மைத்திரியின் வரவுடன் மட்டக்களப்பு மத்திய கல்லூரியில் காணாமல் போன தமிழ்

மட்டக்களப்பு மாவட்டத்தில் மூன்று நிகழ்வுகளில் இன்று(10/07/2016)ஐனாதிபதி மைத்திரிபால சிறிசேனா கலந்துகொண்டார்.
இதில் 202,பழமைவாய்ந்த மட்டுநகர் மத்தியகல்லூரியில் நிறுவப்பட்ட ஞாபக கோபுரம் மற்றும் மலர் வெளியீடும் இடம்பெற்றது.

இந்த நிகழ்வில் முற்றாக தமிழ் புறக்கணிக்கப்பட்டு சிங்களமொழிக்கும் ஆங்கில மொழிக்கும் மட்டுமே நிகழ்வுகளும் உரைகளும் இடம்பெற்றன.
குறிப்பாக வரவேற்பு நடனம் தனிச்சிங்கள நடனமாகவும் வரவேற்புரை தலைமைஉரைகள்ஆங்கிலத்திலும் இடம்பெற்றன.
.
100வீதமான தமிழ்பேசும் மாணவர்களை கொண்ட மட்டுநகர் மத்தியகல்லூரியில் 202வருடங்கள் கடந்த நிலையில் முற்றாகவே ஐனாதிபதி கலந்துகொண்ட நிகழ்வில் தமிழ் ஓரம்கட்ட பட்டுள்ளது.

ஆனால் ஒருவர் தவறாது இந்நிகழ்வில் கலந்துகொண்டு "உள்ளேன் ஐயா" "உள்ளேன் ஐயா"என்று ஜனாதிபதிக்கு தங்கள் முகத்தை காட்டிவிடுவதற்காக குறுக்கும் மறுக்கும் ஓடித்திருந்த தமிழ் தேசிய கூட்டமைப்பு எம்பிக்களும் மாகாண சபை உறுப்பினர்களும் இது பற்றி இன்றுவரை வாய்திறக்கவில்லை.

மாறாக இதுவே முன்னைய ஆட்சிகாலத்தில் நடந்திருந்தால் வானுக்கும் மண்ணுக்குமாக இவர்கள் எகிறி குதித்திருப்பர் என்று அங்கு இருந்த பழைய மாணவர்கள் பேசிக்கொண்டனர்.ஆமாம் மைத்திரி உடைத்தால் மண்குடம். மகிந்த உடைத்தால் பொன்குடம்.