ஹக்கீமுக்கு பின்னால் யாரோ எஜமானர்கள் இருக்கிறார்கள் – ஏ.எல்.எம். அதாஉல்லா

இலங்கை-இந்தியா ஒப்பந்தத்தின் அடிப்படையில் வடகிழக்கு வலுக்கட்டாயமாக இணைக்கப்பட்டது. இந்த அடிமைச் சாசனத்திலிருந்து மீட்சி பெறவேண்டும் என்பதற்காக தலைவர் அஷ்ரப் முஸ்லிம் காங்கிரஸை உருவாக்கினார். வடகிழக்கு இணைப்பு என்பது தற்காலிகமான இணைப்பு என்றாலும் அது முஸ்லிம்களுக்குப் போடப்பட்ட பாரியதொரு விலங்கு. இதனை உடைப்பதற்கான போராட்டத்தில் அஷ்ரப் முழு மூச்சான பங்களிப்புகளை செய்து கொண்டுபோனார் என தேசிய காங்கிரஸின் தலைவரும் முன்னாள் அமைச்சருமான ஏ.எல்.எம். அதாஉல்லா தெரிவித்தார். அவருனான நேர்காணலை தொகுத்துத் தருகின்றோம்.

எங்கள் தேசம்: சென்ற பாராளுமன்றத் தேர்தலில் தோல்வியடைந்த பின்னர் சில காலம் அமைதியாக இருந்தீர்கள். தற்போது மீண்டும் செயல்பாட்டு அரசியலுக்கு வந்திருக்கிறீர்கள். இது சம்பந்தமாக என்ன கூற விரும்புகிறீர்கள்?

ஏ.எல்.எம். அதாஉல்லா: நாங்கள் அமைதியாக இருந்து செயல்பாட்டு அரசியலுக்கு வந்தபின்னர் எம்மீது ஒரு பார்வை இருந்தாலும் நாங்கள் கட்சி என்ற அடிப்படையில் இந்த நாட்டின் அபிவிருத்திக்கும் சமூகத்திற்கும் தேவையான விடயங்களை செய்து கொடுத்திருக்கிம். கடைசியாக நடந்த தேர்தலிலே மக்கள் என்னையும் எனது கட்சியையும் புரிந்துகொள்ளாமல் இருந்தார்கள் என்பதை விடவும் புரிந்துகொள்ளாமல் இருப்பதற்கு சில கட்சிகள் முனைந்து வதந்திகளை கக்கியதன் மூலம் எங்களுடைய வாக்குகளில் குறைவு ஏற்பட்டு பாராளுமன்றத்திற்குப் போகாமல் இருந்திருக்கலாம். இருந்தாலும் கூட மக்கள் பணியை நாம் விட்டுவிடவில்லை. அரசியலில் மக்களுக்கு சேவை செய்வதற்கு கட்சி என்கின்ற அதிகாரமே போதுமானது.

கடந்த ஜனாதிபதித் தேர்தலிலும் பாராளுமன்றத் தேர்தலிலும் சில அரசியல் கட்சிகளும் தலைவர்களும் மக்கள் முன்னிலையில் பல வாக்குறுதிகளை முன்வைத்துத்தான் வாக்குகளைப் பெற்றார்கள். பாராளுமன்றத் தேர்தலிலும் மக்களும் சிலவற்றை நம்பி வாக்களித்தார்கள். வாக்களித்த மக்கள் தமது வாக்குகளைப் பெற்றவர்களைப் புரிந்துகொள்வதற்கும் அவர்களால் என்ன நடக்கிறது என்பதைப் பார்ப்பதற்கும் சுமார் ஆறு மாதங்கள் இடைவெளியை வழங்கினோம். இந்தக் காலத்தில் உண்மை எது பொய் எது எங்கே நாங்கள் ஏமாற்றப்பட்டோம் யாருடைய அரசியல் சரியானது என்பதை மக்கள் புரிந்துவருதைக் காண்கிறNhம்.

எங்கள் தேசம்: கடந்த தேர்தல்களில் மஹிந்தவுடன் இணைந்திருந்தீர்கள். தற்போது மைத்திரி அணியுடன் இணைந்துள்ளீர்கள். இதன் மூலமாக நீங்களும் தேசிய காங்கிரஸ்ஸும் மக்களுக்கு சொல்ல முனையும் செய்தி என்ன?

ஏ.எல்.எம். அதாஉல்லா: மைத்திரியின் மே தினக் கூட்டத்தில் நாங்கள் கலந்து கொண்டது ஒரு ஆச்சரியமான விடயமல்ல. தலைவர் காலத்தில், ஐக்கிய தேசியக் கட்சியுடைய சாரதியாக ரணில் விக்கிரமசிங்க இருக்கும் வரை ஐக்கிய தேசியக் கட்சி என்ற பஸ்ஸில் நானும் ஏறமாட்டேன் முஸ்லிம் சமூகமும் ஏற மாட்டாது என எங்களுக்கு வஸிய்யத் செய்திருந்தார். நான் என்னுடைய தலைவரைப் பின்பற்றும் ஒருவன். 2003 இல் ஹக்கீம் ஐக்கிய தேசியக் கட்சிக்கு போன போது பாரிய முரண்பாடுகளுக்கு மத்தியில்தான் சென்ன். அந்த நேரத்தில்தான் நோர்வே ஒப்பந்தம் இடம்பெற்றது. அதில் முஸ்லிம்கள் காட்டிக் கொடுக்கப்பட்டார்கள். எந்த ஒரு சந்தர்ப்பத்திலும் ஐக்கிய தேசியக் கட்சியின் தலைவராக ரணில் இருக்கும் வரை அக் கட்சியுடன் இணைய மாட்டோம்.

தலைவர் அஷ்ரபுடன் இணைந்து சந்திரிக்காவை இரண்டு தடவை ஜனாதிபதியாக்குவதற்கு பொத்துவில் தொகுதியின் பிரதிநிதியாக பாடுபட்டிருக்கின். அதன் பிறகு மஹிந்த ராஜபக்ஷவினுடைய தேர்தல்களில் பிரதிநிதியாக இருந்திருக்கின். கடைசியாக நடந்த ஜனாதிபதித் தேர்தலிலும் கூட அவருடைய பிரதிநிதியாக இருந்தேன். க்கஊஅ என்ற கட்சியின் தீர்மானத்தின் கீழ் நான் தொடர்ந்து செயல்பட்டுவந்தேன். ஆனால், மைத்திரிபால சிறிசேன க்கஊஅ யிலிருந்து பிரிந்து சென்று ஜனாதிபதித் தேர்தலிலே போட்டியிட்டார். அவர் பிரிந்து சென்றதினால் இன்னுமொரு கட்சி உருவாகியிருந்து, அந்தக் கட்சி மேடைக்கு நான் போயிருந்தால்தான் இது ஒரு கேள்வியாக இருந்திருக்கும். என்னைப் பொறுத்தவரை தொடர்ச்சியாக 15 ஆண்டுகளுக்கு மேல் க்கஊஅ இன் மே தினக் கூட்டங்களிலேயேதான் கலந்துகொண்டிருக்கின். கடந்த வருட மே தினத்தில் மீண்டும் க்கஊஅ யினுடைய தலைவராக மைத்திரிபால வந்தபிறகு அந்த மேடைக்கு நான் போயிருந்தேன்.

கட்சியினுடைய கொள்கையின் அடிப்படையில் ரணில் தலைமை தாங்கும் ஐக்கிய தேசிய கட்சியினுடைய மே தினக் கூட்டத்திற்கு நான் செல்லவில்லை. முஸ்லிம்கள் சார்பாக ரிஷாத் பதியுதீனும் றஊப் ஹக்கீமும் ரணிலின் மேடையில் இருந்தார்கள். தலைவர் அஷ்ரபின் வஸியத்தின்படி அங்கே நான் செல்ல முடியாது. ஆகவே, நான் தொடர்ச்சியாக இருக்கின்ற மைத்திரியின் கட்சியினுடைய மே தினக் கூட்டத்திற்கே சென்றிருந்தேன். நாங்கள் தொடர்ந்து க்கஊஅ இல் தான் இருக்கிம். ஜனாதிபதி மைத்திரிதான் கட்சிக்கு வெளியே சென்று மீண்டும் உள்ளே வந்திருக்கிறார். மைத்திரிபால சிறிசேனவின் மேடைக்கு சென்றதன் மூலம் எங்களுடைய கொள்கைகளை, அரசியலை மாற்றி இருக்கிம் என்று யாரும் கருத முடியாது. நாங்கள் இருந்த இடத்திலேயே இருக்கிம். மைத்திரிபாலவும் ஸ்ரீ லங்கா சுதந்திரக் கட்சியினரும் விசுவாசம் உள்ள ஒருவனாக என்னைப் பார்ப்பதற்கு ஒரு சந்தர்ப்பம் கிடைத்திருக்கிறது.

எங்கள் தேசம்: அண்மையில் தேசிய காங்கிரஸ் மாநாட்டில் வெளியிடப்பட்ட பிரகடனத்தில் வடக்கு கிழக்கு இணைக்கப்பட்டால், முஸ்லிம் பெரும்பான்மையாகக் கொண்ட தனி மாகாணம் என்ற கோரிக்கை முன்வைக்கப்பட்டுள்ளது. இதிலுள்ள சாத்தியங்களை தெளிவுபடுத்த முடியுமா?

ஏ.எல்.எம். அதாஉல்லா: இலங்கை-இந்தியா ஒப்பந்தத்தின் அடிப்படையில் வடகிழக்கு வலுக்கட்டாயமாக இணைக்கப்பட்டது. இந்த அடிமைச் சாசனத்திலிருந்து மீட்சி பெறவேண்டும் என்பதற்காக தலைவர் அஷ்ரப் முஸ்லிம் காங்கிரஸை உருவாக்கினார். வடகிழக்கு இணைப்பு என்பது தற்காலிகமான இணைப்பு என்றாலும் அது முஸ்லிம்களுக்குப் போடப்பட்ட பாரியதொரு விலங்கு. இதனை உடைப்பதற்கான போராட்டத்தில் அஷ்ரப் முழு மூச்சான பங்களிப்புகளை செய்தார்.

அதனைத் தொடர்ந்து நாங்களும் வடகிழக்கைப் பிரிக்க வேண்டும் என்பதிலேயே கவனமாக இருந்து வந்தோம். தலைவர் அஷ்ரப், தான் வாழுகின்ற காலத்தில் பாராளுமன்றத்திற்குள்ளும் வெளியிலும் கருத்துத் தெரிவிக்கும்போது, வடகிழக்கு இணைவதாக இருந்தால் நிபந்தனையோடு இணையட்டும். அதற்கான பேச்சுவார்த்தைகளை பேசுங்கள் என தமிழர்களுக்கு பல சந்தர்ப்பங்களில் அறைகூவல் விடுத்தார். ஆனால், கடைசி வரைக்கும் தமிழ் சமூகம் நம்மைத் தனித்தரப்பாக ஏற்றுக்கொள்ளாத சூழ்நிலையில், என்னுடைய சமூகம் வடகிழக்கிலிருந்து கிழக்கைப் பிரிக்கக் கோரும் என தெரிவித்தார்.

எனவே, இணைப்பு பிரிப்பு என்பதை விடவும் நிரந்தரமாக இணைவதாக இருந்தாலும் வடக்கும் கிழக்கும் என்ன அடிப்படையில் இணைய வேண்டும் என்பதைப் பேசுவதற்காக அல்லது பேசுவதற்கு அடித்தளம் இடுவதற்காகவாவது பிரிந்திருக்க வேண்டுமென்று சில முயற்சிகளை எடுத்தோம். வடக்கு கிழக்கு ஏதோ ஒரு அடிப்படையில் பிரிந்திருக்கிறது. இப்போது வட மாகாணமும் கிழக்கு மாகாணமும் தனித்தனி மாகாணங்கள். அது பிரிந்தே இருக்கட்டும். இணைக்க வேண்டும் என தமிழர்கள் நினைத்தால் நாங்கள் பேசலாம். அந்தப் பேச்சுவார்த்தையில் மிக முக்கியமாக வடமாகாணத்தினுடைய முதலமைச்சர் தீர்மானங்கள் நிறைவேற்றியது போல் வடக்கையும் கிழக்கையும் இணைத்துவிட்டு எங்களுக்கு ஒரு சுய அலகு தருவதாக கூறுவது போன்ற பூச்சாண்டித்தனமான விடயங்கள் எல்லாம் அங்கு இருக்காது.

சமனான இரண்டு மாகாணங்கள் அங்கு உருவாக்கப்பட வேண்டும். அந்த சமனான இரு மாகாணங்கள் உருவாக்கப்படுவதற்கு ஏற்றவாறு வடகிழக்கு, வடமத்திய, ஊவா மாகாணங்களுடைய எல்லைகளும் மீளமைக்கப்பட்டு சில சிங்களப் பிரதேசங்கள் ஊவா, வடமத்திய மாகாணங்களுக்குள் உள்வாங்கப்பட்டு அதாவது, பிபிலை, பொலன்னறுவை போன்ற பிரதேசங்களுடன் இணைக்கப்பட வேண்டும். திருகோணமலையிலும் மட்டக்களப்பிலும் தமிழ் பிரதேசங்களை வடமாகாணத்தோடு இணைத்து பெரும்பான்மை தமிழ் மாகாணசபையும் பெரும்பான்மை முஸ்லிம் மாகாணசபையையும் உருவாக்குவதன் மூலம் தமிழ் பேசுகின்ற இரண்டு மாநிலமும் தமிழ் பேசுகின்ற இரண்டு முதலமைச்சர்களும் உருவாவதை எல்லோரும் வரவேற்பார்கள் என நினைக்கின். குறிப்பாக, தமிழ் மக்கள் இதனை நிராகரிக்க மாட்டார்கள் என நம்புகின்.

எங்கள் தேசம்: பிரிந்து கிடக்கும் முஸ்லிம் கட்சிகள் ஓர் அணியாக இணைந்தால் முஸ்லிம்களின் அடைவு எல்லை வியாபிக்கும் என்பதை எவ்வாறு பார்க்கிறீர்கள்?

ஏ.எல்.எம். அதாஉல்லா: முஸ்லிம் சமூகம் ஒன்றுபடுவதன் மூலம் நாங்கள் சாதிக்கலாம் என்பதற்கு அஷ்ரப் அவர்கள் ஒரு சான்று. அவருடைய முன்னுதாரணம் எங்களுக்கு இருக்கிறது. ஆனால், ஒற்றுமைப்படுவது என்பது இஸ்லாமிய முறைப்படி நாங்கள் கருதுகின்ற ஒரு அமீருடைய தலைமையின் கீழ் இருப்பதன் மூலம் அதை சாதிக்க முடியும்.

அஷ்ரப் அவர்களை அவர் ஒரு சட்டத்தரணி மற்றும் அழகானவர் என்பதற்காக நாங்கள் விரும்பவில்லை. சமூகத்தின் முழுப் பொறுப்பையும் தனது தலையிலே சுமந்த ஒருவர். உரிய நேரத்திலே சமூகத்திற்காகக் குரல் கொடுத்து பாரிய திருப்புமுனையை இந்த நாட்டிலே ஏற்படுத்தியவர் என்பதற்காக நேசித்தோம். கட்சி என்பதல்ல இங்குள்ள பிரச்சினை. கட்சி என்பது காலத்தின் தேவை. ஒரு நல்ல தலைமையை ஏன் சமூகத்தால் கண்டுபிடிக்க முடியாது? புத்திஜீவிகள் ஒன்றிணைந்து இந்தக் கட்சிகளை வழிநடத்த வேண்டும். அல்லாஹ்வுக்குப் பயந்து, சமூகத்திற்குப் பயந்து, உண்மைக்குப் பயந்து யார் செயல்படுவார்கள் என்பதை அடையாளம் காண வேண்டும். அவ்வாறான தலைமையின் கீழ் அனைவரையும் ஒன்றுபடுத்த வேண்டும்.

எங்கள் தேசம்: வடகிழக்கு பிரிய வேண்டும் என்று தேசிய காங்கிரஸ் சொல்கிறது. வடகிழக்கு இணைந்திருக்க வேண்டும் என்று முஸ்லிம் காங்கிரஸ் அண்மைக்காலமாக சொல்லி வருகிறது. இந்த முரண்பட்ட கருத்துக்குக் காரணம் என்ன?

ஏ.எல்.எம். அதாஉல்லா: முஸ்லிம் காங்கிரஸினால் பேசப்படுகின்ற இவ்வாறான விடயத்தினால்தான் முஸ்லிம் காங்கிரஸின் தலைமைக்கும் எனக்கும் பிரச்சினை ஏற்படுகின்றது. தலைவர் அஷ்ரப் சொன்னார் ரணில் விக்கிரமசிங்கவிற்குப் பின்னால் போகக் கூடாது என்று. ஹக்கீம் அதை உள்வாங்கவில்லை. ரணில் விக்கிரமசிங்கவை அதிகாரத்திற்குக் கொண்டுவந்து நோர்வேயுடன் ஒப்பந்தமொன்றைச் செய்தார். அதில் நாங்கள் தெளிவாகக் காட்டிக்கொடுக்கப்பட்டோம். முஸ்லிம்கள் என்ற பெயரில் எங்களைக் குறிப்பிடாமல் வடகிழக்கில் வாழுகின்ற சிறு குழுக்கள் என எங்களுக்கு அடையாளம் சொல்லப்பட்டிருந்தது. ஏற்கனவே ஒரு கட்டத்தில் இஸ்லாமிய தமிழர்கள் என எங்களுக்கு முத்திரை குத்தப்பட்டிருந்தது. இவற்றையெல்லாம் தடுக்கமுடியாமல் போனதால்தான் நாங்கள் வளர்த்த கட்சியை விட்டு தலைவருடைய மக்களாக வெளியேறினோம்.

இப்பொழுதுள்ள பிரச்சினை இதுதான். ஹக்கீமை ஏதோ ஒரு சக்தி ஆட்டிக்கொண்டிருக்கிறது. அன்று நோர்வேயும் அமெரிக்காவும் சேர்ந்துதான் இவ்வளவு சிக்கலை உருவாக்கினார்கள் என்பதை நாங்கள் உணர்ந்திருக்கிம். இன்றைக்கும் அதே நோர்வேகாரர்களும் அதே விடுதலைப்புலிகளுக்கு சார்பானவர்களும் கடல் கடந்த புலிகளும் வடகிழக்கு இணைவு தொடர்பாக பேசிக்கொண்டிருக்கிறார்கள்.

ஹக்கீம் வடக்கு கிழக்கு இணைய வேண்டும் என்று சொல்வதற்கான காரணம் முஸ்லிம் மக்கள் மீது கொண்ட அக்கறையோ, நாட்டின் மீது கொண்ட அக்கறையோ அல்ல. இவருக்குப் பின்னால் யாரோ எஜமானர்கள் இருக்கிறார்கள். அந்த எஜமானர்களிடமிருந்து இவரால் விலக முடியாமல் இருக்கிறது என்பதைத் தவிர வேறnhன்றும் இல்லை.

நேர்காணல்: ஐ.எம். இர்சாத்
படம்: எப்.எம். பயாஸ்