திரவியம் மீது திட்டமிட்டு; மேற்கொள்ளப்பட்ட தாக்குதலை வன்மையாகக் கண்டிக்கின்றோம்.
தமிழ் மக்கள் விடுதலைப் புலிகள்
தமிழ் மக்கள் விடுதலைப் புலிகள் கட்சியின் பிரதித்தலைவரும் கிழக்கு மாகாணசபை உறுப்பினருமாகிய நாகலிங்கம் திரவியம் மீது ஓட்டமாவடி நாவலடிச் சந்தியில் வைத்து நடாத்தப்பட்ட தாக்குதலை வன்மையாகக் கண்டிப்பதுடன் குறித்த சம்பவம் தொடர்பாக நீதியான விசாரணை நடத்தப்பட வேண்டும் என தமிழ் மக்கள் விடுதலைப் புலிகள் கட்சியினர் வேண்டுகோள் விடுத்துள்ளது
தமிழ் மக்கள் விடுதலைப் புலிகள் கட்சியின் பிரதித் தலைவரும் கிழக்கு மாகாணசபை உறுப்பினருமாகிய நாகலிங்கம் திரவியம் (ஜெயம்) நாவலடி சந்தியில் வைத்து தாக்கப்பட்டது தொடர்பாக தமிழ் மக்கள் விடுதலைப் புலிகள் கட்சியினால் வெளியிடப்பட்டுள்ள ஊடக அறிக்கையில் மேலும் குறிப்பிடப்பட்டுள்ளது.
மேலும் அவ்வறிக்கையில் வாழைச்சேனையிலிருந்து வாகரை நோக்கி பயணித்துக் கொண்டிருந்த கிழக்கு மாகாணசபை உறுப்பினர் நாகலிங்கம் திரவியத்தின் வாகனத்தில் நாவலடிச் சந்திக்கு அருகில் ஏற்பட்ட சிறிய வீதி விபத்தினை அடுத்து திட்டமிட்ட முறையில் தமிழ் மக்கள் விடுதலைப் புலிகள் கட்சியின் பிரதித் தலைவர்இகிழக்கு மாகாண சபை மக்கள் பிரதிநிதி என்று நன்கு தெரிந்திருந்த போதும் பொல்லுஇ தடி உள்ளிட்ட ஆயுதங்களால் சிலர் மேற்கொண்ட தாக்குதலை நாம் வன்மையாகக் கண்டிக்கின்றோம்.
மக்கள் பிரதிநிதி மீதான இத்தாக்குதலானது அரசியல் காழ்ப்புணர்ச்சியின் வெளிப்பாடாக தமிழ் அரசியல் தலைமைகளையும் மௌனிகளாகுவதற்கான திட்டமிட்ட தாக்குதலாக இருக்குமோ என ஐயங்கொள்ளத் தோன்றுகிறது.
சட்டத்தினை யாரும் கையில் எடுத்துக் கொள்வதனை யாராலும் ஏற்றுக்கொள்ள முடியாது. அண்மைக்காலமாக மட்டக்களப்பு மாவட்டத்தில் ஆங்காங்கே ஏற்பட்டுவரும் சில திட்டமிட்ட குழுக்களின் விசமத்தனமான சட்டத்திற்கு முரணான செயற்பாடுகள் பூதாகரமாக இனவிரிசலை ஏற்படுத்துவதற்கு சமுகஇசமயத் தலைவர்களும் சமாதான விரும்பிகளும் இடங்கொடுக்கக் கூடாது. குறித்த திட்டமிட்ட தாக்குதல் தொடர்பாக பொலிசார் பக்கச்சார்பற்ற விசாரணை நடத்தி குற்றவாளிகளை சமுகத்தின் முன் அடையாளப்படுத்துவதுடன் சட்டப்படியாக நடவடிக்கை எடுக்க வேண்டும் எனவும் அவ்வறிக்கையில் மேலும் தெரிவித்துள்ளது.
மட்டக்களப்பு மாவட்டத்தை சேர்ந்த வேலையற்ற பட்டதாரிகள் அரசு துறைகளில் வேலைவாய்ப்பு உட்பட சில கோரிக்கைகளை முன் வைத்து மட்டக்களப்பு நகரில் காந்தி சதுக்க முன்றலில் நேற்று செவ்வாய்க்கிழமை ஆரம்பித்த காலவரையற்ற சத்தியாக்கிரக போராட்டம் இன்று புதன்கிழமை இரண்டாவது நாளாகவும் தொடர்கின்றது.
கேப்பாப்புலவில் இராணுவத்தினரால் ஆக்கிரமிக்கப்பட்டுள்ள காணிகளை விடுவிக்க கோரி, அக்கிராம மக்களினால், மேற்கொள்ளப்பட்டு வரும் தொடர் போராட்டத்துக்கு ஆதரவு தெரிவித்து, வவுனியா பாடசாலைகளில் மாணவர்கள் போராட்டத்தில் இன்று ஈடுபட்டனர்.
பதவி ஏற்பு உறுதிமொழியையும், ரகசியக் காப்பு உறுதிமொழியையும் கடவுளின் பெயரால் எடுத்துக்கொண்டார் பழனிச்சாமி.
