நான்கு அமைச்சர்களையும் பதவி நீக்க உறுப்பினர்களுடன் விக்கி ஆலோசனை ; இந்த நேரத்தில் நீக்குவதற்கு சிவில் சமூகம் எதிர்ப்பு
வடக்கு மாகாண சபையின் நான்கு அமைச்சர்க...ளையுமே பதவி நீக்கி, அமைச்சரவை மாற்றத்தை மேற்கொள்வது தொடர்பில், ஆளும் கட்சி உறுப்பினர்களுக்கு நேரடியாக அலைபேசியில் அழைப்பெடுத்து அவர்களின் கருத்துக்களைக் கேட்டறிந்தார் வடக்கு மாகாண முதலமைச்சர் சி.வி.விக்னேஸ்வரன்.
2016ஆம் ஆண்டு ஏப்ரல் மாதம், அப்போதைய பிரதி அவைத் தலைவர் ம.அன்ரனிஜெகநாதன் தலைமையில், ஆளும் கட்சியின் 16 உறுப்பினர்கள் அமைச்சரவையை மாற்றம் செய்யுமாறு வடக்கு மாகாண முதலமைச்சரிடம் கோரியிருந்தனர். அவ்வாறு கோரிய 16 உறுப்பினர்களிடமும், அதன் பின்னர் மாகாண சபை உறுப்புரிமையைப் பெற்றுக் கொண்ட உறுப்பினர்களிடமுமே, முதலமைச்சர் கருத்துக்களைக் கேட்டறிந்தார்.
வடக்கு மாகாண அமைச்சர்கள் மீது சுமத்தப்பட்ட குற்றச்சாட்டுக்களை விசாரணை செய்த விசாரணைக் குழுவினர், விவசாய அமைச்சர் பொ.ஐங்கரநேசன், கல்வி அமைச்சர் த.குருகுலராசா ஆகியோர் பதவி நீக்கம் செய்யப்பட வேண்டும் என்று பரிந்துரைத்திருந்தனர். விசாரணை அறிக்கையை கடந்த 7ஆம் திகதி சபையில் முதலமைச்சர் சமர்ப்பித்திருந்தார்.
அமைச்சர்களின் தன்னிலை விளக்கம் மற்றும் உறுப்பினர்களின் கருத்துக்களைக் கேட்டுத் தானே இறுதி முடிவு செய்வேன் என்றும் முதலமைச்சர் சபையில் அறிவித்திருந்தார். இது தொடர்பான சிறப்பு அமர்வு நாளை மறுதினம் புதன் கிழமை, வடக்கு மாகாண சபையில் நடைபெறவுள்ளது.
இதற்கிடையில், வடக்கு மாகாண முதலமைச்சர் சி.வி.விக்னேஸ்வரன் நேற்றைய தினம், ஆளும் கட்சி உறுப்பினர்களுக்கு நேரடியாக அலைபேசியில் அழைப்பெடுத்துப் பேசினார். 2016ஆம் ஆண்டு ஏப்ரல் மாதம் அமைச்சரவையை மாற்றியமைக்குமாறு கையெழுத்திட்டு கடிதம் தந்திருந்தீர்கள். இது தொடர்பில் தற்போது உங்களின் நிலைப்பாடு என்ன என்று அவர் வினவியுள்ளார்.
அந்தக் காலப் பகுதியில் சபை உறுப்பினர்களாக இல்லாமல் அதன் பின்னர் பதவியேற்ற உறுப்பினர்களிடம், முதலமைச்சர் கருத்துக்களைக் கேட்டறிந்துள்ளார்.
இதேவேளை, முதலமைச்சர் விக்னேஸ்வரன் நியமித்த விசாரணைக் குழு இரு அமைச்சர்களைப் பதவி நீக்க வேண்டும் என்று பரிந்துரைத்துள்ள நிலையில் முழு அமைச்சரவையையும் மாற்ற நினைப்பது அவரது விசாரணைக் குழு மீதான நம்பகத்தன்மையை கேள்விக்குறியாக்கும் என்று அரசியல் அவதானிகளும், சிவில் சமூகத்தினரும் சுட்டிக்காட்டியுள்ளனர். குற்றவிசாரணை மீதான நம்பகத்தன்மையை இழிவாக்கும் செயல் இது என்று அவர்கள் குறிப்பிடுகின்றனர்.
*நன்றி தாய்நாடு
வடக்கு மாகாண சபையின் நான்கு அமைச்சர்க...ளையுமே பதவி நீக்கி, அமைச்சரவை மாற்றத்தை மேற்கொள்வது தொடர்பில், ஆளும் கட்சி உறுப்பினர்களுக்கு நேரடியாக அலைபேசியில் அழைப்பெடுத்து அவர்களின் கருத்துக்களைக் கேட்டறிந்தார் வடக்கு மாகாண முதலமைச்சர் சி.வி.விக்னேஸ்வரன்.
2016ஆம் ஆண்டு ஏப்ரல் மாதம், அப்போதைய பிரதி அவைத் தலைவர் ம.அன்ரனிஜெகநாதன் தலைமையில், ஆளும் கட்சியின் 16 உறுப்பினர்கள் அமைச்சரவையை மாற்றம் செய்யுமாறு வடக்கு மாகாண முதலமைச்சரிடம் கோரியிருந்தனர். அவ்வாறு கோரிய 16 உறுப்பினர்களிடமும், அதன் பின்னர் மாகாண சபை உறுப்புரிமையைப் பெற்றுக் கொண்ட உறுப்பினர்களிடமுமே, முதலமைச்சர் கருத்துக்களைக் கேட்டறிந்தார்.
வடக்கு மாகாண அமைச்சர்கள் மீது சுமத்தப்பட்ட குற்றச்சாட்டுக்களை விசாரணை செய்த விசாரணைக் குழுவினர், விவசாய அமைச்சர் பொ.ஐங்கரநேசன், கல்வி அமைச்சர் த.குருகுலராசா ஆகியோர் பதவி நீக்கம் செய்யப்பட வேண்டும் என்று பரிந்துரைத்திருந்தனர். விசாரணை அறிக்கையை கடந்த 7ஆம் திகதி சபையில் முதலமைச்சர் சமர்ப்பித்திருந்தார்.
அமைச்சர்களின் தன்னிலை விளக்கம் மற்றும் உறுப்பினர்களின் கருத்துக்களைக் கேட்டுத் தானே இறுதி முடிவு செய்வேன் என்றும் முதலமைச்சர் சபையில் அறிவித்திருந்தார். இது தொடர்பான சிறப்பு அமர்வு நாளை மறுதினம் புதன் கிழமை, வடக்கு மாகாண சபையில் நடைபெறவுள்ளது.
இதற்கிடையில், வடக்கு மாகாண முதலமைச்சர் சி.வி.விக்னேஸ்வரன் நேற்றைய தினம், ஆளும் கட்சி உறுப்பினர்களுக்கு நேரடியாக அலைபேசியில் அழைப்பெடுத்துப் பேசினார். 2016ஆம் ஆண்டு ஏப்ரல் மாதம் அமைச்சரவையை மாற்றியமைக்குமாறு கையெழுத்திட்டு கடிதம் தந்திருந்தீர்கள். இது தொடர்பில் தற்போது உங்களின் நிலைப்பாடு என்ன என்று அவர் வினவியுள்ளார்.
அந்தக் காலப் பகுதியில் சபை உறுப்பினர்களாக இல்லாமல் அதன் பின்னர் பதவியேற்ற உறுப்பினர்களிடம், முதலமைச்சர் கருத்துக்களைக் கேட்டறிந்துள்ளார்.
இதேவேளை, முதலமைச்சர் விக்னேஸ்வரன் நியமித்த விசாரணைக் குழு இரு அமைச்சர்களைப் பதவி நீக்க வேண்டும் என்று பரிந்துரைத்துள்ள நிலையில் முழு அமைச்சரவையையும் மாற்ற நினைப்பது அவரது விசாரணைக் குழு மீதான நம்பகத்தன்மையை கேள்விக்குறியாக்கும் என்று அரசியல் அவதானிகளும், சிவில் சமூகத்தினரும் சுட்டிக்காட்டியுள்ளனர். குற்றவிசாரணை மீதான நம்பகத்தன்மையை இழிவாக்கும் செயல் இது என்று அவர்கள் குறிப்பிடுகின்றனர்.
*நன்றி தாய்நாடு
0 commentaires :
Post a Comment