியின் பாராளுமன்ற உறுப்பினர் பீல்ட் மார்ஷல் சரத் பொன்சேகா குற்றம்சாட்டினார்.

.

திருடுபவர்கள் தண்டிக்கப்படுவார்கள் என்று கூறி ஆட்சிக்கு வந்த நல்லாட்சி அரசாங்கம் முன்னைய அரசாங்கத்தைப் போலவே திருட்டுச் செயல்களை மேற்கொண்டதாகச் சுட்டிக்காட்டினார்.
தற்போதைய அரசாங்கத்தை வேண்டாம் என்று கூறும் மக்கள் மாற்று வழி குறித்து கேள்வி எழுப்புவதாகவும் அவர் தெரிவித்தார்.
மீரிகம முத்தரகம பிரதேசத்தில் நேற்று (07) இடம்பெற்ற மக்கள் சந்திப்பில் கலந்து கொண்டு கருத்து தெரிவிக்கும் போதே அவர் இவ்வாறு தெரிவித்தார்.

 

»»  (மேலும்)

இலங்கையிலும் கனமழை: இதுவரை 6 பேர் பலி

 

இலங்கையின் பல்வேறு பகுதிகளில் பெய்து வரும் கடும் மழையால் ஏற்பட்ட இயற்கை பேரிடர்களால் 6 பேர் உயிரிழந்துள்ளதாக இடர் முகாமைத்துவ மத்திய நிலையம் தெரிவிக்கின்றது.

வெள்ளப் பெருக்கு மற்றும் மின்னல் தாக்கம் காரணமாகவே இந்த உயிரிழப்புக்கள் நேர்ந்துள்ளதாக நிலையம் வெளியிட்டுள்ள அறிக்கையில் தெரிவிக்கப்பட்டுள்ளது.

இரத்தினபுரி, கேகாலை, நுவரெலியா, கண்டி, மாத்தளை, முல்லைத்தீவு, யாழ்ப்பாணம், மன்னார், பதுளை, புத்தளம், காலி, திருகோணமலை உள்ளிட்ட 13 மாவட்டங்கள் மழையினால் பாதிக்கப்பட்டுள்ளன.

இலங்கையில் 1143 குடும்பங்களைச் சேர்ந்த 4300ற்கும் அதிகமானோர் பாதிக்கப்பட்டுள்ளனர். இந்த இயற்கை பேரிடர்களால் இருவர் கடும் காயங்களுக்கு உள்ளாகியுள்ளனர்.

»»  (மேலும்)

பெண்களுக்கான அரசியல் பிரதிநிதித்துவம் 35 வீதம் உறுதிசெய்யப்படுத்தல் வேண்டும்

தற்போது நடைமுறையில் உள்ள தேர்தல் சட்டத்தில் திருத்தம் கொண்டுவருதல்  தொடர்பான சிபாரிசுகளை முன்வைப்பதற்கான கூட்டத்தில் தமிழ் மக்கள் விடுதலைப் புலிகள் கட்சிப் பிரதிநிதிகள் இன்று பங்கேற்றுள்ளனர். அவ்வேளையில் தற்போதைய விகிதாசார தேர்தல் முறையில் உள்ள பல நடைமுறை சிக்கல்களை கருத்தில் கொண்டு   புதிதாக உருவாக்க இருக்கின்ற தேர்தல் சீர்திருத்தமானது தொகுதிவாரி மற்றும் விகிதாசார முறையை கொண்ட கலப்பு பொறிமுறை ஒன்று உருவாவதற்கான திட்டம், பெண்களுக்கான அரசியல் பிரதிநிதித்துவம் 35 வீதம் உறுதிசெய்யப்படுதல், புலம்பெயர் தொழிலாளர்களதும் காவலில் உள்ளோரதும் வாக்களிக்கும் உரிமையை உத்தரவாதம் செய்தல், போன்ற முன்மொழிவுகள் தமிழ் மக்கள் விடுதலைப்புலிகளின் சார்பில் வைக்கப்பட்டுள்ளன.

இவ்வமர்வில் கட்சியின் தலைவர் சிவ சந்திரகாந்தன் பா.உ, பொதுச் செயலாளர் பூபாலப்பிள்ளை பிரசாந்தன், உபசெயலாளர் ஜெயராஜ், கட்சியின் முக்கியஸ்தர்களான சட்டத்தரணி மங்களேஸ்வரி ஷங்கர் மற்றும் திரு செழியன் அடங்கிய குழுவினர் கலந்து கொண்டிருந்தனர்.

»»  (மேலும்)

மைலந்தனை வாழ் மக்களுக்கான நன்னீர்

மைலந்தனைக்கான கிராமத்துக்கான

3 மில்லியன் பெறுமதியான குடிநீர் வழங்கும் திட்டம் இன்று அங்குரார்ப்பணம் செய்து வைக்கப்பட்டது. இதன்மூலம் நீண்டகாலமாக அப்பகுதி மக்களுக்காக இருந்து வந்த குடிநீர் பிரச்சனைக்கு ஒரு தீர்வு காணப்படவுள்ளது.

இந்நிகழ்வில் மட்டக்களப்பு மாவட்ட

 பாராளுமன்ற உறுப்பினரும், மாவட்ட அபிவிருத்திக் குழு இணைத் தலைவருமான கௌரவ சிவ. சந்திரகாந்தன்,  கிரான் பிரதேச செயலாளர் திரு ராஜ்பாபு ,  மட்டக்களப்பு மாவட்ட அபிவிருத்திக் குழு தலைவரின் செயலாளரும், சட்டத்தரணியும், மகளிர் மற்றும் சிறுவர் அபிவிருத்தி இராஜாங்க அமைச்சின் மட்டக்களப்பு மாவட்ட இணைப்பாளருமான மங்களேஸ்வரி சங்கர். சமுதாய நீர் வழங்கல் மாவட்ட பொறியியலாளர் திரு பிரதீபன் போன்றோர்  அதிதிகளாக கலந்து கொண்டிருந்தனர்.

»»  (மேலும்)

கண்டியனாறு குளம் விரிவாக்கம் மூலம் 1500 ஏக்கர் நெற்செய்கை அதிகரிக்கும்

 மண்முனை மேற்கு பிரதேச செயலகத்துக்கு உட்பட்ட கண்டியனாறு கிராமத்தை அண்டிய மாவடி தட்டு பெரியகுளம் அமைப்பதற்கான முன்னேற்பாட்டு களவிஜயம் ஒன்றினை   பாராளுமன்ற உறுப்பினர் கெளரவ.சந்திரகாந்தன் அவர்கள்   மேற்கொண்டார்.

இக்குளத்தினை  அமைப்பதன் ஊடாக மண்முனை பிரதேசத்தில் சுமார் 1500 ஏக்கருக்கு மேற்பட்ட விவசாய நிலங்கள் மேலதிக நெற் செய்கை பண்ணமுடியும் என எதிர்பார்க்கப்படுகின்றது. 

மேற்படி பாராளுமன்ற உறுப்பினரின் கள விஜயத்தின்போது   நீர்ப்பாசன திணைக்கள பொறியியலாளர்கள் மற்றும் கமநல சேவை உத்தியோகத்தர்கள் பொது மக்கள்   என பலரும் கலந்து கொண்டனர்.

»»  (மேலும்)