ஐ.நா சபை தூங்குகிறது: ரிஷாட்

மியன்மாரில் நடைபெறும் அரக்கர்களின் கொடூர தாக்கதல்களினால் அப்பாவி முஸ்லிம்கள் கொல்லப்படுவதைப் பார்த்துக்கொண்டு ஐ.நா சபை தூங்குகிறது என அமைச்சர் ரிஷாட் பதியுதீன் குற்றஞ்சாட்டியுள்ளார்.

அப்பாவி முஸ்லிம்கள் மீது மியன்மாரில் கட்டவிழ்த்து விடப்பட்டுள்ள காடைத்தனங்களுக்கு எதிர்ப்பு தெரிவித்து, இன்றைய தினம் ஜும்ஆ தொழுகையின் பின்னர் கொழும்பில் இடம்பெற்ற எதிர்ப்பு ஆர்ப்பாட்டத்தில் கலந்து கொண்ட அமைச்சர் ரிஷாட், ஊடகவியலாளர் மத்தியில் உரையாற்றும்போதே மேற்படி குற்றச்சாட்டினை தெரிவித்தார்.

“மியன்மாரிலுள்ள அப்பாவி முஸ்லிம்கள் மீது அந்நாட்டு இராணுவ ஆட்சியாளர்களும் அரக்கர்களும் கொடூரமான முறையில் தாக்குதல்களை மேற்கொண்டு அவர்களை கொன்று குவித்து வருகிறது. இதனைப் பார்த்துக்கொண்டு ஐநா சபை தூங்கிக் கொண்டிருக்கிறது.

இந்தக் கொலையினை கண்டித்து துருக்கி அரசாங்கம் மட்டுமே குரல்கொடுத்து வருகிறது. அதற்காக இலங்கை மக்கள் சார்பில் அந்நாட்டு ஜனாதிபதிக்கும் அரசாங்கத்துக்கும் நன்றி தெரிவித்துக் கொள்கிறேன். ஏனைய நாடுகள் அனைத்தும் வாய்மூடி மௌனிகளாக இருக்கின்றன.

ஆகையினால், இந்தக் கொடூரத்துக்கு எதிராக உலக முஸ்லிம் நாடுகள் அனைத்தும் ஒன்று திரள வேண்டும் என இலங்கை வாழ் முஸ்லிம்கள் சார்பில் வேண்டுகோள் விடுக்கின்றோம். அதேபோல் இலங்கையிருள்ள மியன்மார் தூதரகத்துக்கும் எமது எதிர்ப்பினை தெரிவித்து மகஜர் கையளித்திருக்கிறோம்.

எனவே, இந்த அடாவடித்தனம், படுகொலைகள் உடனடியாக நிறுத்தப்படாவிட்டால் இலங்கையிலுள்ள முஸ்லிம்கள் மட்டுமல்ல, பௌத்த, ஹிந்து, கிறிஸ்தவ மக்கள் அனைவரும் ஒன்றிணைந்து நாடளாவிய ரீதியில் போராட்டங்களை முன்னெடுப்போம் என்பதை எச்சரிக்கையாக அவர்களுக்கு சொல்லிவைக்க விரும்புகின்றோம்” என அமைச்சர் ரிஷாட் பதியுதீன் மேலும் தெரிவித்தார்.

- See more at: http://www.tamilmirror.lk/147152#sthash.6jUbW1Fv.dpuf

»»  (மேலும்)

”உயிரியல் உரிமைக்கான எல்லையற்ற இயக்கம்”

”உயிரியல் உரிமைக்கான எல்லையற்ற இயக்கம்” என்ற பெயரில் மக்கள் போராட்ட (போர் அல்ல!) அமைப்பொன்று  துவங்கபட்டுள்ளது.

இந்த இயக்கத்தின் முதலாவது பணியாக, மியன்மார் முஸ்லிம்களுக்கு எதிரான இனப்படுகொலையை எதிர்த்து அமைதி விழிப்புணர்வுப் பேரணிகளை ஏற்பாடு செய்யப்பட்டுள்ளன . முதல் பேரணி  வெள்ளிக்கிழமை ஜூம்ஆம் தொழுகையைத் தொடர்ந்து ஏறாவூரில் இடம் பெற்றுள்ளது ..

»»  (மேலும்)

கலாசூரி விருதுபெறுகின்றார் கவிஞர் ராசாத்தி சல்மா மாலிக்

தடாகம் கலை இலக்கிய கல்வி கலாசார சமூக அபிவிருத்தி சர்வதேச அமைப்பு ஒவ்வொரு மாதமும் பிரபல பெண் எழுத்தாளர்களை ,கவிஞர்களை ,பன்முக ஆற்றல் கொண்டவர்களை இனம் கண்டு மாதாமாதம் ( கலாசூரி விருது ) கொடுத்து கௌரவித்து வருகின்றார்கள்

அதன்மூன்றாவது கலாசூரி விருதினை பிரபல பெண்கவிஞர் பன்முக ஆற்றல் கொண்டவருமான சல்மா மாலிக் அவர்கள் பெறுகின்றார்

»»  (மேலும்)

அனைத்து அரசியல் கைதிகளையும் உடனடியாக விடுதலை செய்யக்கோரி ஆர்ப்பாட்டம்

விசாரணைகள் இன்றி தடுத்து வைக்கப்பட்டிருக்கின்ற அனைத்து அரசியல் கைதிகளையும் உடனடியாக விடுதலை செய்யக்கோரி இன்று 28.05.2015 பிற்பகல் 3:30 மணிக்கு  கொழும்பு கோட்டை புகையிரத நிலையத்தின் முன்னால் சமவுரிமை இயக்கத்தின் முன்னெடுப்பில் மூவின மக்களும் இணைந்து அரசியல் கைதிகளை விடுதலை செய்யக்கோரி ஆர்ப்பாட்டம்  நடத்தியுள்ளனர். இதில் கைதிகளாக சிறையில் இருப்பவர்களின் உறவுகளும் கலந்துகொண்டு ஆர்ப்பாட்டத்தினை நடத்தினர்.

»»  (மேலும்)

சரத்பொன் சேகாவிற்கே பொது மண்ணிப்பு வழங்கிய அரசாங்கம் நீண்டகாலமாக சிறையில் வாடும் தமிழ் இளைஞர்களை விடுவிக்கவில்லை

சரத்பொன் சேகாவிற்கே பொது மண்ணிப்பு வழங்கிய அரசாங்கம் சந்தேகத்தின்பேரில் கைது செய்யப்பட்டு நீண்டகாலமாக சிறையில் வாடும் தமிழ் இளைஞர்களை இதுவரை விடுவிக்க முயற்சி எடுக்கவில்லை என பாராளுமன்ற உறுப்பினரும் பாராளுமன்றக்குழுக்களின் பிரதித்தலைவருமான மு.சந்திரகுமார் தெரிவித்துள்ளார். இன்று விவேகானந்த நகர் மக்களைச் சந்தித்து கலந்துரையாடும்போதே அவர் இவ்வாறு குறிப்பிட்டுள்ளார் அங்கு அவர் மேலும் குறிப்பிடுகையில்.
கடந்த யுத்த காலத்தில் சந்தேகத்தின் பேரில் கைது செய்யப்பட்டு பல ஆண்டுகளாக சிறையில் வாடிக்கொண்டிருக்கும் தமிழ் இளைஞர்களை விடுதலைசெய்வதற்கு இன்றுவரை எந்தவித நடவடிக்கைகளும் எடுக்கப்படவில்லை. அதற்கென விசேட குழு ஒன்றை நியமித்து அந்த குழுவின் செயற்பாடுகளின் அடிப்படையில் இரண்டு வார காலத்திற்குள் நடவடிக்கைகள் மேற்கொள்ளப்படுமென பாராளுமன்றில் நீதியமைச்சர் குறிப்பிட்டார.; அவர் அவ்வாறு குறிப்பிட்டு இரண்டு மாதங்களைக்கடந்த நிலையிலும் இன்றுவரை எந்த நடவடிக்கைகளும் மேற்கொள்ளப்பட்டதாகத் தெரியவில்லை.
பல்வேறு குற்றச்சாட்டின்பேரில் சிறையில் அடைக்கப்பட்ட சரத்பொன்சேகா வினைக்கூட விடுதலை செய்து அவருக்கு பதவி உயர்வுகளும் வழங்கப்பட்டுள்ளநிலையில் சாதாரணமாக சந்தேகத்தின் பேரில் கைது செய்யப்பட்ட தமிழ் இளைஞர்கள் இதுவரை விடுதலைசெய்யப்படவில்லை அதுமட்டுமன்றி சந்தேகத்தின் பேரில் கைது செய்யப்பட்டுள்ள இவ் இளைஞர்களில் பலர் நீதி மன்றில் முட்படுத்தப்படாத நிலை அல்லது நீண்ட காலத்திற்கு ஒருதடவை மட்டுமே அவர்களின் வழக்குகள் விசாரணைக்கு எடுத்துக்கொள்ளப்படும் நிலையே தொடர்கின்றது. இவ்வாறு சிறையில்வாடும் இளைஞர்களின் கும்பங்கள் சட்டத்தரணிகளுக்கு சாசுகட்டியே இன்றும் வறுமைக்கோட்டுக்குள் வாழ்ந்துகொண்டிருக்கின்றனர். ஆனால் தேர்தல் காலத்தில் இவர்களின் விடுதலை விரைவில் உறுதிப்படுத்தப்படும் என குறிப்பிட்டு தமிழர்களின் வாக்குகளை பெற்றுக்கொடுத்தவர்கள்கூட இவ்விடையத்தில் அதிக அக்கறை காட்டவில்லை மாறாக அதற்கான நடவடிக்கைகள் விலைவில் மேற்கொள்ளப்படும் என்றே அவர்களும் கூறிவருகின்றனர். எனகுறிப்பிட்ட பாராளுமன்ற உறுப்பினர் மு.சந்திரகுமார்.
மீள் குடியேற்றத்தின் பின் சுமார் ஐந்து தேர்தல்களை தமிழ் மக்கள் எதிர்கொண்டுள்ள போதும் அவை அனைத்திலும் மக்கள் ஏமாற்றப்பட்டுள்ளனர். தேர்தல்காலத்தில் வழங்கப்படும் வாக்குறுதிகளை நம்பி வாக்களிக்கும் மக்கள் தேர்தலின் பின்னரே தாம் ஏமாற்றப்பட்டு விட்டதை உணர்கின்றனர். அவர்கள் வாக்களித்து தெரிவு செய்த பிரதிநிதிகளைக்கூட மக்களால் பின்னர் காணமுடிவதில்லை எனவே வாக்குறுதிகளை நிறைவேற்றுமாறு யாரிடம் கேட்பது என்ற நிர்க்கதியில் மக்கள் உள்ளனர். மேலும் தெரிவான மக்கள் பிரதிநிதிகள் மக்களுக்கு நிறைவான சேவையினை வழங்காததன் காரணத்தால் மக்கள் இன்றும் பல துயரங்களுக்கு முகம் கொடுத்து வருகின்றனர் இந்த உண்மையை இன்று மக்கள் நன்கு உணர்ந்துள்ளனர் எனவே இனிவரும் காலங்களில் மக்கள் மிகச்சரியான தீர்மானங்களை எடுக்கவேண்டிய கடப்பாட்டில் உள்ளனர் எனவும் அவர் மேலும் குறிப்பிட்டார்.
இக்கலந்துரையாடலில் யுத்தகாலத்தில் கைது செய்யப்பட்டு தொடர்ந்தும் தடுத்து வைக்கப்பட்டிருப்பவர்களின் விடுதலை குறித்தும் மற்றும் வீதிகின் புனரமைப்பு பிரதேசசபையினரின் அசமந்தபோக்கு உள்ளிட்ட பல விடையங்கள் குறித்து மக்களால் பாராளுமன்ற உறுப்பினரின் கவனத்திற்கு கொண்டுவரப்பட்டது. இதில் விவேகானந்த நகரைச்சேர்ந்த மக்கள் கலந்துகொண்டனர்.

»»  (மேலும்)

காரைதீவில்..."குமாரசாமி நந்தகோபன்(ரகு)" ஞாபகார்த்த கிண்ண கிரிக்கட் சுற்றுப்போட்டி.

தமிழ்மக்கள் விடுதலை புலிகள் கட்சியின் முன்னாள் தலைவரும், முன்னாள் கிழக்கு மாகாண முதலமைச்சரின் செயலாளருமாகிய அமரர் குமாரசாமி நந்தகோபன்(ரகு) அவர்களின் ஞாபகார்த்தமாக TMVP கட்சியின் காரைதீவு கிளையானது மென்பந்து கிரிக்கட் சுற்றுப்போட்டியினை நடாத்தவுள்ளது. காரைதீவின் முன்னணி விளையாட்டுக் கழகங்கள் பங்குபற்றவுள்ள இப்போட்டியில் நுழைவு கட்டணம் இன்றி அணிகள் இணைத்துகொள்ளப்பட இருக்கின்றன

»»  (மேலும்)

கருணை அரசாங்கத்துக்கு எதிராக நம்பிக்கையில்லாப் பிரேரணை

அரசாங்கத்துக்கும் பிரதமர் ரணில் விக்கிரமசிங்கவுக்கும் எதிராக எதிர்வரும் ஜூன் மாதம் 9ஆம் திகதி, நாடாளுமன்றத்தில் நம்பிக்கையில்லாப் பிரேரணையொன்றை சமர்ப்பிக்கவுள்ளதாக முன்னாள் அமைச்சரும் நாடாளுமன்ற உறுப்பினருமான மஹிந்தானந்த அலுத்கமகே தெரிவித்தார். கொழும்பில் இன்று வியாழக்கிழமை நடைபெற்ற செய்தியாளர் மாநாட்டின் போதே அவர் மேற்கண்டவாறு கூறினார். அங்கு தொடர்ந்து உரையாற்றிய மஹிந்தானந்த, 'புதிய அரசாங்கத்துக்கு 100 நாட்களுக்கு மேலதிகமாக 50 நாட்கள் கொடுத்தாகிவிட்டது' என்றார். 'அரசாங்கத்துக்கும் பிரதமருக்கும் எதிரான நம்பிக்கையில்லாப் பிரேரணை, எதிர்வரும் 9ஆம் திகதி சமர்ப்பிக்கப்படும். இந்த நம்பிக்கையில்லாப் பிரேரணையில், நேற்று இரவு வரையில் நாடாளுமன்ற உறுப்பினர்கள் 84பேர் கையெழுத்திட்டுள்ளனர். மொத்தமாக 130பேர், இதில் கைச்சாத்திடுவர். அமைச்சுப் பொறுப்புக்களை ஏற்றுக்கொண்ட அமைச்சர்கள் சிலரும் இந்த நம்பிக்கையில்லாப் பிரேரணையில் கைச்சாத்திட்டுள்ளனர்.   இந்த அரசாங்கத்துக்கு நாம் 100 நாட்களை வழங்கினோத். போனஸ்ஸாக மேலும் 50 நாட்களையும் வழங்கினோம். ஜனாதிபதி மைத்திரிபால சிறிசேன, இந்த நாட்டில் மைத்திரி (கருணை) அரசாங்கமொன்றை ஏற்படுத்துவதாகக் கூறினார். ஆனால், பிரதமரோ இந்த நாட்டில் வைராக்கியமானதொரு ஆட்சியையே நடத்தி வருகிறார் என மஹிந்தானந்த மேலும் கூறினார். 

»»  (மேலும்)

குகைவாழ் மனிதன் ஆதாரத்துடன் கூடிய ஆவணப்படம்

வரலாற்று காலத்திற்கு முன் சென்னையை அண்டிய பகுதியில் குகைவாழ் மனிதன் வாழ்ந்ததற்கான ஆதாரத்துடன் கூடிய ஆவணப்படம். இப்படத்தினை கான் திரைப்படவிழாவில் காட்சிப்படுத்தியவர்கள் பாரீசில் எமது ஆர்வலர்களுக்காக அதனை காண்பிக்கவுள்ளனர். காலம் - 27/05/2015(புதன்) மாலை 16 மணி இடம். 24 Rue du sous-lieutenant Alexis Le Calvez , La Courneuve-93120,France. Métro no 7 la courneuve. அலைபேசி- 0758754388 ஆர்வம் உள்ளவர்கள் வந்து சிறப்பிக்கவும் .

»»  (மேலும்)

மண்டூர் கொலையின் பின்னணியில் சாதி பூசல்கள்

மட்டக்களப்பு மண்டூர் பிரதேசத்தில் இன்று காலை இடம்பெற்ற துப்பாக்கிச் சூட்டுச் சம்பவத்தில் ஒருவர் உயிரிழந்துள்ளார்.இவர் நாவிதன் வெளி பிரதேச செயலகலத்தில் சமுக சேவை உத்தியோகஸ்தராக பணிபுரிபவர் ஆகும்.

கொல்லப்பட்டவர் சத்திரசிகிச்சை ஒன்றை மேற்கொண்டதன் காரணமாக வீட்டில் இருந்துள்ளார். இந்த நிலையில் இன்று காலை 9.30 மணியளவில் வீட்டுக்கு மோட்டார் சைக்கிளில் சென்ற இருவர் அவரை வாசலுக்கு அழைத்து உரையாடிக்கொண்டிருந்துவிட்டு பின்னரே சுட்டுவிட்டு தப்பி சென்றுள்ளனர்.இவர்கள் தமது தலை கவசத்தை கழற்றாத நிலையில் தனது கணவருடன் பேசிக்கொண்டிருந்தமையால் அவர்கள் யாரென தன அடையாளம் காண வில்லை என அவரது மனைவி தெரிவித்தார்.

இவரது கொலை சாதிபிரச்சனை காரணமாக நிகழ்த்தப்பட்டிருக்கலாம் என பரவலாக நம்பப்படுகின்றது.மண்டூர் கந்த சுவாமி கோயிலின் திருவிழாக்களை தமக்குள்ள பங்கீட்டுக்கொள்ளும் முயற்சியில் நீண்ட காலமாக அங்குள்ள ஆதிக்க சமூகங்களிடையே ஏற்பட்டுவரும் முரண்பாடுகளின் பின்னணியிலேயே இக்கொலை நிகழ்த்தப்பட்டுள்ளது என பரவலாக அக்கிராம மக்களிடையே பேசப்படுகின்றது.

»»  (மேலும்)

ரணில் விக்ரமசிங்கவே சிரேஷ்ட பொலிஸ் மாஅதிபரைப் போன்று செயற்படுகின்றார் – மஹிந்த ராஜபக்ஸ

தமக்கு ஆதரவு வழங்குவோரைக் கைது செய்வதற்கான நடவடிக்கையொன்று முன்னெடுக்கப்பட்டுள்ளதாக முன்னாள் ஜனாதிபதி மஹிந்த ராஜபக்ஸ தெரிவித்துள்ளார்.

புத்தளயில் நடைபெற்ற நிகழ்வொன்றில் கலந்துகொண்டு உரையாற்றியபோதே முன்னாள் ஜனாதிபதி இதனைக் கூறினார்.

அவர் மேலும் குறிப்பிட்டதாவது:

நாம் கதைக்க ஆரம்பித்தால் பலவற்றைக் கூற நேரிடும். பலவற்றைக் கூற நேரிட்டால் பலர் கோபமடைவார்கள். பலர் கோபமடையும்போது என்னைச் சுற்றி இருக்கும் அனைவரும் சிறைக்குச் செல்வார்கள்.

அவர்களுக்கு பிணையும் கிடைக்காது, புதிய நிலைமை என்னவென்றால் பொலிஸ் மாஅதிபரால் ஒன்றும் செய்ய முடியாது. தற்போது முறைப்பாடுகளை செய்வதற்கு ரணில் விக்ரமசிங்கவிடமே செல்ல வேண்டும். அவரே சிரேஷ்ட பொலிஸ் மாஅதிபரைப் போன்று செயற்படுகின்றார்.

»»  (மேலும்)

அதிமுக-பாஜ கூட்டணிக்கு அச்சாரம் ; ஜெ., பதவியேற்பு விழாவில் முத்தாரம்

முதல்வராக ஜெயலலிதா பதவேற்ற விழாவில் புன்னகை பூக்க தமிழக பா.ஜ., தலைவர்கள் கலந்துகொண்டது, பல்வேறு ஹேஸ்யங்களை ஏற்படுத்தி உள்ளது. 

அதிகாரிகள், தொழில் அதிபர்கள், நீதிபதிகள், நடிர்கள் என பல்வேறு தரப்பினரையும் விழாவுக்கு அழைத்த ஜெயலலிதா, மற்ற எந்தக் கட்சியையும் அழைக்கவில்லை, பாஜவைத் தவிர. 

இது தான் ஆச்சரியத்தின் உச்சம். இரு கட்சிகளும் கூட்டணியில் இல்லை. வேறு எந்தக் கட்சியையும் கண்டுகொள்ளாதவர் ஜெயலலிதா. யாரையும் நம்பி நான் இல்லை என வெளிப்படையாக காட்டிக்கொள்பவர். இப்படிப்பட்டவர் பாஜவை மட்டும் அழைத்தது ஏன்? இது பற்றி விசாரித்தபோது கன்னியாகுமரி மாவட்டத்தைச் சேர்ந்த ஒரு பாஜ நிர்வாகி, ""அடுத்த சட்டசபை தேர்தலில் அதிமுக - பாஜ கூட்டணி ஏற்பட நிறையவே வாய்ப்புகள் உள்ளன. வழக்கில் இருந்து ஜெயலலிதா விடுபட்டதால் அவருடன் கூட்டணி வைப்பதில் எங்களுக்கு இருந்த தயக்கம் போய்விட்டது. ஏற்கனவே நாங்கள் கூட்டணி வைத்த தேமுதிக, மதிமுக போன்ற கட்சி தலைவர்கள், கூட்டணிக்கு எதிராகவே பேசக் கூடியவர்கள். இவர்களை இனி நாங்கள் நம்ப மாட்டோம்'' என்றார். இன்னொரு அதிமுக நிர்வாகி கூறும்போது, ""பாஜவில் உள்ள சுஷ்மா, ஜெட்லி, வெங்கய்யா போன்றவர்கள் ஜெயலலிதாவிற்கு நண்பர்கள். இவர்கள் இந்த கூட்டணி ஏற்படத்தான் விரும்புவார்கள். அக்கட்சி தலைவர்களை விழாவுக்கு அழைத்தபோதே எங்கள் தலைவியின் மன ஓட்டம் தெரிந்துவிட்டது'' என்றார். 

ஜெ., அப்பீல் வழக்கின் தீர்ப்பு வரும் வரை ஜெயலலிதாவை கடுமையாக விமர்சித்து வந்தார்கள் தமிழக பாஜ தலைவர்கள். மத்திய அமைச்சர்கள் அனைவரும் 'கொத்து கொத்தாக' தமிழகம் வந்து, ஒவ்வொரு மாவட்டமாக சென்று மக்களை சந்தித்து, கட்சியை வளர்க்கவும் திட்டமிட்டனர். தீர்ப்புக்குப் பிறகு நிலைமை தலைகீழ் ஆகிவிட்டது. மத்திய அமைச்சர்களை மொத்தமாக இறக்குமதி செய்யும் திட்டம் "பணால்' ஆகிவிட்டது.

மதுரையை சேர்ந்த திமுக முன்னாள் எம்எல்ஏ ஒருவர் கூறும்போது, ""ஜெயலலிதாவுக்கு எதிராக தீர்ப்பு அமைந்திருந்தால், பாஜவின் அணுகுமுறையே வேறு மாதிரி இருந்திருக்கும். அதிமுகவுடன் கடுமையாக மோதி இருக்கும். ஆனால் ஜெ., விடுதலை ஆனதும், மோதல் போக்கை கைவிட்டு, கைகோர்க்க தயாராகிவிட்டது பாஜ. தீர்ப்பு வரும்வரை ஜெயலலிதாவை விமர்சித்த தமிழக பாஜ தலைவர்கள், 'பெட்டிப் பாம்பாய்' அடங்கிவிட்டார்கள்'' என்றார். 

ஆக, அடுத்த சட்டசபை தேர்தலில் அதிமுக - பாஜ கூட்டணிக்கு அச்சாரம் போடப்பட்டுவிட்டதாகவே தெரிகிறது.

»»  (மேலும்)

பேப்பர்காரர்களின் கொடூர முகம்

யாழ்ப்பாணத்தில் நேற்று கடையடைப்பும் பஸ்கரிப்பும் இடம்பெற்றிருந்தது. இதனால் பருத்தித்துறையில் இருந்து யாழ்ப்பாணத்திற்கான போக்குவரத்தும் துண்டிக்கப்பட்டிருந்தது. இந் நிலையில் உதயன் பத்திரிகை நிறுவனத்தில் நீண்டகாலமாக வேலை செய்யும் ஆறு பெண் ஊழியர்கள் அச்சத்தின் காரணமாகவும் போக்குவரத்து தடைப்பட்டிருந்ததாலும் நேற்று வேலைக்குச் செல்லவில்லை எனத் தெரியவருகின்றது.  அவர்களது விபரங்கள்

ஜமுனா – Editorial
ஸ்ரீதேவி –  Proof Reading
ஜீவதாரிணி – Type Setting
சோபா –     Editorial
சீபா – Clerk
சுபோதினி – Type Setting

இன்று அவர்கள் வழமை போல் உதயன் பணிமனைக்கு பணியாற்றச்  சென்ற போது அங்கு வைத்து உதயன் ஆசிரியர் மற்றும் நிர்வாகத்தரப்பு அவர்களை வேலைக்கு வர வேண்டாம் வீட்டே போங்கள் என தரக்குறைவான வார்த்தைகளால் ஏசி வேலையை விட்டு நிறுத்தியுள்ளனர். இதே வேளை இவர்களை தான் வந்து சந்திக்கும் வரைக்கு வேலையை விட்டு நிறுத்தி வைத்திருங்கள். நான் வந்து அவர்களிடம் கதைத்த பின்னரே வேலைக்கு அவர்களை மீண்டும் சேர்த்துக் கொள்வது பற்றி முடிவெடுப்பேன் என உதயன் முதலாளி சரவணபவன் தெரிவித்துள்ளாராம்.

»»  (மேலும்)

சவுதி அரேபியா மசூதியில் தொழுகையின் போது தற்கொலை படை திவீரவாதி தாக்குதல் பலர் பலி

கிழக்கு சவுதி அரேபியாவில் அல் குவடாக் நகரில் உள்ள இமாம் அலி மசூதியில் இஸ்லாமியர்கள் இன்று வெள்ளிக்கிழமை தொழுகையில் ஈடுபட்டு இருந்தனர். அப்போது அங்கு தற்கொலை படை தீவிரவாதி ஒருவன் தான் அணிந்து இருந்த குண்டை வெடிக்க செய்தான். இந்த தாக்குதலில் பலர் உயிர் இழந்தனர்.

இந்த பள்ளியில் 150 க்கும் மேற்ட்டவர்கள் தொழுகையில் ஈடுபட்டு இருந்தனர் எனவும் இதில் 30 பேர் வரை பலியாகி இருக்க கூடும் எனவும் நேரில் பார்த்தவர் கூறி உள்ளார்.

நாங்கள் முதல் பகுதி தொழுகையில் ஈடுபட்டு இருந்த போது  வெடிகுண்டு வெடிக்கும் சத்தம் கேட்டேன். என நேரில் பார்த்த  கமல் ஜாபர் ஹசன் என்பவர் ராய்ட்டர் செய்தி ஏஜென்சிக்கு டெலிபோன் மூலம் கூறி உள்ளார்

சவுதி அரசு செய்தி ஏஜென்சி வெடுகுண்டு தக்குதல் நிகழ்ந்ததை உறுதி படுத்தி உள்ளது. பாதிக்கபட்டவர் ஒருவர் ரத்தம் தோய்ந்த படத்தை சோசியல் மீடியாவில் போட்டு உள்ளார்

»»  (மேலும்)

நான்கு அமைச்சர்கள் இராஜினாமா ரணிலுடன் செயற்பட முடியாது என அறிவிப்பு

ஜனா­தி­பதி மைத்­தி­ரி­பால சிறி­சேன தலை­மை­யி­லான தேசிய

அர­சாங்­கத்தில் சிறி­லங்கா சுதந்­திரக் கட்­சியின் சார்பில் அங்கம் வகித்த நான்கு அமைச்­சர்கள் நேற்று தமது அமைச்சுப் பத­வி­களை இரா­ஜி­னாமா செய்­த­துடன் அர­சாங்­கத்­தி­லி­ருந்தும் வில­கினர்.

சமுர்த்தி மற்றும் வீட­மைப்பு இரா­ஜாங்க அமைச்சர் டிலான் பெரேரா, பொது­நிர்­வாகம்

மற்றும் ஜன­நா­யக ஆட்சி தொடர்­பான இரா­ஜாங்க அமைச்சர் சி.பி. ரத்­நா­யக்க, சுற்­றாடல் இரா­ஜாங்க அமைச்சர் பவித்­தி­ரா­தேவி வன்­னி­யா­ராச்சி மற்றும் பாரா­ளு­மன்ற அலு­வல்கள் அமைச்சர் மஹிந்த யாப்பா அபே­வர்த்­தன ஆகி­யோரே தமது அமைச்சுப் பத­வி­களை இரா­ஜி­னாமா செய்­துள்­ளனர்.

நான்கு அமைச்­சர்­களும் தமது இரா­ஜி­னாமா கடி­தங்­களை ஜனா­தி­பதி மைத்­தி­ரி­பால சிறி­சே­ன­வுக்கு அனுப்­பி­யுள்­ள­துடன் தாங்கள் ஏன் அர­சாங்­கத்­தி­லி­ருந்து வில­கு­கின்றோம் என்­ப­தனை விளக்கி நீண்ட கடிதம் ஒன்­றையும் அனுப்­பி­யுள்­ளனர்.

அர­சாங்­கத்­தி­லி­ருந்து வில­கி­னாலும் ஜனா­தி­பதி மைத்­தி­ரி­பா­ல­வுக்கு முழு­மை­யான ஆத­ரவை வழங்­கு­வ­தா­கவும் அர­சி­ய­ல­மைப்பின் 20 ஆவது திருத்தச் சட்­டத்தை நிறை­வேற்ற உறு­து­ணை­யாக இருப்­ப­தா­கவும் நான்கு பேரும் தெரி­வித்­துள்­ளனர்.

இது தொடர்பில் நால்­வரும் இணைந்து ஜனா­தி­ப­திக்கு அனுப்பி வைத்­துள்ள கடி­தத்தில் தெரி­விக்­கப்­பட்­டுள்­ள­தா­வது

கடந்த ஜனா­தி­பதி தேர்­தலில் நீங்கள் போட்­டி­யி­டு­வ­தற்கு முன்னர் சுதந்­தி­ரக்­கட்­சியின் சில எம்.பி.க்களுடன் செய்­தி­யாளர் மாநாட்­டினை நடத்­தி­யி­ருந்­தமை உங்­க­ளுக்கு நினை­வி­ருக்கும். அதே­போன்று மஹிந்­த­ரா­ஜ­ப­க்ஷவை சந்­தித்­தமை எமது கட்­சியை பொறுத்­த­வ­ரையில் மிக முக்­கிய விட­ய­மாகும்.

அதன் பின்னர் நீங்கள் சுதந்­தி­ரக்­கட்­சியின் தலைவர் பத­வியை மஹிந்த ராஜ­பக்ஷ உங்­க­ளிடம் ஒப்­ப­டைத்தார். அவ்­வா­றான முக்­கி­ய­மான முடி­வு­களை எடுத்த உங்­க­ளுக்கும் மஹிந்த ராஜ­ப­க்ஷ­வுக்கும் நன்­றி­களை தெரி­விக்­கின்றோம். அந்த தீர்­மானம் எமது நாட்டின் அர­சியல் பய­ணத்­தையும், சுதந்­தி­ரக்­கட்­சியின் பய­ணத்­தையும் தீர்க்­க­மான முறையில் மாற்­றி­ய­மைத்­தது. அந்த வகையில் இன்று நாங்கள் எடுக்­கின்ற தீர்­மா­ன­மா­னது சரி­யான தீர்­மானம் என நாங்கள் நம்­பு­கின்றோம்.

நீங்கள் சுதந்­தி­ரக்­கட்­சியின் தலை­வ­ராக வந்த பின்னர் ஐக்­கிய தேசிய கட்சி வழ­மை­போன்று தேர்தல் வெற்­றியின் பின்னர் செய்­கின்ற அடக்கு முறைகள் குறைந்­தன. இட­மாற்­றங்கள் கூட குறைந்­தன. ஆனால் ஐக்­கிய தேசி­யக்­கட்சி கிராம மட்­டங்­களில் மேற்­கொள்­ளப்­பட்ட அனைத்து அபி­வி­ருத்­தி­க­ளையும் நிறுத்­தி­யது. இது பாரிய விவ­கா­ர­மாக அமைந்­தது. அத்­துடன் ஐக்­கிய தேசி­யக்­கட்சி கிராம மட்­டத்தில் புதிய வேலைத்­திட்­டங்­களை ஆரம்­பித்­தது. இதனால் சுதந்­தி­ரக்­கட்சி வீழ்ச்­சி­ய­டைய ஆரம்­பித்­தது. எமது ஜனா­தி­பதி ஒருவர் பத­வியில் இருக்கும் போது எமது அமைச்­சர்கள் பத­வி­யி­லி­ருக்­கும்­போது இவ்­வாறு நடக்­கி­றது என மக்கள் ஆதங்­கப்­பட்­டனர். இதன்­போது எம்மால் பதி­ல­ளிக்க முடி­யாது இருந்­தது. பாரா­ளு­மன்ற உறுப்­பி­னர்­க­ளுக்கு வழங்­கப்­படும் பன்­மு­கப்­ப­டுத்­தப்­படும் நிதி எமக்கு வழங்­கப்­ப­ட­வில்லை.

5 மில்­லியன் ரூபா பன்­மு­கப்­ப­டுத்­தப்­பட்ட நிதியை 10 மில்­லியன் ரூபா­வாக உயர்த்­து­வ­தாக நிதி­ய­மைச்சர் கூறினார். ஆனால் எமக்கு முன்னர் வழங்­கப்­பட்ட 5 மில்­லியன் ரூபா கூட கிடைக்­க­வில்லை. அது­மட்­டு­மன்றி எமது ஆத­ரவைப் பெற்­றுக்­கொண்டு ஆட்சி அமைத்­துள்ள ஐக்­கிய தேசி­யக்­கட்சி சுதந்­தி­ரக்­கட்­சியை பிள­வு­ப­டுத்­தி­கொண்­டி­ருக்­கின்­றது. அது­மட்­டு­மன்றி நாட்டை பொலிஸ் இராட்­சி­ய­மாக உரு­வாக்­கி­யுள்­ளனர்.

பொலிஸ் மா அதி­ப­ருக்கு மேல் பிர­தமர் ரணில் விக்­ர­ம­சிங்க தனது அதி­கா­ரத்தைப் பயன்­ப­டுத்தி எதிர்க்­கட்­சியை அடக்கி வரு­கின்றார். இந்த அர­சாங்­கத்தில் நாங்கள் 19 ஆவது திருத்த சட்­டத்­தையும் நிறை­வேற்­றினோம். அது பாரிய அர­சியல் வெற்­றி­யாகும். நாம் தேசிய அர­சாங்­கத்தில் இணைந்­தி­ருக்­கா­விடின் 19 ஆவது திருத்தச் சட்டம் தோல்­வி­ய­டைந்­தி­ருக்கும். சுதந்­தி­ரக்­கட்­சியை காப்­பாற்­று­வ­தற்கு நீங்கள் எடுக்கும் முயற்­சிகள் பாராட்­டத்­தக்­கவை, எதிர்­வரும் தேர்­தலில் உங்­க­ளதும் எங்­க­ளதும் எதி­ரா­ளி­யாக ஐக்­கிய தேசி­யக்­கட்­சியே இருக்­கப்­போ­கின்­றது.

உங்­க­ளுக்கு வாக்­க­ளித்த 61 இலட்சம் பேரையும் உங்­க­ளுக்கு எதி­ராக வாக்­க­ளித்த 58 இலட்சம் பேரையும் ஒரே தட­வையில் மகிழ்ச்­சிப்­ப­டுத்த உங்­க­ளுக்கு நேர்ந்­துள்­ளது. இது ஒரு சிக்­க­லான விட­ய­மாகும். இந்த இடத்தில் கிராம மட்­டத்தில் கட்சி ஆத­ர­வா­ளர்­களை பேணிக்­காப்­பது கடி­ன­மாகும். நாட்டில் காணப்­ப­டு­கின்ற உள்­ளூ­ராட்சி மன்­றங்­களில் 250 சபைகள் ஐக்­கிய மக்கள் சுதந்­திர முன்­னணி வசம் இருந்­தன. அவற்றின் பத­விக்­கா­லத்தை ஒன்­றரை மாதத்­தினால் நீடித்­தீர்கள். தற்­போது அந்தப் பத­விக்­கா­லமும் முடி­வ­டைந்­துள்­ள­தாகல் உள்­ளூ­ராட்சி மன்றத் தேர்­த­லுக்கு செல்ல வேண்­டி­யுள்­ளது. ஆனால் அதனை செய்­யாமல் அவற்றை விசேட ஆணை­யா­ள­ருக்கு கீழ் கொண்­டு­வந்­துள்­ளமை எமக்கு மகி­கழ்ச்­சி­ய­ளிக்­க­வில்லை. இதற்கு பதி­லாக பத­விக்­கா­லத்தை நீடித்­தி­ருக்­கலாம்.

தற்­போது உள்­ளூ­ராட்சி மன்­றங்கள் ஆணை­யா­ளரின் கீழ் உள்­ளதால் சுதந்­தி­ரக்­கட்சி வீழ்ச்­சியை நோக்கி செல்­கின்­றது. இவ்­வா­றான பின்­ன­ணியில் எம்மால் தொடர்ந்தும் அமைச்சுப் பத­வியை வகிக்க முடி­யாது. எனவே நாங்கள் எமது பதவிகளை கைவிடுகின்றோம். நாம் அமைச்சுப் பதவிகளை விட்டு சென்றாலும், உங்கள் தலைமையில் சுதந்திரக்கட்சியை வெற்றிபெறச் செய்வோம். உங்களுககு பக்கபலமாக இருப்போம். உங்கள் கரங்களை பலப்படுத்துவோம்.

நாம் 19 ஆவது திருத்தச் சட்டத்தினை நிறைவேற்றினோம். அதேபோன்று 20 ஆவது திருத்த சட்டத்தினையும் நிறைவேற்றுவோம். எதிர்வரும் தேர்தலில் மைத்திரி- மஹிந்த தரப்புக்களை இணைத்து நாம் வெற்றிபெறுவோம். நாம் இன்று எடுக்கும் தீர்மானம் உங்களுக்கு மிகப்பெரிய பலமாக அமையும். எதிர்க்கட்சி உறுப்பினர்களாக இருந்து எமது கட்சியின் வெற்றிக்காக உழைப்போம்.

»»  (மேலும்)

மகளிர் அமைப்பினால் புங்குடுதீவு மாணவி வித்தியாவின் கொலையைக் கண்டித்து கல்லடியில் ஆர்ப்பாட்டப் பேரணி இன்று

தமிழ் மக்கள் விடுதலைப் புலிகள் கட்சியின் மகளிர் அமைப்பினால் புங்குடுதீவு மாணவி வித்தியாவின் கொலையைக் கண்டித்து கல்லடியில் ஆர்ப்பாட்டப் பேரணி இன்று நடைபெற்றது.

கண்டன வாசகங்கள் அடங்கிய பதாதைகளுடன் கல்லடி சிவானந்தா வித்தியாலயத்திற்கு முன்பாக ஆரம்பமான பேரணி கல்லடி மணிக்கூட்டுக் கோபுரம், கல்லடிப் பாலம் வரை சென்று திரும்பியது.



மகளிர் அணியின் தலைவி செல்வி மனோகர் தலைமையில் இடம்பெற்ற இப்பேரணியின் இறுதியில்; வித்தியாவின் படுகொலைக்குக் காரணமானவர்களுக்கு அதிக பட்ச தண்டனையை நீதி மன்றம் வழங்க வேண்டும் என இறைவனை வேண்;டி கல்லடி பேச்சியம்மன் ஆலய வளாகத்தில் அமைந்துள்ள  பிள்ளையார் ஆலயத்தில் தேங்காய் உடைத்து வேண்டுதலில் ஈடுபட்டனர்.

»»  (மேலும்)

சுவிஸ் உதயத்தின் 11வது ஆண்டு நிறைவு விழா

சுவிஸ் உதயம் அமைப்பின் 11வது ஆண்டு நிறைவையொட்டி ஏற்பாடு செய்யப்பட்டுள்ள விஷேட ஒன்றுகூடல் வைபவம் எதிர்வரும் 2015.05.24ஆந் திகதி ஞாயிற்றுக்கிழமை இடம்பெறவுள்ளது.
சுவிஸ் உதயம் அமைப்பின் தலைவர் தேவசகாயம் சுதர்சன் தலைமையில் காலை 10 மணிக்கு Gemeinshaft zentrum, Affoltern ZH, Bodenacker 25, 8046 Zurich எனும் இடத்தில் இடம்பெறவுள்ள இவ் ஒன்றுகூடல் நிகழ்வின்போது சுவிஸ் உதயம் அமைப்பின் கடந்த காலச் செயற்பாடுகள் மற்றும் எதிர்கால வேலைத் திட்டங்கள் பற்றிக் கலந்துரையாடப்படவுள்ளதுடன், பல்வேறான கலை கலாசார தமிழர் பண்பாட்டு நிகழ்வுகளும், பல்துறை போட்டி நிகழ்ச்சிகளும் இடம்பெறவுள்ளன.


இந்நிகழ்வினபோது சிறந்த சமூக சேவையாளர்கள், கலைஞர்கள் பாராட்டிக் கௌரவிக்கப்டவுள்ளதோடு, அதிஷ்ட இலாபச் சீட்டுழுப்பு நடத்தப்பட்டு அதில் அதிஷ்டம் கிட்டுபவர்களுக்கு பரிசில்கள் வழங்கப்படவுள்ளதுடன் சுவிஸ் உதயம் உறவுகளிடையே போட்டி நிகழ்ச்சிகளில் திறமைகளை வெளிப்படுத்தி வெற்றி பெறுவோருக்கு பெறுமதி மிக்க பரிசில்களும் வழங்கி வைக்கப்படவுள்ளன.

இதன்போது இளையராகம் கரோக்கே இன்னிசை நிகழ்ச்சி இடம்பெறவுள்ளதுடன் சுவிஸ் உதயம் உறவுகள் மத்தியில் கலைத் துறை மேம்பாட்டுக்கான விஷேட செயற் திட்டமும் அமுல்படுத்தப்படவுள்ளமை குறிப்பிடத்தக்கது. இந்நிகழ்வில் சுவிஸ் உதயம் உறவுகள் அனைவரையும் கலந்து சிறப்பிக்குமாறு விழா ஏற்பாட்டுக் குழுவினர் வேண்டுகின்றனர்.

»»  (மேலும்)

நாளை 21 ம் திகதி காலை மட்டக்களப்பில் 10 மணிக்கு மஞ்சந்தொடுவாய் தொழிநுட்ப கல்லூரிக்கு எதிரில் கவனயீர்ப்பு போராட்டம்

நாளை 21 ம் திகதி காலை மட்டக்களப்பில் 10 மணிக்கு மஞ்சந்தொடுவாய் தொழிநுட்ப கல்லூரிக்கு எதிரில் புங்குடுதீவில் வித்யா வல்லுறவுக்கு உள்ளாக்கி கொலை செய்யபட்டதை எதிர்த்தும் நீதி கேட்டும் கவனயீர்ப்பு போராட்டம் தமிழ் முஸ்லிம் பெண்கள், மனித உரிமை ஆர்வலர்கள் , சமூக ஆர்வலர்கள் , மற்றும் பல்வேறு அமைப்புகள் சேர்ந்து ஒழுங்கு செய்துள்ளன. இதில் தயவு செய்து யாவரும் கலந்து கொள்ளுமாறு அனைவரும் கேட்டு கொள்ளப்படுகிறார்கள்.

»»  (மேலும்)

சென்னையில் விடுதலை சிறுத்தைகள் கட்சி பிரமுகர் வெட்டிக் கொலை

விடுதலை சிறுத்தைகள் கட்சியைச் சேர்ந்த வெற்றி செல்வன்  என்பவர் இன்று காலை சென்னை மடிப்பாக்கத்தில் வெட்டிக் கொலை செய்யப்பட்டர்.

5 பேர் கொண்ட கும்பல் அவரை ஓட ஓட விரட்டி வெட்டிக் கொன்றனர். வெற்றிச் செல்வன் விடுதலை சிறுத்தைகள் கட்சி தலைவர் திருமாவளவனின் தனிச் செயலாளராக இருந்தவர் என்பது குறிப்பிடத்தக்கது. இச்சம்பவம் அப்பகுதியில் பதற்றத்தை ஏற்படுத்தியுள்ளது. 

இந்த சம்பவம் விடுதலை சிறுத்தைகள் கட்சியினரை அதிர்ச்சியடைய வைத்துள்ளது. இச்சம்பவம் குறித்து போலீசார் தீவிரமாக விசாரணை மேற்கொண்டுள்ளனர்.

»»  (மேலும்)

பாடசாலை மாணவி வித்யா சிவலோகநாதனுக்கு இழைக்கப்பட்ட கூட்டுப் பாலியல் வன்கொடுமைக் கொலையை கண்டிக்கிறோம்!

வித்தியாவுக்கு நேர்ந்த கதிக்கு எதிராக 98 பெண்ணிய செயற்பட்டாளர்கள் கையெழுத்திட்டு ஒரு கண்டன அறிக்கையை வெளியிட்டுள்ளனர்.அவ்வறிக்கை கீழ்வருமாறு 

மே மாதம்13 ம்திகதி பாடசாலைக்குச் சென்ற புங்குடுதீவு மகாவித்தியாலத்தின்உயர்தரவகுப்பு மாணவி வித்யா சிவலோகநாதன் கடத்தப்பட்டுபின் கூட்டுப்பாலியல் வன்கொடுமைக்குள்ளாக்கப்பட்டுமறு நாள் சடலமாக மீட்டெடுக்கப்பட்டுள்ளார்.
ஆணாதிக்கக் கட்டமைப்பில் உருவாக்கப்பட்டிருக்கும்எமது சமூகத்தில்பெண்கள் குடும்பத்துக்குள்ளும்,வெளியுலகிலும், வேலைத்தளங்களிலும், பாடசாலைகளிலும்,மத நிறுவனங்களிலும்,அரசின் கையிலும்நாளாந்தம் அனுபவித்துவரும்வன்முறைகளின் நீட்சியே வித்யாவிற்கு நிகழ்ந்த இக்கோரச்சம்பவம்ஆகும். பெண்கள்சுதந்திரமாகப் பயமின்றி ஆண்களுக்குச் சமமாக எங்கும்உலவி வரவும்,அவர்கள் சுயவெளிப்பாட்டுடன்பொதுவெளியில் இயங்கவும், அவர்களுக்குத் தகுந்த உத்தரவாதமற்றநிலை தொடருவதன்சாட்சியங்களே இச்சம்பவங்கள்.
மாங்குளத்தைச் சேர்ந்த மாணவி சரண்யா கூட்டுவன்முறைக்குஉட்படுத்தப்பட்டு கொலைசெய்யப்பட்டு இரண்டு மாத இடைவெளிக்குள்வித்யாவிற்கு இந்நிலை ஏற்பட்டிருக்கிறது.
இலங்கையில் மட்டும் 2012 க்கும் 2014க்கும் இடையிலானகாலத்தில் 4393 வன்கொடுமைச்சம்பவங்கள் பதிவுசெய்யப்பட்டுள்ளன.இவை முன்னையஆண்டுகளுடன் ஒப்பிடுகையில் 20 வீதமாக அதிரித்துள்ளன.
இலங்கையில் கடந்த காலங்களிலிருந்து இன்றுவரை பொலிஸாரினாலும்,இராணுவத்தினராலும், பெண்கள் பாலியல்பலாத்காரங்களிற்கும் வன்கொடுமைகளிற்கும்உள்ளாக்கப்பட்டு வருகின்றனர். எனினும் இத்தகையபாலியல் வன்கொடுமைகள்எமது சமூகத்தின்சக உறுப்பினர்களினாலும்,உறவுகளினாலும் நடத்தப்படுவதும் அதிகரித்துக்கொண்டுதான் இருக்கின்றன. ஆனால் அவை பதிவுக்குள்ளாக்கப்படுவதோ,கருத்தில் எடுத்துக்கொள்ளப்படுவதோமிகவும் அரிதாகவேஉள்ளது என்பதுஎமது கடந்தகாலஅனுபவமாகும்.
பெண்களிற்கு நீதி வழங்க வேண்டிய அரசும்,அரச நிறுவனங்களும்குற்றவாளிகளைக் காப்பாற்றும் காரியத்தையே தொடர்ந்தும் செய்துவருகின்றன. இலங்கையில் இத்தகைய வன்கொடுமையாளர்களைச் சட்டத்தால் தகுந்த முறையில் தண்டிக்கப்படக்கூடிய வலுவானசட்டங்கள் அமுலில்இல்லாததும் இவ்வகையான வக்கிரங்கள் தொடர்வதற்கு முக்கியகாரணமாகும்.
இக் கொடூரச்செயலுக்கு நாம்எமது வன்மையானகண்டனத்தை தெரிவிப்பதோடுகீழ்க்கண்ட கோரிக்கைகளையும் முன்வைக்கிறோம்.
• வித்யாவின் சம்பவத்துடன் தொடர்பானகுற்றவாளிகளைச் சட்டத்தின் முன்னிறுத்தி தண்டனையளிக்கப்படவேண்டும்.
· • இலங்கையில்பெண்களிற்கெதிரான சகல வன்முறைகளையும் தண்டிக்கும் முகமாகவலுவான சட்டங்கள்இயற்றப்பபடவேண்டும்.
· நடைமுறையிலிருக்கும் சட்டங்கள் மீள்பரிசீல ணை செய்யப்பட்டு, அவை பெண்களின் உரிமைகளைப் பாதுகாத்து நீதி வழங்கும் முகமாக அமுல்படுத்தப்படவேண்டும்.

· இதுபோல் இன்னும் விசாரிக்கப்படாமலுள்ளபாலியல் பலாத்காரம்சம்பந்தமான வழக்குகள் விசாரனைக்குட்படுத்தப்பட்டுதகுந்த நீதிவழங்கப்படவேண்டும்.
• பாடசாலைகள் மற்றும் கல்விநிறுவனங்களில்பெண்களிற்கெதிரான வன்முறைகளை எதிர்கொள்ளல் மற்றும் அவற்றைத்தடுப்பதற்கான சூழலை உருவாக்குவதற்கும் சகல மட்டங்களிலும்விழிப்புணர்வை ஏற்படுத்தக்கூடிய வேலைத்திட்டங்களைஅமுல்படுத்தல் வேண்டும்.

• பெண்களிற்கெதிரானவன்முறை மற்றும்பாலியல் வன்கொடுமைச்சம்பவங்கள் முறையிடப்படும் அலுவலகங்களிலும்,வழக்குகளை விசாரிக்கும்நிர்வாகத்திலும் கணிசமான பெண்களின் பிரதிநிதித்துவம் இருத்தல் வேண்டும்.
• மேலே குறிப்பிட்டுள்ள கோரிக்கைகளைநடைமுறைபடுத்த இலங்கையில் இயங்கும் சகல அரசியல்சமூக ஜனநாயகமனிதவுரிமை அமைப்புகள் அரசாங்கத்திற்குஅழுத்தங்களைக் கொடுக்க வேண்டும்.
பெண்கள் சந்திப்புத்தோழிகள் மற்றும்பெண்ணிய சமூகசெயற்பாட்டாளர்கள்.

1. கேசாயினி எட்மண்ட் (இலங்கை)
2. நளினிரட்ணராஜ்(இலங்கை)
3. ஸர்மிளாஸெயித்(இலங்கை)
4. தமயந்திகே.எஸ்(தமிழ்கவி)(இலங்கை)
5. சுவர்ணசிறிஆர்.எம்(இலங்கை)
6. மாலினிமாலா(இலங்கை)
7. பிரியந்தினிஆனந்தசிவம்((இலங்கை)
8. வாணிகுமாரவேல்(பிரான்ஸ்)
9. நிலாலோகநாதன்(இலங்கை)
10. ரஹிமாபைசால்(இலங்கை)
11. அப்துல்ஹக்லறினா(இலங்கை)
12. பிரசன்னாஇராமசுவாமி(இந்தியா)
13. வினோதினிசச்சியானந்தன்
14. ஜெயராணிநோர்பேர்ட்
15. விஜி(பிரான்ஸ்)
16. புஸ்பராணி(பிரான்ஸ்)
17. தர்மினி(பிரான்ஸ்)
18. வசந்தி(பிரான்ஸ்)
19. ஷீலா(பிரான்ஸ்)
20. வனஜா(பிரான்ஸ்)
21. நிர்மலாஇராஜசிங்கம்(இங்கிலாந்து)
22. நவஜோதியோகரட்ணம்(இங்கிலாந்து)
23. மீனாள்நித்தியானந்தன்(இங்கிலாந்து)
24. சந்திராரவீந்திரன்(இங்கிலாந்து)
25. ரஞ்சனாராஜ்( இங்கிலாந்து)
26. வாணிலாமகேஸ்
27. ராஜேஸ்வரிபாலசுப்பிரமணியம்(இங்கிலாந்து)
28. ரஜிதா(இங்கிலாந்து)
29. தினேஷா(இங்கிலாந்து)
30. நிவேதாஉதயன்(இங்கிலாந்து)
31. சசிநவரட்ணம்(இங்கிலாந்து)
32. பானுபாரதி(நோர்வே)
33. ஜெயசிறிரவீந்திரன்(நோர்வே)
34. தனுஜாதுரைராஜா(சுவிற்சிலாந்து)
35. மேனகாஉமாகாந்தன்(சுவிற்சிலாந்து)
36. பத்மபிரபா((சுவிற்சிலாந்து)
37. பாமதிசோமசேகரம்(அவுஸ்ரேலியா)
38. சுமதி(கனடா)
39. நிருபா(கனடா)
40. பிரதீபாகனகாதில்லைநாதன்(கனடா)
41. காவோரிவேலழகன்(கனடா)
42. கோசல்யாசொர்ணலிங்கம்(ஜேர்மனி)
43. மல்லிகா(ஜேர்மனி)
44. மங்கையற்கரசி((ஜேர்மனி)
45. மேரி(ஜேர்மனி)
46. தேவா(ஜேர்மனி)
47. கமலா(ஜேர்மனி)
48. தர்சனா(ஜேர்மனி)
49. உமா(ஜேர்மனி)
50. தமிழ்மகளிர்மன்றம்-ஸ்ருட்காட்((ஜேர்மனி)
51.ராணிநகுலேந்திரம்(இங்கிலாந்து)
52.ஓவியாநகுலேந்திரம்(இங்கிலாந்து)
53.அநாமிகாநகுலேந்திரம்(இங்கிலாந்து)
54.சிவயோகம்தியாகராசா(இங்கிலாந்து)
55.நாகேஸ்வரிதவரட்ணம்(இங்கிலாந்து)
56.ஈஸ்வரிசோமசுந்தரம்(ஜேர்மனி)
57. திருமகள்வலன்ற்றைன் (ஜேர்மனி)
58. சிந்துஜா கரோல்( பிரான்ஸ் )
59. ரூபி(பிரான்ஸ்)
60.அர்ச்சுனி ஜெபா(பிரான்ஸ்)
61.அஜந்தா சுந்தரலிங்கம்( பிரான்ஸ்)
62.மதுமிதா (பிரான்ஸ்)
63.லுணுகல சிறி(இலங்கை)
64.ஞானசக்தி சிறிதரன்(இந்தியா)
65.மாதவி சிவலீலன்(இங்கிலாந்து)
66.வரலக்சுமி ராகவன்(ஜேர்மனி)
67. கமலா வாசுகி(இலங்கை)
68.விஜிதாலோகநாதன்(ஜேர்மனி)
69.சுருதிகண்ணன்(ஜேர்மனி)
70.மகாலக்சுமிகுருசாந்தன்(இலங்கை)
71.ஸி.எஜ்.ஜெயந்தா(இலங்கை)
72.டி.லிசாந்தி(இலங்கை)
73.ஸி.எஜ்.கமிலா(இலங்கை)
74.எஸ்.ஜி.நிஷாந்தி(இலங்கை)
75.பி.அருள்சிலி(இலங்கை)
76.எல்.சுபாஷினி(இலங்கை)
77.எஜ்.லிண்டா(இலங்கை)
78. எ.டபிள்யு.எப் அக்கரைப்பற்று(இலங்கை)
79.வாணி(இலங்கை)
80.ராஜலெட்சமி(சுமி)(இலங்கை)
81.கனகா(இலங்கை)
82.குணா(இலங்கை)
83.மாலதி(இலங்கை)
84.சுமிதி(இலங்கை)
85.ராஜலட்சுமி சுப்பிரமணியம்- MWDRF(இலங்கை)
86.சுரஸ்தாஸ் சிவகலா- MWDRF(இலங்கை)
87.ராஜ்மோகன் ப்ரியா-MWDRF(இலங்கை)
88.வலுப்பிள்ளை மிதுனா-MWDRF(இலங்கை)
89.ஹம்தூன் ஜூமானா- MWDRF(இலங்கை)
90.சுமதி அமலதாஷ் -MWDRF(இலங்கை)
91.ருசீகா ரஜப்டீன் -MWDRF(இலங்கை)
92.அனீஸ் நஸிரா-MWDRF(இலங்கை)
93. யன்சிலா மஜித்-MWDRF(இலங்கை)கவிதா94.சண்முகநாதன்(இங்கிலாந்து)
95.அதீதாசிவானந்தன்(கனடா)
96.வளர்மதி (சுவிற்சிலாந்து)
97 ஜெயந்தி பிரான்ஸ்)
98 ரதி (பிரான்ஸ்)

»»  (மேலும்)

மிலேச்சத்தனமான தாக்குதலை தமிழ் மக்கள் விடுதலைப் புலிகள் கட்சி வன்மையாக கண்டிக்கிறது

கிழக்குப் பல்கலைக்கழகத்தில் தமிழில் தேசிய கீதம் இசைக்கப்பட்டமைக்கு எதிராக நடந்த மிலேச்சத்தனமான தாக்குதலை தாம் வன்மையாக்க் கண்டிப்பதாக தமிழ் மக்கள் விடுதலைப் புலிகள் கட்சியின் பொதுச் செயலாளர் பூ.பிரசாந்தன் தெரிவித்தார்.

  (16.05.2015) இடம்பெற்ற இத்தாக்குதலில் ஏறாவூர் பற்று பிரதேச செயலகத்தில் கடமையாற்றும்  பொருளாதார அபிவிருத்தி உத்தியோகஸ்தரான பத்தக்குட்டி சுமன் என்பவர் பலத்த காயங்களுக்கு உள்ளான நிலையில் செங்கலடி வைத்தியசாலையில் சிகிச்சை பெற்றுள்ளார்.

குறிப்பாக மணவர்களினால் மேற்கொள்ளப்பட்ட இத்தாக்குதலானது மாணவர்கள் மத்தியில் இனக்குரோதத்தினை அதிகரிக்கச் செய்துவிடுமோ என அஞ்சத்தோன்றுகின்றது இன்னிலையினை தடுத்துநிறுத்துவதுடன் இத்தாக்குதலை மேற்கொண்ட சிங்கள மாணவர்களுக்கு பல்கலைக்கழக நிருவாகம் விசாரணை நடத்துவதுடன் இனங்களுக்கான உணர்வுகளையும் மற்ற சமுகத்தினை மதிக்கும் தன்மையினையும் தெளிவுபடுத்தவும் முன்வர வேண்டும்.

பெருமளவான தமிழ் பேசும் மாணவர்கள் பயில்வது மட்டுமல்லாது தமிழ் பிரதேசத்திலே அமைந்துள்ள எமது கிழக்குப் பல்கலைகழகத்தில் தமிழ் மொழி மூலமான தேசிய கீதத்துக்கான எதிர்ப்பு என்பது சிறிதளவும் ஏற்றுக்கொள்ள முடியாத ஒரு விடயமாகும்.

மேலும்  இச் சம்பவமானது தேசிய அரசாங்கத்தை அமைப்பதன் மூலம் நல்லாட்சியை ஏற்படுத்தி சிறுபான்மை மக்களின் உரிமையை பாதுகாக்க முடியும் என எதிர்பார்த்து வாக்களித்த தமிழ் பேசும் மக்களுக்கு பெரும் ஏமாற்றத்தினை ஏற்படுத்தியுள்ளது.

எங்களுக்கு வாக்களியுங்கள் தமிழருக்கு உரிமை பெற்றுத்தருகிறோம் எனக்கூறி பெற்ற வாக்கினால் இன்று அரசின் பங்காளிகளாக இருக்கின்ற தமிழ் தேசிய கூட்டமைப்பின் தலைவர்கள் இன்று திருடனுக்கு தேள் கொட்டியதைபோல் பரிதாபமான நிலையில் கையாலாகாதவர்களாக  இருப்பது கவலையளிக்கிறது.இதுதானா இவர்கள் கூறும் நல்லாட்சி? எனவும் கேள்வி எழுப்பினார்.

»»  (மேலும்)

மோர்ஸிக்கு மரணதண்டனை: 3 நீதிபதிகள் சுட்டுக்கொலை

எகிப்தின் முன்னாள் ஜனாதிபதி முகமது மோர்ஸிக்கும் அவரது ஆதரவாளர்கள் 100 பேருக்கும் கெய்ரோ நீதிமன்றம் நேற்று சனிக்கிழமை(16) மரண தண்டனை விதித்ததையடுத்து, நீதிபதிகள் பயணம் செய்த பஸ்ஸின் மீது தீவிரவாதிகள் நடத்திய துப்பாக்கிச் சூட்டில் 3 நீதிபதிகள்  உயிரிழந்ததுடன் மேலும் 3 நீதிபதிகள் காயமடைந்துள்ளதாக சர்வதேச ஊடகங்கள் செய்தி வெளியிட்டுள்ளன. கடந்த 2011ஆம் ஆண்டு, எகிப்தின் முன்னாள் ஜனாதிபதி முகமது மோர்ஸின் ஆதரவாளர்கள் சுமார் 20 ஆயிரம் பேர் சிறையை உடைத்து வெளியேறிய வழக்கிலேயே இந்த மரணதண்டனை வழங்கப்பட்டுள்ளது. இந்தத் தீர்ப்பால் எகிப்தில் பதற்றமான சூழ்நிலை உருவாகியுள்ளதுடன், மோர்ஸியின் 'முஸ்லிம் சகோதரர்கள்' கட்சியினர் ஆங்காங்கே போராட்டத்தில் ஈடுபட்டு வருகின்றனர். இந்நிலையில், மோர்ஸிக்கு மரண தண்டனை தீர்ப்பு வழங்கப்பட்ட சில மணி நேரத்தில் சினாய் பகுதியில் அல் ஆரிஷ் நகரில் நீதிபதிகள் சென்ற பஸ்ஸை குறிவைத்து மர்ம நபர்கள் துப்பாக்கிச் சூட்டு தாக்குதல் நடத்தினர். இதில், பஸ்ஸில் இருந்த 3 நீதிபதிகள் உயிரிழந்தனர். மேலும் காயமடைந்த 3 நீதிபதிகள் சிகிச்சைக்காக மருத்துவமனையில் சேர்க்கப் பட்டுள்ளனர். இந்தத் தாக்குதலுக்கு இதுவரை எந்த அமைப்பும் பொறுப்பு ஏற்கவில்லை. மோர்ஸிக்கு மரண தண்டனை விதிக்கப்பட்டதை கண்டித்து இத்தாக்குதல் நடைபெற்றிருக்கலாம் என பொலிஸார் சந்தேகிக்கின்றனர். ஆனால், தாக்குதல் நடந்த பகுதி 'அன்சார் பெய்ட் எல் மக்தஸ்' என்ற தீவிரவாத குழுவின் ஆதிக்கம் மிக்க பகுதியாகும். இந்த அமைப்பு ஐஎஸ் தீவிரவாத அமைப்புக்கு ஆதரவானது. ஐ.எஸ். தீவிரவாத அமைப்புக்கும் முஸ்லிம் சகோதரர்கள் கட்சிக்கும் இடையே நெருங்கிய தொடர்பு இருப்பதாக தற்போதைய எகிப்து அதிபர் அல் சிசி பகிரங்கமாக குற்றம் சாட்டி வருகின்றமை குறிப்பிடத்தக்கது. - See more at: http://www.tamilmirror.lk/146291#sthash.ZRtRBaqR.dpuf

»»  (மேலும்)

மட்டக்களப்பில் நகரின் தொல்லியல் கண்டுபிடிப்புகள் தொடர்பில் ஆராயும் நிகழ்வு

மட்டக்களப்பு மாவட்டத்தில் அண்மைக்காலமாக கண்டுபிடிக்கப்பட்ட சாசனங்களின் அடிப்படையில் இப்பகுதியில் எட்டுக்கும் குறையாத நாகர் அரசர்களின் ஆட்சிக்கூடங்கள் இருந்துள்ளது தெரியவந்துள்ளதாக தொல்லியல் துறை பேராசிரியர் க.பத்மநாதன் தெரிவித்தார்.


மட்டக்களப்பில் நகரின் தொல்லியல் கண்டுபிடிப்புகள் தொடர்பில் ஆராயும் நிகழ்வு மட்டக்ளப்பில் நடைபெற்றது.

இலங்கையின் கிழக்கு கரையில் நாகர் கி.மு.2 நூற்றாண்டில் ஆட்சிசெய்து வாழ்ந்தார்கள் என்பதற்கான தொல்லியல் ஆய்வுகள் மூலம் பெறப்பட்ட ஆதாரங்களுடன் விளக்கும் வகையில் இந்த நிகழ்வு இன்று மட்டக்களப்பில் உள்ள பேராசிரியர் சி.மௌனகுருவின் அரங்க ஆய்வுகூடத்தில் நடைபெற்றது.

இந்த நிகழ்வில் தொல்லியல் ஆய்வாளர்கள்,எழுத்தாளர்கள்,சமூக ஆர்வலர்கள் என பலரும் கலந்துகொண்டனர்.

இதன்போது மட்டக்களப்பில் கண்டுபிடிக்கப்பட்ட தொல்லியல் ஆய்வுகள் மூலம் பெறப்பட்ட பொருட்கள் மற்றும் இப்பகுதியில் நாகர்கள் வாழ்ந்தார்கள் என்பதற்கான சான்றுகள் தொடர்பில் பேராசிரியரினால் விளக்கமளிக்கப்பட்டது.

குறிப்பாக மட்டக்களப்பு மாவட்டத்தின் வெல்லாவெளி, களுவாஞ்சிகுடி, நாவற்குடா, மாமாங்கம், வந்தாறுமூலை,வாகரை ஆகிய பகுதிகளில் மேற்கொள்ளப்பட்ட ஆய்வுகளின்போது 40க்கும் மேற்பட்ட நாகர்களின் ஆதாரங்கள் கொண்ட பொருட்கள் மீட்கப்பட்டுள்ளதாகவும் இங்கு தெரிவிக்கப்பட்டது.

இலங்கைக்கு விஜயன் வருகைக்கு முன்பாக கிழக்கு கரையினில் நாகர்கள் ஆட்சி அதிகாரங்களுடன் வாழ்ந்தார்கள் அவர்களின் நாகரிகம் வழிபாட்டு முறைகளின் ஆதாரங்கள் இங்கு பேராசிரியரின் விரிவாக சமர்ப்பிக்கப்பட்டது.

மட்டக்களப்பு மாவட்டத்தில் கண்டுபிடிக்கப்பட்ட ஆதாரங்கள் அனைத்தும் தமிழ் மொழியிலேயே உள்ளதுடன் அறியமுடியாத,மறைந்துகிடந்த வரலாறுகள் தற்போது முகம்காட்டும் நிலை உருவாகிவருவதாக பேராசிரியர் பத்மநாதன் இங்கு தெரிவித்தார்.

குறிப்பாக கிறிஸ்துவுக்கு முற்பட்ட காலத்தில் நாகர் இப்பகுதியில் வாழ்ந்துள்ளதுடன் அவர்கள் மணிநாகன் என்ற பெயரில் தெய்வ வழிபாட்டைக்கொண்டிருந்ததாகவும் இது மட்டக்களப்பு மாவட்டத்தில் மட்டுமன்றி வன்னிப்பகுதியிலும்  கடந்த ஆறு மாதகாலமாக மணிநாகன் தொடர்பான சான்றுகள் கண்டுபிடிக்கப்பட்டுள்ளதாகவும் அவர் தெரிவித்தார்.

தொடர்ந்து மட்டக்களப்பு மாவட்டத்தில் பல பகுதிகளிலும் இவ்வாறான வரலாற்று தடயங்கள் காணப்படுவதாகவும் அவற்றினையும் வெளிக்கொணரும் வகையில் பொதுமக்கள் பங்களிப்பினை வழங்கவேண்டும் எனவும் எங்காவது வரலாற்று சான்றுகள் கிடைக்கப்பெற்றால் அது தொடர்பில் அறியத்தருமாறும் பேராசிரியர்கள் தெரிவித்தார்.

இதேபோன்று தென்னிலங்கையிலும் பல பகுதிகளில் நாகர்கள் தொல்பொருட்கள் கண்டுபிடிக்கப்பட்டன.குறிப்பாக புத்தளத்தில் நாகர்களின் தொல்பொருட்கள் கண்டுபிடிக்கப்பட்ட நிலையில் அவை மறைக்கப்பட்டன.1986ஆண்டும் சில பொருட்கள் கண்டுபிடிக்கப்பட்டு ஆய்வுசெய்யப்பட்ட நிலையில் அவற்றில் தமிழ் பிராமிய எழுத்துகள் கண்டுபிடிக்கப்பட்டன.அது தொடர்பில் ஒரு ஆங்கில சஞ்சிகையில் வெளியிடப்பட்டிருந்தது.

»»  (மேலும்)

மட்டக்களப்பில் முதன்முறையாக நடைபெற்ற உடல்கட்டுப்போட்டி

மட்டக்களப்பு மாவட்டத்தில் முதன்முறையாக உடல் கட்டுப்போட்டி நேற்று ஞாயிற்றுக்கிழமை பிற்பகல் 4.30மணியளவில் ஆரம்பமானது.


கிழக்கு மாகாண விளையாட்டுத்திணைக்களமும் மட்டக்களப்பு மாவட்ட செயலக விளையாட்டுப்பிரிவும் இணைந்து இந்த உடல் கட்டுப்போட்டியை நடாத்தியது.

மட்டக்களப்பு மாநகரசபை மண்டபத்தில் மாவட்ட விளையாட்டு திணைக்களத்தின் பதில் உத்தியோகத்தர் எஸ்.ஜெயக்குமார் தலைமையில் நடைபெற்ற நிகழ்வில் மட்டக்களப்பு மாநகர ஆணையாளர் எம்.உதயகுமார்,மாவட்ட உதவி அரசாங்க அதிபர் எஸ்.ரங்கநாதன் உள்ளிட்ட பலர் கலந்துகொண்டனர்.

கிழக்கு மாகாண விளையாட்டுத்திணைக்களம் உருவாக்கப்பட்டு முதன்முறையாக மட்டக்களப்பில் இந்த உடல்கட்டுப்போட்டி நடாத்தப்பட்டுள்ளது.

இந்த சுற்றுப்போட்டியில் மட்டக்களப்பு மாவட்டத்தின் 14 பிரதேச செயலாளர் பிரிவுகளிலும் இருந்து பெருமளவான இளைஞர்கள் பங்குகொண்டனர்.

மட்டக்களப்பு மாவட்டத்தில் முதன்முறையாக உடற்கட்டு போட்டி நடைபெறுவதனால் அதனைக்காண்பதற்காக பெருமளவானோர் மட்டக்களப்பு மாநகரசபையில் குழுமியிருந்தனர்.

»»  (மேலும்)

சொத்துக்குவிப்பு வழக்கில் ஜெயலலிதா விடுதலை: கர்நாடக உயர் நீதிமன்றம் பரபரப்பு தீர்ப்பு

பெங்களூரு: சொத்துக்குவிப்பு வழக்கில் முன்னாள் முதல்வர் ஜெயலலிதா உள்பட 4 பேரையும் விடுதலை செய்து  கர்நாடக உயர் நீதிமன்றம் பரபரப்பு தீர்ப்பளித்துள்ளது. 

தமிழக முதலமைச்சராக இருந்தபோது ஜெயலலிதா, வருமானத்திற்கு அதிகமாக சொத்து சேர்ந்ததாக, கடந்த 1996ஆம் ஆண்டில், சுப்ரமணியன் சுவாமி கொடுத்த புகாரின் பேரில், தமிழக லஞ்ச ஒழிப்புத்துறை காவல்துறையினர் வழக்குப் பதிவு செய்து விசாரணை நடத்தினர். இந்த வழக்கில், கடந்த ஆண்டு செப்டம்பர் 27ஆம் தேதி, ஜெயலலிதா உள்ளிட்ட நான்கு பேருக்கு, நான்கு ஆண்டுகள் சிறை தண்டனை வழங்கி பெங்களூரு சிறப்பு நீதிமன்றம் தீர்ப்பளித்து.
 

 

இந்த வழக்கில் உச்ச நீதிமன்றம் அக்டோபர் 17ஆம் தேதி ஜெயலலிதா உட்பட நால்வருக்கும் ஜாமீன் வழங்கியது. பின்னர் உச்ச நீதிமன்றத்தின் வழிகாட்டுதலின் அடிப்படையில், கடந்த ஜனவரி 5ஆம் தேதி ஜெயலலிதா மேல்முறையீட்டு மனு மீது கர்நாடக உயர் நீதிமன்றத்தின் சிறப்பு அமர்வு முன்பாக விசாரணை தொடங்கியது. கடந்த பிப்ரவரி 20ஆம் தேதி குற்றம்சாட்டப்பட்ட நால்வர் தரப்பு வாதமும் நிறைவடைந்தது.

45 நாட்களில் விசாரணையை முடித்த நீதிபதி சி.ஆர்.குமாரசாமி, கடந்த மார்ச் 11ஆம் தேதி தேதி குறிப்பிடாமல் தீர்ப்பை ஒத்தி வைத்தார். உச்ச நீதிமன்ற உத்தரவின்படி 3 மாதங்களுக்குள் மேல் முறையீட்டு விசாரணையை முடித்த நீதிபதி, மார்ச் 12ஆம் தேதி முதல் தீர்ப்பு எழுதும் பணியை தொடங்கினார்.

இந்நிலையில் திமுக தரப்பின் மனுவை விசாரித்த உச்ச நீதிமன்றம், பவானி சிங்கின் நியமனம் சட்டப்படி செல்லாது. எனவே மேல்முறையீட்டு வழக்கில் தீர்ப்பு எழுதும்போது பவானிசிங் முன்வைத்த வாதத்தை கருத்தில் கொள்ளக்கூடாது. மாறாக திமுக தரப்பும், கர்நாடக அரசு தரப்பும் தாக்கல் செய்யும் எழுத்துப்பூர்வ வாதத்தை கருத்தில் கொள்ள வேண்டும் என ஏப்ரல் 27ஆஆம் தேதி உத்தரவு பிறப்பித்தது.

உச்ச நீதிமன்றத்தின் உத்தரவைத் தொடர்ந்து நீதிபதி குமாரசாமி ஏப்ரல் 29ஆம் தேதி முதல் மேல்முறையீட்டில் மீண்டும் தீர்ப்பை திருத்தி எழுதும் பணியைத் தொடங்கினார். இந்நிலையில், தீர்ப்பு எழுதும் பணிகள் முடிவடைந்த நிலையில் மே 11ஆம் தேதி காலை 11 மணிக்கு தீர்ப்பு அளிக்கப்படும் என்று கர்நாடக உயர் நீதிமன்ற பதிவாளர் பாட்டீல் அறிவித்தார். இதைத் தொடர்ந்து கர்நாடக உயர் நீதிமன்ற வளாகத்தை சுற்றி ஒரு கிலோ மீட்டர் தூரத்திற்கு 144 தடை உத்தரவு பிறப்பிக்கப்பட்டது. அதிமுகவினர் தொடர்ந்து குவிந்ததால் நீதிமன்ற வளாகத்தை சுற்றி ஏராளமான காவலர்கள் குவிக்கப்பட்டுள்ளனர்.
 

இந்நிலையில், தீர்ப்பு வழங்குவதற்காக நீதிபதி குமாரசாமி இன்று காலை 10 மணிக்கு கர்நாடக உயர் நீதிமன்றம் வந்தடைந்தார். அதிமுக தரப்பில் வழக்கறிஞர்கள் குமார், செந்தில், திமுக பொதுச் செயலாளர் அன்பழகன் தரப்பில் வழக்கறிஞர்கள் சரவணன், தாமரைச் செல்வன் மற்றும் சசிகலா, இளவரசி, சுதாகரன் ஆகியோர் தரப்பு வழக்கறிஞர்களும் வந்தனர். இதனிடையே, தமிழக லஞ்ச ஒழிப்புத்துறை அதிகாரி சம்பந்தனும் கர்நாடக உயர் நீதிமன்றத்துக்கு வந்தார்.

விடுதலை 

இதனைத் தொடர்ந்து சரியாக 11 மணிக்கு மேல்முறையீட்டு மனு மீது தீர்ப்பளித்த கர்நாடக உயர் நீதிமன்ற தனி நீதிபதி குமாரசாமி , ஜெயலலிதா உள்பட 4 பேரின் மேல்முறையீட்டு மனுக்களையும் ஏற்று, அவர்களை விடுதலை செய்து பரபரப்பு தீர்ப்பளித்தார்.

அபராதமும் ரத்து 

ஜெயலலிதா உள்ளிட்ட 4 பேரும் முன்வைத்த வாதங்களை ஏற்று, பெங்களூரு தனி நீதிமன்ற நீதிபதி குன்ஹா அளித்த தீர்ப்பை ரத்து செய்வதாகவும் நீதிபதி தனது தீர்ப்பில் குறிப்பிட்டார். இதனால், ஜெயலலிதா உள்ளிட்ட 4 பேருக்கு விதிக்கப்பட்ட அபராதமும் ரத்தாகி விடுகிறது.  

3 நிமிடத்தில் தீர்ப்பின் முக்கிய அம்சத்தை மட்டும் வாசித்துவிட்டு நீதிபதி குமாரசாமி, தனது அறைக்கு திரும்பினார். தீர்ப்பு மொத்தம் 900 பக்கங்கள் கொண்டதாக உள்ளதாகவும், அது விரைவில் வெளியிடப்படும் என்றும் தெரிவிக்கப்பட்டுள்ளது. 

»»  (மேலும்)

“இப்படி பிழைப்பதை விட ரோட்டில் துண்டுபோட்டு பிழைக்கலாம்” என்ற தலைப்பில் கூட்டமைப்புக்கு எதிராக வெல்லாவெளியில் துண்டுப்பிரசுரம்

“இப்படி பிழைப்பதை விட ரோட்டில் துண்டுபோட்டு பிழைக்கலாம்” என்ற தலைப்பில் கூட்டமைப்புக்கு எதிராக வெல்லாவெளியில் துண்டுப்பிரசுரம்

வெல்லாவெளி பிரதேச சபையின் புதிய கட்டிடம் நாளை திறக்கப்படவுள்ள நிலையில் அதையொட்டிய தமிழ் தேசிய கூட்டமைப்பினரின் வருகைக்கு எதிராக வெல்லாவெளி பிரதேசத்தில் துண்டுப்பிரசுரங்கள் வெளியிடப்பட்டுள்ளன.

குறித்த பிரதேச சபை வெல்லாவெளிக்கு இடம் மாற்றுப்படும் போது   அது அமைக்கப்படுவதற்கு எதிர்ப்பு தெரிவித்த தமிழ் தேசிய கூட்டமைப்பு கிழக்கு மாகாணசபை உறுப்பினர்கள் இப்போது அதன் திறப்பு விழாவுக்கு செல்வதையிட்டே இவ்வெதிர்ப்பு  துண்டுப்பிரசும் வெளியிடப்பட்டுள்ளது.

“இப்படி பிழைப்பதை விட ரோட்டில் துண்டுபோட்டு பிழைக்கலாம்” என்ற தலைப்பில் இந்த துண்டுப்பிரசுரம் வெளியிடப்பட்டுள்ளது.

ஆரம்ப காலத்தில் பழுகாமம் கிராமத்தில் இருந்த இச்செயலகமானது படுவாங்கரை வாழ்  மக்களின் நன்மை கருதி தமிழ் மக்கள் விடுதலை புலிகளின் ஆட்சிக்காலத்தில் முன்னாள் தவிசாளர் சிறிதரன் அவர்களின் கடுமையான முயற்சியின் காரணமாக வெல்லாவெளிக்கு இடமாற்றம் செய்யப்பட்டது.அவ்வேளை அதனை புரிந்து கொள்ள மறுத்து அதனை வைத்து அரசியல் செய்த கூட்டமைப்பினர் இப்போது அதனை திறந்துவைக்க வருவது கீழ்த்தரமானது என வெல்லாவெளி ஆசிரியர் ஒருவர் தெரிவித்தார்.இதன் காரணமாகவே இப்பிரசுரம் எமது மக்களால் வெளியிடப்பட்டுள்ளது.என்றார் அவர்.

»»  (மேலும்)

"மனிசருக்கு தான் வேலை சக்கிலியருக்கில்லை" கூட்டமைப்பு தலைமை தாங்கும் நகர சபை பிரதி மேயர்

சாதியத்திற்கு குடை பிடிக்கும் தமிழ் தேசிய ஊடகவியல்

  கடந்த பல வருடங்களாக நகரசபை ஊழியர்களுக்கு வழங்கிய கூலி உயர்வை தொழிலாளராகிய தமக்கு வழங்க மறுக்கும் சாதிய கொடுமைக்கு எதிராகவும்!

தற்காலிகமான தங்கள் வேலையை நிரந்தரமாக்க மறுக்கும் சாதிய கண்ணோட்டத்தை எதிர்த்தும்!

கல்விகற்ற தங்கள் குழந்தைகளுக்கு வேலை வழங்க மறுக்கும் சாதிய ரீதியான ஒடுக்குமுறையை எதிர்த்தும்!

திருகோணமலை நகரசபை சுத்திகரிப்பு தொழிலாளார்கள் மே 2 - 3 ஆம் திகதிகளில் போராட்டம் ஒன்றை நடாத்தி இருக்கின்றனர். "தமிழனுக்கு" எதிரான "தமிழினின்" போராட்டம் என்பதால் இவை தமிழ் ஊடகங்களில் செய்தியாகவில்லை. இதுவே "சிங்களவனுக்கு" எதிரான போரட்டம் என்றால் தலைப்புச் செய்தியாகி இருக்கும். இது தான் தமிழ் ஊடாகவியலின் ஊடாக விபச்சாரம்.

அடிநிலை தொழிலாளர் மீதான சாதி ரீதியான திட்டமிட்ட ஒடுக்கு முறைக்கு எதிரான இந்தப் போராட்டம் "ஆன" செய்தியாக கூட ஊடகங்களில் வரவில்லை. இதை விட கொடூரம் வேறு எதுவாகவும் இருக்க முடியாது. போராடியதை செய்தியாகக் கூட வெளி வரமுடியாத அளவுக்கு அந்த மக்களின் ஜனநாயக உரிமை திடட்மிட்டு "தமிழனால் தமிழனுக்கு" மறுக்கப்பட்டு இருக்கின்றது.

ஒடுக்கப்பட்ட சாதியை சேர்ந்த "சக்கிலிய" சமூகத்தை பார்த்தாலும் தொட்டாலும் தீட்டு என்று ஒடுக்கும் சாதிகள் மட்டும் கருவதில்லை, தமிழ் ஊடகவியலுக்கும் இது தீட்டாகியதால் இந்த மக்களின் போராட்டம் இருட்டடிப்பு செய்யப்பட்டது.

தமிழ் தேசிய கூட்டமைப்பினால் தலைமை தாங்கப்படும் திருகோணமலை நகரசபை என்பதால், இந்த போராட்டம் மூடிமறைக்கப்பட்டது. இதுவே முஸ்லிம் - சிங்களவர்களின் தலைமையிலான நகர சபையாக இருந்து இருந்தால், தமிழ் மக்கள் என்று சொல்லி ஒப்பாரிப் போராட்டம் நடாத்தி இருப்பார்கள்.

"தமிழனை" தமிழன் ஒடுக்கும் சாதி ரீதியான அடக்குமுறைதான் "தமிழ்" தேசியம் என்பதை கூட்டமைப்பு தலைமை தாங்கும் நகர சபை தன் சொந்த நடத்தை மூலம் மீள நிரூபித்து இருக்கின்றது. இந்த போராட்டம் தொடர்பாக பேட்டி எடுக்க சென்ற சிங்கள பத்திரிகை செய்தியாளர், உதவி மேயரிடம் ஏன் "சக்கிலிய" சமூகத்தில் இருக்கின்ற கல்வி கற்றவர்களை மேலாள அதிகாரி ஊழியர்களாக நியமனம் செய்வதில்லை என்று கேட்ட போது "மனிசருக்கு தான் வேலை" என்றார். அவர்கள் "சக்கிலியர்" மனிசர் இல்லையா என்று கேட்ட போது, கேவலமாக அந்த சாதியை தீட்டித் தீர்த்த வக்கிரம் அரங்கேறியது.

அமெரிக்கா முதல் இந்தியா வரை, நக்கச் சொன்னால் அவர்களின் குண்டியை கூட நக்கிப் பிழைக்க தயாராக இருக்கும் இந்த தமிழ் தேசியத் தலைவர்கள், சொந்த மக்களை சாதி ரீதியாக ஒடுக்கி, அடக்கி, சுரண்டும் கேவலத்தை செய்கின்றனர். இவர்களையும், இந்த சாதிய தேசியத்தையும் தோற்கடிக்காமல் எதையும் நாங்கள் வெல்ல முடியாது. இதைத்தான் திருகோணமலை தொழிலாளர்களின் இந்த போராட்டம் சாதி கடந்து எடுத்துச் செல்லும் செய்தி. தொடரவுள்ள போராட்டம், அதை நாளையும் பறை சாற்றும்.

நன்றி- புதிய ஜனநாயக மக்கள் முன்னணி இணையத்தளம் 

»»  (மேலும்)