காசாவில் அகதிகள் தஞ்சம் புகுந்திருக்கும் ஐ.நா. பாடசாலை மீதும் இஸ்ரேல் தாக்குதல்

20 பேர் பலி: பலஸ்தீன உயிர்ப்பலி 1,283 ஆக உயர்வு

பொதுமக்கள் இருப்பதாக பலமுறை எச்சரிக்கப்பட்ட நிலையிலும் காசாவில் அகதிகள் தங்கியுள்ள ஐ.நா. பாடசாலை ஒன்றின் மீது இஸ்ரேல் n'ல் தாக்குதல் நடத்தியதில் சுமார் 20 பலஸ்தீனர்கள் கொல்லப்பட்டனர். ஒட்டுமொத்தமாக காசாவெங்கும் நேற்றைய தினத்திலும் இஸ்ரேல் நடத்திய தாக்குதல்களில் மேலும் 59 பலஸ் தீனர்கள் பலியாயினர்.

"உலகமே அவமானத்துடன் நிற்கிறது" என்று இந்த தாக்குதல் குறித்து ஐ.நா. பேச்சாளர் கிரிஸ் கின்னஸ் கவலை தெரிவித்திருந்தார். இஸ்ரேலின் ஆக்கிரமிப்பால் இடம்பெயர்ந்து ஐ.நா. பாடசாலைகளில் தஞ்சம் புகுந்திருக்கும் பலஸ்தீன அகதிகள் மீது இஸ்ரேல் தாக்குதல் நடத்துவது ஒரு வாரத்திற்குள் இது இரண்டா வது முறையாகும். இந்த புதிய வன்முறைகளுடன் காசாவில் கொல்லப்பட்ட பலஸ்தீனர்களின் எண்ணிக்கை 1,283 ஆக உயர்ந்துள்ளது.

ஐ.நா.வின் கணிப்பின்படி கொல்லப்பட்டவர்களில் முக்கால் பங்கினர் அப்பாவி பொதுமக்களாவர். இதில் 240க்கும் அதிகமான சிறுவர்கள் கொல்லப்பட்டுள்ளனர். இது கொல்லப்பட்ட பொதுமக்களில் 29 வீதமாகும்.

மறுபுறத்தில் பலஸ்தீன போராளிகளின் தாக்குதலில் கொல்லப்பட்ட இஸ்ரேல் படையினரின் எண்ணிக்கை 55 ஆக உயர்ந்திருப்பதாக இஸ்ரேல் இராணுவம் உறுதி செய்துள்ளது. மூன்று இஸ்ரேல் சிவிலியன்களும் பலியா கினர். எனினும் இதுவரை 90க்கும் அதிகமான இஸ்ரேல் வீரர்கள் கொல்லப்பட்டிருப்பதாக ஹமாஸின்; ஆயுதப் பிரிவு குறிப்பிட்டுள்ளது.

இதில் nஜபலியா அகதி முகாமில் இருக்கும் ஐ.நாவினால் நடத்தப்படும் பாடசாலை மீதே நேற்று இஸ்ரேல் n'ல் தாக்குதல் நடத்தியிருப்பதாக காசா அவசரப்பிரிவின் பேச்சாளர் அஷ்ரப் அல் குத்ரா குறிப்பிட்டார். பாடசாலையின் பெண்கள் பிரிவில் இருக் கும் இரு வகுப்பறைகள் மற்றும் குளியலறை மீதே n'ல் தாக்குதல் நடத்தப்பட்டிருப்பதாக பலஸ்தீனத் திற்கான ஐ.நா. அகதிகள் நிலையம் குறிப்பிட்டுள்ளது.

ஐ.நா. நிவாரண உதவிகளுக்கான பிரிவின் பேச்சாளர் கின்னஸ் குறிப்பிடும்போது, ஜபலியா பாடசலையில் இடம்பெயர்ந்த அகதிகளே தங்கியிருப்பதாக இஸ்ரே லுக்கு 17 தடவைகள் அறிவுறுத்தப்பட்டது என்றார். "இந்த உயிர்ப்பலிகள் ஏற்பட்ட தாக்குதலுக்கு ஒரு சில மணி நேரங்களுக்கு முன்னரும் நாம் இஸ்ரேலை அறிவுறுத்தி இருந்தோம்" என்றும் அவர் குறிப்பிட்டார்.

இந்த தாக்குதலில் சிறுவர்கள் பெண்கள் என 20 பேர் கொல்லப்பட்டுள்ளனர்.

கடந்த 23 தினங்களாக காசா மீது இஸ்ரேல் கடல், வான் மற்றும் தரைவழியாக நடத்தும் தாக்குதலால் இடம்பெயர்ந்துள்ளவர்களில் குறைந்தது 180,000 பலஸ் தீனர்கள் அங்குள்ள ஐ.நா.வினால் நடத்தப்படும் பாட சாலைகளிலேயே தஞ்சம் புகுந்துள்ளனர்.

ஆனால் 1.7 மில்லியன் மக்கள் தொகை கொண்ட காசாவில் இதுவரை 215,000 மக்கள் வீடுகளை விட்டு வெளியேறி இருப்பதாக ஐ.நா. கணித்துள்ளது.

இந்நிலையில் கடந்த செவ்வாய்க்கிழமை நள்ளிரவு முதல் நேற்று புதன்கிழமை காலை வரை இஸ்ரேல் நடத்திய தாக்குதல்களில் காசாவில் மொத்தம் 59 பலஸ்தீனர்கள் கொல்லப்பட்டதோடு 110 பேர் காய மடைந்துள்ளனர். இதில் காசா நகரில் நேற்றுக் காலை இஸ்ரேல் நடத்திய n'ல் தாக்குதலில் கலீலி என்பவ ரின் குடும்பத்தைச் சேர்ந்த 7 பேர் கொல்லப்பட்டனர். இதில் நால்வர் சிறுவர்களாவர்.

ஆனால் இஸ்ரேல் இராணுவம் நேற்றுக்காலை வெளி யிட்ட அறிக்கையில் நள்ளிரவு தொடக்கம் காசாவில் 75 தீவிரவாத தளங்கள் மீது தாக்குதல் நடத்தப்பட்டதாக குறிப்பிடப்பட்டுள்ளது.

எவ்வாறாயினும் கடந்த செவ்வாய்க்கிழமை இஸ்ரேல் தாக்குதல்களில் காசாவில் அதிக உயிர்ப்பலி கொண்ட தினமாக இருந்தது. அன்றைய தினத்தில் மாத்திரம் குறைந்தது 100 பலஸ்தீனர்கள் கொல்லப்பட்டனர். அன்றை தினத்தில் காசாவில் இருக்கும் ஒரே மின்சார உற்பத்தி நிலையமும் தாக்குதலுக்கு உள்ளானது.

இந்த நிலையில் முற்றாக சேதமடைந்திருக்கும் இந்த மின்சார உற்பத்தி நிலையத்தை சீரமைப்பதற்கு குறைந்தது ஒரு ஆண்டு எடுத்துக் கொள்ளும் என்று பலஸ்தீன மின்சக்தி அதிகார சபையின் தலைவர் பாத்தி அல் ஹெய்க் கலிக் குறிப்பிட்டார்.

ஏற்கனவே மின்சார தட்டுப்பாட்டால் தவித்துவரும் காசா இந்த தாக்குதல் மூலம் பாரிய பிரச்சினையை எதிர்கொண்டுள்ளது. உடனடியாக மின்சார விநியோகம் உறுதிசெய்யப்படாவிட்டால் காசா பாரிய மனிதாபிமான பிரச்சினையை எதிர்நோக்க வேண்டி வரும் என்று காசா மின்சார விநியோக நிறுவனத்தின் பேச்சாளரான ஜமால் டர்தசாவி எச்சரித்திருந்தார்.

இந்த மின்சார தடை மருத்துவமனைகள், நீர் விநியோகத்திலும் பாதிப்பை செலுத்தும் என்று அவர் எச்சரித்தார்.

அதேபோன்று இஸ்ரேல் யுத்த விமானம் கடந்த செவ் வாய்க்கிழமை காசாவின் உத்தியோகபு+ர்வ தொலைக் காட்சி சேவையான அல் அக்ஸாவையும் தாக்கியது. இந்த தாக்குதலை அடுத்து அல் அக்சா ஒளிபரப்புகள் பல மணிநேரம் தடைப்பட்டுள்ளது.

காசா மீதான கண்மூடித்தனமான தாக்குதல்கள் தொட ரும் நிலையில் மோதல் நிறுத்தம் ஒன்றை ஏற்படுத்தும் இராஜதந்திர முயற்சிகளும் தொடர்ந்து இடம்பெற்று வருகின்றன. இதில் தற்காலிக யுத்த நிறுத்த பேச்சு வார்த்தையில் ஈடுபட பலஸ்தீன தரப்பு நேற்று எகிப்து தலைநகர் கெய்ரோவுக்கு விரைந்துள்ளது. இதில் காசாவை ஆளும் ஹமாஸ் இணைந்திருக்கிறதா என்பது குறித்து உறுதி செய்யப்படவில்லை.

இதில் 24 மணிநேர யுத்த நிறுத்தம் ஒன்றுக்கு ஹமாஸ் இணக்கம் தெரிவித்திருப்பதாக பலஸ்தீனின் பத்தாஹ் தரப்பு குறிப்பிட்டுள்ளது. எனினும் இந்த யுத்த நிறுத்தம் கடைப்பிடிக்கப்படும் காலம் பற்றி உறுதி செய்யப்படவில்லை. இது குறித்து பலஸ்தீன ஜனாதிபதி மஹ்மூத் அப்பாஸ்; ஹமாஸ் தலைவர் காலித் மி'h லுடன் இரு தினங்களாக பேச்சுவார்த்தை நடத்தி வருவ தாக பத்தாஹ் தரப்பு குறிப்பிட்டுள்ளது.

ஆனால் இஸ்ரேல் தரப்பு முதலில் முன்வரும்வரை புதியதொரு உடன்பாடொன்றிற்கு தாம் முன்வரப்போவதில்லை என்று ஹமாஸ் குறிப்பிட்டுள்ளது. "மனிதாபிமான உடன் படிக்கை ஒன்றுக்கு இஸ்ரேலின் அர்ப்பணிப்பு தேவை. ஆக்கிரமிப்பு தொடரும் நிலையில் எமது குழந்தைகள் கொல்லப்படும் சுழலில் எமது தரப்பில் நாம் உடன்பா டொன்றை அறிவிக்க முடியாது" என்று ஹமாஸ் பேச்சா ளர் சமி அபு+ சுஹ்ரி சுட்டிக்காட்டினார்.

காசா மீதான முற்றுகை விலக்கப்படும்வரை நிரந்தர யுத்த நிறுத்தம் ஒன்றை ஹமாஸ் நிராகரித்து வருகிறது.

ஆனால் புதிய யுத்த நிறுத்தம் ஒன்றுக்கு உதவுமாறு இஸ்ரேல் பிரதமர் பென்ஜமின் நெதன்யாகு அமெரிக்க இராஜhங்கச் செயலாளர் ஜோன் கெர்ரியை அணுகி யுள்ளார். "யுத்த நிறுத்தம் ஒன்றின் சாத்தியம் குறித்து நாம் இருவரும் பேச்சுவார்த்தை நடத்தினோம்" என்று ஜோன் கெர்ரி செவ்வாய்க்கிழமை குறிப்பிட்டிருந்தார்.

காசா மீது படையெடுத்திருக்கும் இஸ்ரேல் துருப்புகள் அங்குள்ள ஹமாஸ் சுரங்கப்பாதைகள் முற்றாக அழிக்கப்படும்வரை பின்வாங்கப்போவதில்லை என்று குறிப்பிட்டுள்ளது.

இந்நிலையில் காசா மீதான இஸ்ரேலின் புதிய தாக்குதல் அதிக தினங்கள் நீடித்த தாக்குதலாக மாறி யுள்ளது.

கடந்த 2012 ஆம் ஆண்டு இடம்பெற்ற காசா-இஸ்ரேல் மோதல் எட்டு தினங்களில் முடிவுக்கு வந்தது. அதே போன்று கடந்த 2008 ஆம் ஆண்டு மோதல் 22 நாட்கள் வரை நீடித்தது. ஆனால் தற்போதைய மோதல் 24 ஆவது தினத்தை எட்டியுள்ளது.

»»  (மேலும்)

ஆசியாவில் இலங்கையின் பொருளாதாரம் வேகமாக வளர்ச்சி: சர்வதேச நாணய நிதியத்தின் அறிக்கையில் சுட்டிக்காட்டு

ஆசியாவில் அபிவிருத்தியடை ந்துவரும் பொருளாதாரங்களில் வேகமாக வளர்ந்துவரும் பொரு ளாதாரமாக இலங்கையின் பொருளாதாரம் காணப்படுவதாக சர்வதேச நாணய நிதியம் தெரி வித்துள்ளது.

இலங்கை தொடர்பாக சர்வதேச நாணய நிதியம் தயாரித்திருக்கும் அறிக்கையில் இது தொடர்பில் குறிப்பிடப்பட்டுள்ளது. இலங்கையின் பொருளாதார செயற்பாடுகள் எதிர்பார்த்ததைவிட முன்னேற்றகரமாக இருப்பதாகவும் சர்வதேச நாணய நிதியத்தின் அறிக்கையில் சுட்டிக்காட்டப் பட்டுள்ளது.

மீட்சிபெற்றுவரும் உலக பொருளாதாரம் இலங்கைக்கு நன்மையளித்திருப்பதாகவும், குறுகிய கால நோக்கில் இது சாதகமான நிலையில் காணப்படுவதாகவும் சர்வதேச நாணய நிதியத்தின் அறிக்கையில் குறிப்பிடப்பட்டுள்ளது.

இலங்கையின் பணவீக்கமானது ஒற்றைத் தானத்திற்குக் குறைந்திருக்கும் அதேநேரம், மொத்த உள்நாட்டு உற்பத்தியின் வளர்ச்சியானது 7 வீதமாகத் தொடர்ந்தும் காணப்படுகிறது. நிதி பற்றாக்குறையைக் குறைக்கும் அரசாங்கத்தின் முயற்சியால் மொத்த உள்நாட்டு உற்பத்தியில் நிதி பற்றாக்குறை 5.2 வீதமாகக் குறைக்கப்பட்டுள்ளது. இது பொதுக்கடன்களைக் குறைக்கும் என்றும் நாணய நிதியம் தெரிவித்துள்ளது.

இலங்கையின் பணவீக்கமானது 3.2 வீதமாகக் காணப்படுகிறது. இலங்கையின் நிதிக் கொள்கையானது ஒத்துப்போகும் இயல்புடையதாகக் காணப்படுகின்றபோதும், தனியார் கடன்களின் வளர்ச்சியில் வீழ்ச்சி ஏற்பட்டிருப்பதாகவும் சுட்டிக்காட்டப் பட்டுள்ளது. 2014ஆம் ஆண்டின் நிதி நிலைப்பாடு தொடர்பில் கவனம் செலுத்தப்பட வேண்டும் என்றும் சர்வதேச நாணய நிதியம் மேலும் சுட்டிக்காட்டியுள்ளது.

»»  (மேலும்)

கணிதம் சித்தியடையாவிட்டாலும் உயர்தரம் கற்கலாம்! கல்வி அமைச்சின் சுற்று நிருபம் வெளியாகியது

2013இல் க.பொ.த.(சா/த) தோற்றியவர்களும் உள்வாங்கப்படுவர்

க. பொ. த. சாதாரண தரத்தில் கணித பாடம் சித்தியடையாவிட்டாலும் க. பொ. த. உயர்தரம் கற்பதற்கு வசதி செய்யும் வகையிலான சுற்றுநிருபம் நேற்று வெளியிடப்பட்டுள்ளது. உயர்தரம் கற்கும் இரண்டு வருட காலத்துள் இரண்டு தடவைகள் க.பொ.த. சாதாரண தர பரீட்சைக்குத் தோற்றி கணித பாடத்தில் சித்திபெற வேண்டும் என்ற அடிப்படையின் கீழ் உயர்தரம் கற்க வாய்ப்பு வழங்கப்படும்.

அத்துடன் க. பொ. த. சாதாரண தர பரீட்சையில் கணித பாடத்தில் சித்தியடையாமல் போகும் மாணவர்களை தொடர்ந்தும் பாடசாலை கட்டமைப்புக்குள் வைத்திருக்க வேண்டும் என்ற நோக்குடன் கல்வி அமைச்சர் பந்துல குணவர்தனாவின் ஆலோசனைக்கமைய அமைச்சரவை அங்கீகாரம் வழங்கியிருந்தது.

இப்புதிய சுற்று நிருபத்துக்கு அமைவாக 2013 ஆம் ஆண்டில் க. பொ. த. சாதாரணதரத்துக்கு தோற்றி உயர்தர வகுப்புகளுக்கு தெரிவு செய்யப்பட்ட கலைப் பிரிவு அல்லது உயிரியல் விஞ்ஞான தொழில்நுட்ப பாடநெறிகளுக்கு உட்பட்ட பாடநெறிகளை கற்க விரும்பும் மாணவர்களும் உள்வாங்கப்படுவார்கள். என்றும் கல்வி அமைச்சர் பந்துல குணவர்தனா சுற்றுநிருபத்தில் குறிப்பிட்டு ள்ளார். 26/ 2014 ஆம் இலக்க சுற்றுநிருபம் நேற்று சகல மாகாண கல்விச் செயலாளர்களுக்கும் மாகாண கல்வி பணிப்பாளர்களுக்கும் வலய கல்வி பணிப்பாளர்களுக்கும் அனுப்பி வைக்கப்பட்டுள்ளன.

க. பொ. த. சாதாரண தர பரீட்சையில் கணித பாடத்தில் சித்தியடையாத 20க்கும் மேற்பட்ட மாணவர்கள் ஒரு பாடசாலையில் இருப்பார்களேயாயின் அவர்களுக்கு மேலதிக வகுப்பொன்றை நடத்த வேண்டும் என்ற விடயமும் உள்வாங்கப் பட்டுள்ளது. க. பொ. த. சாதாரண தரத்தில் கணித பாடத்தில் சித்தியடையாத நிலையில் உயர்தரம் கற்கும் காலத்திலும் கணித பாடத்தில் சித்தியடையாது போனாலும் அவர் உயர்தர பரீட்சைக்கு தோற்ற முடியும். ஆனால் அவர் பல்கலைக்கழக அனுமதியின் போது கணித பாடம் கட்டாயமாக தேவைப்படும் பாடநெறிகளை கற்க முடியாமல் போகும் என்றும் அமைச்சர் தெரிவித்தார்.

பல்கலைக்கழக பிரவேசத்தை எதிர்பார்க்கும் ஒருவர் கட்டாயம் இரண்டு வருடத்திலும் அடுத்தடுத்து கணித பாடத்தில் சித்தியடைய வேண்டும் என்றும் அமைச்சர் பந்துல தெரிவித்தார்.

»»  (மேலும்)

வடக்கு மாகாணக் கல்வித் திணைக்களம் இன்று நடத்தும் கணிதபாட பரீட்சை வினாத்தாள் முன்னரே வெளியானது! -

வடக்கு மாகாணக் கல்வித் திணைக்களத்தினால் ஜீ.சி.ஈ. சாதரண தரப் பரீட்சைக்குத் தோற்றும் மாணவர்களுக்கு இன்று நடைபெறவிருந்த கணித பாட வினாத்தாள் முற்கூட்டியே வெளியாகியுள்ளது என்று தெரிய வந்துள்ளது. வடக்கு மாகாணக் கல்வித் திணைக்களத்தினால் மாகாணத்தின் அனைத்துப் பாடசாலைகளிலும் கடந்த 21 ஆம் திகதி நடத்தத் தீர்மானிக்கப்பட்டிருந்த கணித பாடப் பரீட்சை சில வலயங்களில் நடைபெற்ற தமிழத் தினப் போட்டி காரணமாகப் பிற்போடப்பட்டு, இன்று நடைபெறுகிறது. எனினும் வவுனியா வடக்கு வலயத்தின் ஓமந்தை மத்திய கல்லூரி உள்ளிட்ட சில பாடசாலைகளில் கடந்த 21 ஆம் திகதியே இந்தப் பரீட்சை நடைபெற்றுள்ளது. அத்துடன் தனியார் கல்வி நிலையங்கள் ஊடாகவும் பரீட்சை வினாத்தாள் விநியோகிக்கப்பட்டுள்ளது என்று தெரிவிக்கப்படுகின்றது. இது தொடர்பில் ஓமந்தை மத்திய கல்லூரி அதிபரைத் தொடர்பு கொண்டு கேட்டபோது:- கடந்த 21 ஆம் திகதி இப்பரீட்சையை நடத்துமாறு மாகாணக் கல்வித் திணைக்களத்தினால், வலயம் ஊடாக சகல பாடசாலைகளுக்கும் அறிவிக்கப்பட்டிருந்தது. அந்தப் பரீட்சையைப் பிற்போடுமாறு அறிவிக்கப்பட்ட தகவல் உரிய காலப்பகுதிக்குள் எமக்குக் கிடைக்கவில்லை. இதனால் அன்றைய தினமே பரீட்சை நடத்தப்பட்டது - என்றார்

»»  (மேலும்)

ஒடுக்கப்பட்ட மக்களின் போர்க்குரலோன்று ஓய்ந்துபோனதோ

தங்கவடிவேல் மாஸ்டர் இலங்கையில் மரணம் அடைந்தார். இலங்கை கம்யுனிச கட்சியின் மூத்த உறுப்பினராகவும் தீண்டாமை ஒழிப்பு வெகுஜன இயக்கத்தின் முன்னோடி போராளியாகவும், வாழ்ந்த   தங்கவடிவேல் மாஸ்டர் மரணமடைந்தார்.அன்னாருக்கும் அவரது இழப்பில் துயருறும்  உறவினர்களுக்கும் தோழர்களுக்கும் எமது ஆழ்ந்த அனுதாபங்கள்.

»»  (மேலும்)

வடக்கு முதல்வர் ஜனாதிபதியுடன் சென்றிருந்தால் மீனவர் பிரச்சினைக்கு தீர்வு கண்டிருக்க முடியும்

மக்களின் பிரச்சினைகளுக்கு சுமுகமாக தீர்வுகாண முயற்சிக்கும் போது சுயலாப நோக்கில் செயற்படும் அரசியல்வாதிகள் அதனைத் திட்டமிட்டுக் குழப்பி வருவதாக அமைச்சர் டக்ளஸ் தேவானந்தா தெரிவித்துள்ளார்.

மக்களின் தேசிய பிரச்சினை உள்ளிட்ட அன்றாட பிரச்சினைகளுக்கு தீர்வு காண வேண்டுமென்பதையே தாம் விரும்புகின்ற போதும் சுயலாபம் அரசியல்வாதிகள் அதற்கு எதிர்மாறாக செயற்பட்டு வருகின்றனர்.

மக்களின் பிரச்சினைகளக்குத் தீர்வு காண முயற்சிக்கும் போதெல்லாம் அதை அவர்கள் திட்டமிட்டு குழப்பி அதனூடாக அரசியல் ஆதாயத்தை தேடி வருவதாக அமைச்சர் குற்றஞ்சாட்டினார்.

பருத்தித்துறை வியாபாரி மூலை எரிஞ்சம்மன் கோவிலடி பகுதியிலுள்ள மயிலிட்டித்துறை கடற்றொழிலாளர் சங்க பிரதிநிதிகளை கடந்த ஞாயிற்றுக்கிழமை சந்தித்துக் கலந்துரையாடியபோதே அமைச்சர் இந்தக் குற்றச்சாட்டை முன்வைத்தார்.

இந்தியப் பிரதமராக நரேந்திரமோடி பதவியேற்றுக் கொண்ட போது அந்நிகழ்வில் கலந்து கொள்ளுமாறு இலங்கை உட்பட ஏழு அயல்நாடுகளின் தலைவர்களுக்கு அழைப்பு விடுத்திருந்தார். இவ்வாறு ஜனாதிபதி மகிந்த ராஜபக்ஷ அவர்களுக்கு அழைப்பு விடுக்கப்பட்ட போது அந் நிகழ்வில் கலந்து கொள்ளும் பொருட்டு வடக்கு மாகாண முதலமைச்சருக்கு ஜனாதிபதி அழைப்பு விடுத்திருந்தார்.

ஜனாதிபதியின் அழைப்பை முதலமைச்சர் அப்போது நிராகரித்திருந்தார். ஆனால் முதலமைச்சர் ஜனாதிபதியுடன் அங்கு சென்றிருந்தால் மக்களின் கடற்றொழிலாளர் பிரச்சினைக ளுக்கு தீர்வுகளை கண்டிருக்க முடியும்.

இந்நிலையில் எல்லைமீறிய இந்திய மீனவர்களது தொழிற்துறை நடவடிக்கைகளை கட்டுப் படுத்துவதற்கு தமக்கு காலஅவ காசம் தேவையென ஜனாதிபதி மகிந்த ராஜபக்ஷ அவர்களிடம் இந்தியப் பிரதமர் நரேந்திர மோடி கோரிக்கை விடுத்திருந்த போது எமது மக்களின் நலன்களுக்காக ஜனாதிபதி நிராகரித்திருந்ததை யும் இங்கு சுட்டிக் காட்டியி ருந்தார் என்றும் அமைச்சர் குறிப்பிட்டார்.

இங்கு முன்வைக்கப்பட்ட கோரிக்கைக்கு அமைவாக இறங் குதுறைக்கு சீமெந்து போடுமாறு தெரிவித்த அமைச்சர் அது தொடர் பில் இடர்பாடுகள் எதிர்கொள் ளப்படுமாயின் தமது கவனத் திற்கு தெரியப்படுத்துமாறும் கேட்டுக் கொண்டதுடன் மக்களின் நிலம் மக்களுக்கானதே என்பதே தமது குறிக்கோள் என்றும் தெரிவித்தார்.

»»  (மேலும்)

பெண்கள் சந்திப்பு 26/27 –ஜுலை 2014 - லண்டன்

பெண்கள் சந்திப்பு 26/27 –ஜுலை 2014 - லண்டன் –

இரு நாட்கள் லண்டனில் நிகழ்ந்த பெண்கள் சந்திப்பு சிந்தனையை கிளறும் உரைகள், கலை நிகழ்ச்சிகள், உற்சாகமான கருத்துப்பரிமாற்றங்களுடன் இனிதே நடந்து முடிந்தது. 

பிரித்தானியாவில் வீட்டுவன்முறைக்கெதிரான இயக்கத்தின் வரலாற்றில் ஆரம்பித்து புகலிடத்தில் தமிழ்ப் பெண்கள் முகங் கொடுக்கும் வீட்டு வன்முறை சார்ந்த பிரச்சினைகள், தங்கள் வாழ்வாதாரத்துக்காக இங்குள்ள அரசுகளுடன் அவர்கள் எதிர் நோக்கும் சவால்கள் வரை ஒரு பட்டறை மூலம் வெளி கொணரப்பட்டது. மூன்று பெண் எழுத்தாளர்களின்( புஷ்பராணி – அகாலம், தமிழ்கவி – ஊழிக்காலம், ஷர்மிளா செய்யித் – உம்மத்) வரலாற்று முக்கியத்துவம் வாய்ந்த படைப்புக்களின் அறிமுகங்களின் தொடர்ச்சி அடுத்த நிகழ்வான போருக்குப் பின் வட கிழக்கு பெண்கள் எதிர் நோக்கும் பிரச்சினைகள் பற்றிய கலந்துரையாடலுக்கு இட்டுச்சென்றது. உள நல வளமும் பெண்களும் என்கின்ற தலைப்பிலான கலந்துரையாடல் முதல் நாள் கலந்துரையாடலுக்கு மேலும் உரமிட்டது. 49 பெண்கள் வருகை தந்திருந்தனர். அத்துடன் 5 சிறுமிகளும் கலந்து கொண்டனர். அடுத்த பெண்கள் சந்திப்பு பேர்ளினில் நடைபெறுவதாக முடிவெடுக்கப்பட்டது. மிகுந்த உற்சாகத்துடன் கலந்து கொண்ட லண்டன் சந்திப்பாளர்கள் தொடர்ந்தும் இவ்வாறான கலந்துரையாடல்கள் பெண்களிடையே நடைபெற வேண்டுமென்று கேட்டுக்கொண்டனர்.

நன்றி முகனூல்   

»»  (மேலும்)

ரணில் விக்ரமசிங்க குழுவுடன் இணையலாம் என்றால் ஏன்? ஜனாதிபதி மஹிந்த ராஜபக்சவுடன் இணைந்து தமிழ் மக்களின் அபிலாசைகளை தீர்க்க கூடாது

தமிழ்த்தேசியக் கூட்டமைப்பின் தலைவரான இரா. சம்பந்தன், ஐக்கிய தேசியக் கட்சியின் தலைவர் ரணில் விக்ரமசிங்க குழுவுடன் இணையலாம் என்றால் ஏன்? ஜனாதிபதி மஹிந்த ராஜபக்சவுடன் இணைந்து தமிழ் மக்களின் அபிலாசைகளை தீர்க்க கூடாது என்று கிழக்கு மாகாணசபை உறுப்பினர் கு.இனியபாரதி கேள்வியெழுப்பியுள்ளார்.

ஜனாதிபதி மஹிந்த ராஜபக்ஷ, பேரினவாதி என வர்ணிக்கும் இவர்கள் ரணிலை என்னவென்று சொல்லப்போகின்றார்கள் என்றும் அவர் வினவியுள்ளார்.

பொத்துவில் குண்டுமடு மகளிர் அமைப்பின் தலைவி எ.பிரதீபா ஏற்பாட்டில் நேற்று வெள்ளிக்கிழமை (24) காலை நடைபெற்ற கூட்டமொன்றில் கலந்து கொண்டு உரையாற்றும் போதே கிழக்கு மாகாணசபை உறுப்பினர் கு.இனியபாரதி மேற்கண்டவாறு கூறினார். 

பொத்துவில் குண்டுமடு பிரதேச வரலாற்றில் தேர்தல் காலங்களில் அவ்வப்போது காளான்களாக முளைக்கும் அரசியல்வாதிகள் வாய்ப்பேச்சில் வீரர்களாக வார்த்தைகளை கூறி வாக்குகளை பெற்றபின் மறைந்து விடுகின்றனர். இந்த நிலையில் பிரதேச சபையோ, பிரதேச செயலகமோ தங்களது பிரதேசத்தை அபிவிருத்தி விடயத்தில் புறந்தள்ளி பார்க்கின்றனர். இதற்கு பொறுப்பு கூறுவது யார் போன்ற கேள்விகள் இங்கு வாழும் பொதுமக்களால் முன்வைக்கப்பட்டது. 

அதற்கு பதிலளித்து உரையாற்றிய இனியபாரதி, யார் ஆட்சிக்கு வந்தாலும் அவர்களுக்கு எதிராக செயற்படுவதே கூட்டமைப்பின் கொள்கை. அதனால் மாத்திரதே தமிழர்களது வாக்கை பெற்று தங்களது இருப்பை தக்கவைத்துக் கொள்ளலாம் என்பதே இவர்களது  நம்பிக்கையாகும். 

இவர்களது நம்பிக்கைக்கு முற்றுப்புள்ளி வைக்க புத்திஜீவிகளும் பொதுமக்களும் சற்று சிந்தித்து செயலாற்ற வேண்டிய தருணமிது.  அவ்வாறு முன்கூட்டி சிந்தித்திருந்தால் இவ்வாறான கேள்விகள் என்னிடம் கேட்க வேண்டிய தேவை இருந்திருக்காது என்றார். 

தன்மானமும் தனித்துவமும் உள்ளதாக கூறிக்கொள்ளும் கூட்டமைப்பு இன்று ரணிலுடன் கூட்டிணையும் பேச்சு வார்த்தைகளில் ஈடுபட்டுள்ளனர். அப்படியானால் அவர்களின் தன்மானமும் தனித்துவமும் எங்கே போனது. ஆகவே தங்களது இருப்பிற்காக தமிழர்களை பலிக்கிடவாக மாற்றும் இவர்களது அரசியல் கொள்கைக்கு மக்கள் தகுந்த பாடம் புகட்ட வேண்டும்; என்றார். 

»»  (மேலும்)

பலாச்சோலை கிராமத்தில் யானை தாக்கியதில் ஒருவர் பலி

மட்டக்களப்பு மாவட்டத்தின் படுவான்கரை பிரதேசத்தின் போரதீவுப்பற்று பிரதேச செயலகப்பிரிவின் பலாச்சோலை கிராமத்தில் (25.07.2014) காலை 6.30 மணியளவில் யானை தாக்கியதில் ஒருவர் ஸ்தலத்திலேயே உயிரிழந்ததுடன் இருவர் காயமடைந்த நிலையில் களுவாஞ்சிக்குடி ஆதார வைத்தியசாலையில் அனுமதிக்கப்பட்டுள்ளனர்.
உயிரிழந்தவர் கதிர்காமத்தம்பி நடராஜா(வயது 61) என அடையாளம் காணப்பட்டுள்ளதுடன் ,காயமடைந்தவர்கள் பவளசிங்கம் பூபாலரெத்தினம்(வயது 39),கேதாரம் அமிர்தலிங்கம் (வயது 21) ஆவர்.
காயமடைந்தவர்கள் இருவரையும் யானை வீதியில் வைத்து தாக்கியுள்ளதுடன் கொல்லப்பட்டவரை வளவிற்குள் வைத்து பல தடைவை தாக்கி மரத்தில் தூக்கியும் அடித்துள்ளது.
தாக்கிவிட்டு வீதியால் சென்ற யானை காயமடைந்த இருவரையும் தாக்கியுள்ளது. அத்துடன் யானையின் தாக்குதலுக்கு உள்ளாகி சின்னவத்தை கிராமத்தை சேர்ந்த பாடசாலை மாணவி ஒருவரும் காயமடைந்துள்ளார்.

ஸதலத்திற்கு விரைந்த வன ஜீவராசிகள் திணைக்கள அதிகாரிகளுக்கும் கிராம மக்களுக்கும் இடையே முறுகல் நிலை ஏற்பட்டது. வன ஜீவராசிகள் திணைக்கள அதிகாரிகள் பல தடைவை கிராமத்தை விட்டு வெளியேற எத்தணித்தபோதும் கிராம மக்கள் விடவில்லை.
யானை கிராமத்திற்கு வந்தவுடன் 6 மணிக்கு அதிகாரிகளுக்கு அறிவித்தும் 10 மணிக்கே வந்ததாக கிராமமக்கள் தெரிவிக்கின்றனர். அத்துடன் எங்களுக்கு வர வாகனம் இல்லை சொந்த வாகனத்திலேயே வந்தோம். அத்துடன் மாவட்டத்திற்கு மூவரே உள்ளோம் என்கின்றனர் அதிகாரிகள்.
இறுதியாக அதிகாரிகள் செல்ல எத்தணித்தபோது பெண்கள் வழிமறித்து எதிர்ப்பை தெரிவித்தனர்.யானையை துரத்திவிட்டு செல்லும்படி கேட்டுக்கொண்டனர்.
இராணுவத்தினரின் சமரச முயற்சி வாக்குறுதியை அடுத்து அதிகாரிகளை சின்னவத்தை கிராமத்திற்கு செல்ல பல மணிநேரத்தின் பின் கிராம மக்கள் அனுமதித்தனர்.

»»  (மேலும்)

இலங்கையில் தடுத்துவைக்கப்பட்டுள்ள தமது படகுகளை விடுவிக்குமாறும் ராமேஸ்வரம் மீனவர்கள் வேலை நிறுத்தப் போராட்டத்தில்

இலங்கையில் தடுத்துவைக்கப்பட்டுள்ள தமது படகுகளை விடுவிக்குமாறும், பாரம்பரிய கடற் பிரதேசத்தில் பாதுகாப்பாக தொழிலில் ஈடுபடுவதனை உறுதி செய்யுமாறும் வலியுறுத்தி ராமேஸ்வரம் விசைப்படகு மீனவர்கள் வேலை நிறுத்தப் போராட்டத்தில் ஈடுபட்டுள்ளார்கள்.

இலங்கையில் தடுத்து வைக்கப்பட்டுள்ள தமது 57 படகுகளையும் விடுவிக்குமாறு வலியுறுத்தி சுமார் 700 க்கும் அதிகமான மீனவர்கள் நேற்றிலிருந்து போராட்டத்தில் ஈடுபட்டுள்ளதாக நியூஸ்பெஸ்ட்டின் ராமேஸ்வரம் செய்தியாளர் குறிப்பிடுகின்றார்.

அத்துடன் வாழ்வாதாரம் பாதிக்கப்பட்டுள்ளதால், சுமார் 5,000 தமிழக மீனவர்கள் நேரடியாகவும், ஆயிரக்கணக்கானோர் மறைமுகமாகவும் பாதிக்கப்பட்டுள்ளதாகவும் இந்த மீனவர்கள் சுட்டிக்காட்டியுள்ளனர்.

ராமேஸ்வரம் மீனவர்களின் வேலை நிறுத்தப் போராட்டத்திற்கு ஆதரவு தெரிவித்து புதுக்கோட்டை மாவட்ட மீனவர்களும் போராட்டத்தில் ஈடுபட்டுள்ளதாக எமது ராமேஸ்வரம் செய்தியாளர் தெரிவிக்கின்றார்.

இதேவேளை, தமிழக மீனவர்களின் படகுகள் தொடர்பில் கடற்றொழில் அமைச்சின் ஊடகப் பேச்சாளர் நரேந்திர ராஜபக்ஸவிடம் வினவியபோது, தமிழகத்தில் இலங்கை மீனவர்களின் 12 படகுகள் தடுத்து வைக்கப்பட்டிருப்பதாக கூறினார்.

இந்திய மீனவர்களின் படகுகளை விடுவிப்பது குறித்து நீதிமன்ற நடவடிக்கைகள் மூலமே தீர்மானிக்கப்படும் என அவர் மேலும் குறிப்பிட்டார்.

»»  (மேலும்)

முஸ்லிம் கலாசார உடையுடன் பாடசாலை செல்ல அனுமதி

முஸ்லிம் மாணவர்களின் தாய்மார், முகத்தை மூடாமல் முஸ்லிம் கலாசார உடைகளுடன் பாடசாலை வளாகத்திற்குள் நுழைவதற்கு பாடசாலைகள் அனுமதி வழங்க வேண்டும் என்று உயர்நீதிமன்றம் நேற்று வியாழக்கிழமை உத்தரவிட்டுள்ளது.

தேசிய மற்றும் மாகாண பாடசாலைகளுக்கே உயர் நீதிமன்றம் இந்த உத்தரவை பிறப்பித்துள்ளதுடன் மக்கள் நியாயமான முறையில் நடந்து கொள்வதை காண விரும்புவதாகவும் கூறியுள்ளது.

முஸ்லிம் பெற்றோர், ஹிஜாப் அணிந்து பாடசாலை வளாகத்திற்குள் வருவதற்கு ராஜகிரிய, ஜனாதிபதி பாலிகா வித்தியாலய நிர்வாகம் அனுமதிக்காமையை எதிர்த்து, அவர்கள் தாக்கல் செய்திருந்த அடிப்படை உரிமை மீறல் மனுக்களை விசாரணைக்கு உட்படுத்திய போதே உயர்நீதிமன்றம் மேற்கண்டவாறு உத்தரவிட்டுள்ளது.

இந்த மனுக்கள், பிரதம நீதியரசர் மொஹான் பீரிஸ் தலைமையிலான நீதியரசர்களான கே.ஸ்ரீபவான், பிரியந்த ஜயவர்த்தன ஆகியோர் கொண்ட குழுவின் முன்னிலையில் விசாரணைக்கு எடுக்கப்பட்டது.

இந்த கட்டளையானது பெற்றறோருக்கு மட்டுமே பொருந்தும் என்றும் பாடசாலை பிள்ளைகளுக்கு பொருந்தாது என்றும் உயர்நீதிமன்றம் அறிவித்துள்ளது. அத்துடன், பாடசாலை மாணவர்கள் பாடசாலைக்குழுவினால் தீர்மானிக்கப்பட்ட சட்டங்களுக்கு அமைந்து நடக்கவேண்டும் என்றும் அவர் கூறினார்.

இதேவேளை, ஹிஜாபை பாடசாலைக்கு அணிந்து வரக்கூடாது என்று தனக்கு ராஜகிரிய, ஜனாதிபதி வித்தியாலய அதிபரால் கொடுக்கப்பட்ட உத்தரவை எதிர்த்து அந்த வித்தியாலயத்தில் பயிலும் 11 வயது மாணவியான பாத்திமா ஹகீனாவும் உச்சநீதிமன்றத்தில் மனு தாக்கல் செய்திருக்கிறார்.

அந்த மனுவில், வித்தியாலயத்தின் அதிபர் தக்சல நயன பெரேரா, பிரதி அதிபர் ஹேமமாலி, 7ஆம் ஆண்டு வகுப்பாசிரியை திருமதி நடோதுன்ன ஆகியோருடன் மாகாண கல்வி பணிப்பாளர், கல்வியமைச்சர் மேல் மாகாண ஆளுநர் அலவி மௌலானா மற்றும் சட்டமா அதிபர் ஆகியோர் பிரதிவாதிகளாக குறிப்பிடப்பட்டுள்ளனர்.

அந்த மாணவி தனது மனுவில் பாடசாலை அதிபரால் தான் தீவிரமான மனக்கஷ்டங்களுக்கு உட்படுத்தப்பட்டதாகவும் தனது சமய ஆசார முறைப்படி அணியும் ஆடையை அணியக்கூடாது என்று நிர்ப்பந்திக்கப்பட்டதாகவும் மேலும் இந்த அதிபர், முஸ்லிம் மாணவிகளுக்கும் அவர்களது பெற்றோருக்கு எதிரான மனேநிலையில் உள்ளவர் என்றும் தெரிவித்திருக்கிறார்.

வித்தியாலய அதிபரின் இந்த நிலைப்பாடு கல்வி அமைச்சினால் டிசெம்பர் 12ஆம் திகதி அனுப்பப்பட்ட சுற்று நிருபத்துக்கு எதிரானது என்றும் தெரிவித்திருக்கிறார். இந்த சுற்று நிருபத்தின்படி எல்லா தேசிய, மாகாண, தனியார் பாடசாலைகளில் கல்வி பயிலும் முஸ்லிம் மாணவிகள், தங்கள் சமய ஆசாரத்திற்கு அனுசரணையான பாடசாலை உடையை அணிந்து வரலாம் என்று கல்வி அமைச்சில் செயலாளரால் கூறப்பட்டிருக்கிறது என்றும் அம்மனுவில் குறிப்பிடப்பட்டுள்ளது.

இந்த விவகாரம் தொடர்பில் தாக்கல் செய்யப்பட்டுள்ள மற்றுமொரு அடிப்படை உரிமை மீறல் மனு ஓகஸ்ட் மாதம் 4ஆம் திகதி விசாரணைக்கு எடுத்துகொள்ளப்படவிருக்கின்றது.

»»  (மேலும்)

முதலமைச்சர் சீ.வி.விக்னேஸ்வரனை பதவி விலகக் கோரி ஆர்ப்பாட்டம்

அரசியல் சுயநலங்களுக்காக எங்களை தண்ணீர் அகதி ஆக்காதே என்ற தொனிப்பொருளில் முற்போக்கு தமிழ் தேசிய கட்சியின் ஏற்பாட்டில் யாழ். பலநோக்கு கூட்டுறவு சங்க மணடபத்தின் முன்பாக கவனயீர்ப்பு போராட்டம் ஒன்று முன்னெடுக்கப்பட்டது.  இந்த ஆர்ப்பாட்டமானது வியாழக்கிழமை காலை 11.30 மணியளவில் ஆரம்பிக்கப்பட்டு சுமார் 1 மணித்தியலமாக முன்னெடுக்கப்பட்டது.

இரணைமடு குடிநீர் திட்டத்திற்காக ஒதுக்கப்பட்ட 2300 மில்லியன் அமெரிக்க டொலரில் பிரான்ஸ் அபிவிருத்தி நிறுவனத்தினால் ஒதுக்கப்பட்ட 48 மில்லியன் அமெரிக்க டொலரினை அந்நிறுவனம் மீளப்பெறவுள்ளதாக தெரிவிக்கப்பட்ட நிலையில்- அந்நிதியினை அந்நிறுவனம் மீளப்பெறாமல் வட மாகாண சபை மற்றும் வடமாகாண முதலமைச்சர் சீ.வி.விக்னேஸ்வரன் ஆகியோரை தடுத்து நிறுத்தக் கோரியும்- குறித்த நிதியினை அந்நிறுவனம் மீளப்பெற்றால் வடமாகாண முதலமைச்சர் சீ.வி.விக்னேஸ்வரனை பதவி விலகக் கோரியும் இந்த ஆர்ப்பாட்டம் முன்னெடுக்கப்பட்டது.

இந்த ஆர்ப்பாட்டத்தில் 50ற்கும் மேற்பட்ட பொது மக்கள் கலந்து கொண்டதாக எமது செய்தியாளர் தெரிவித்தார்.

»»  (மேலும்)

வரையறுக்கப்பட்ட கருக்கலைப்பை சட்டரீதியாக்க இலங்கை தீர்மானம்

பல ஆண்டுகளாக மேற்கொள்ளப்பட்டு வந்த விவாதங்களின் பின்னர் வரையறுக்கப்பட்ட கருக்கலைப்பை சட்டரீதியாக்குவது என்று இலங்கை அரசாங்கம் தீர்மானித்துள்ளது.

சிறுவர் அபிவிருத்தி மற்றும் பெண்கள் விவகார அமைச்சின் தரப்புகளை கோடிட்டு கொழும்பின் ஊடகம் ஒன்று இந்த செய்தியை வெளியிட்டுள்ளது.

 

இந்தநிலையில் வரையறுக்கப்பட்ட கருக்கலைப்பை சட்டரீதியாக்குவது தொடர்பான பொறிமுறையை உருவாக்குவது தொடர்பில் கலந்தாய்வுக்குழு தற்போது நடவடிக்கைகளை மேற்கொண்டு வருவதாக அமைச்சு தரப்புக்கள் தெரிவித்துள்ளன.

 

பாலியல் வல்லுறவுக்கு உட்படுத்தப்பட்ட மற்றும் அதற்கு ஒப்பான செயல்களால் கரு உண்டாகும் போது அதனை கலைப்பதற்கான பரிந்துரையை கலந்தாய்வுக்குழு முன்கொணர்ந்துள்ளது.

 

இலங்கையை பொறுத்தவரை கருக்கலைப்பு சட்டரீதியற்ற செயலாகும். எனினும் பல நிலையங்கள் கருக்கலைப்புக்களை உரிய நியமங்கள் இன்றி மேற்கொள்கின்றன.

 

ஐக்கிய நாடுகளின் பிரசுரங்களின்படி கருக்கலைப்பானது, 97 வீத நாடுகளில் பெண்களின் உயிர்களை காப்பாற்றும் நோக்கத்திலேயே செய்யப்படுகின்றன.

 

இந்தநிலையில், கருக்கலைப்பானது 49 வீத நாடுகளில் பொருளாதார மற்றும் சமூக காரணங்களுக்காக ஏற்றுக்கொள்ளப்படுகின்றன.

 

34 வீதம் மாத்திரமே பெண்களின் கோரிக்கைகளுக்கு ஏற்ப மேற்கொள்ளப்படுவதாக தெரிவிக்கப்பட்டுள்ளது

»»  (மேலும்)

வன்னிவாழ் மலையகமக்கள் மீது அப்பட்டமான யாழ்-மேலாதிக்கம்

பிரதேசவாதம்- முதலமைச்சா் முதலில் அதிகாாிகளை நோக்கியல்ல தனது கட்சிகாரா்களை நோக்கியே விரலை நீட்ட வேண்டும்

-  கார்த்திகேசு

கடந்த வாரம் தினக்குரல் பத்திரிகையின் வாரமலரில் புதிய பண்பாடு என்ற பகுதியில்எமைநௌறயசயn உஅ உள்நாட்டு விவகாரம் என்ற பத்தியில் பிரதேச வாதமாக இன்றைய தேவைஇ தமிழ் மக்களின் சிந்தனைக்கு என்ற தலைப்பில் பதுளை மண்ணின் மைந்தன் என்பவரால் எழுதப்பட்ட பத்தி பல விடயங்கள் தொடர்பில் உண்மைகளை வெளிக்கொண்டு வந்திருப்பினும்இ ஒருசில விடயங்களிலும் முற்றிலும் உண்மைக்குப் புறம்பான தகவல்களை பத்தியாளர் வெளிப்படுத்தியுள்ளார்.

அதாவது நடந்து முடிந்த வடக்கு மாகாண சபைத் தேர்தலில் கிளிநொச்சியில் மலையக மக்கள் சார்பாக ஒரு வேட்பாளரை நிறுத்துவதற்கு ஆளும் தரப்பாலும் புறக்கணிக்கப்பட்டு விட்டதாக குறித்த பத்தியில் குறிப்பிடப்பட்டுள்ளது. இது முற்றிலும் உண்மைக்குப் புறம்பானது.

கிளிநொச்சி மாவட்டத்தில் வாழ்கின்ற மலையக சமூகத்தை சேர்ந்த ஒருவர் என்ற வகையிலும்இ கடந்த மாகாண சபைத் தேர்தலில் எங்கள் சமூகம் சார்பாகஇ அதன் முன்னேற்றம் கருதி செயற்பட்டவன் என்ற அடிப்படையிலும் கிளிநொச்சி மாவட்டத்தில் மலையக மக்களின் நிலைமை பற்றி சில உண்மைகளை இங்கே பதிவு செய்ய விரும்புகிறேன்.

கடந்த மே மாதம் 29ஆம் திகதி வடக்கு மாகாண முதலமைச்சர் அவர்கள் கிளிநொச்சியில் மலையக மக்களுக்கு ஏதிராக அதிகாரிகளால் மேற்கொள்ளப்படும் பிரதேச வாதப்புறக்கணிப்பு பற்றி கிருஸ்ணபுரம் மண்ணில் இருந்து பேசியிருந்தாh.; அதே கிருஷ்ணபுரம் மண்ணைச் சேர்ந்த் பலர் நடந்து முடிந்து மாகாண சபைத் தேர்தலின் போது தமிழ்த் தேசியக் கூட்டமைப்பின் கிளிநொச்சி அலுவலகத்திடம் கிளிநொச்சி வாழ் மலையக மக்கள் சார்பாக சார்பாக ஒரு பிரதிநிதியை நியமிக்குமாறு பகிரங்கமாகவும்இ நேரடியாகவும் கோரியிருந்தனர். ஆனால்இ ஏழு வேட்பாளர்களை உள்ளடக்கிய கிளிநொச்சி மாவட்டத்தில் தமிழ்த் தேசியக் கூட்டமைப்பில் ஒரு வேட்பாளர்கூட மலையக சமூகத்தைச் சேர்ந்தவர்கள் நியமிக்கப்படவில்லை. இது பெரும் ஏமாற்றத்தை ஏற்படுத்தியதோடு தொடர்ந்தும் இவர்களால் தாங்கள்  கறிவேப்பிலையாகவே பயன்படுத்துவதனை எண்ணி விசனமும் அடைநதனர்;.

கடந்த வாரம் எழுதப்பட்ட குறித்த பத்தியில் குறிப்பிட்டது போன்று யாழ்ப்பாணம் திருநெல்வேலியில் இடம்பெற்ற சம்பவத்தின் விளைவு தெற்கில் மலையக மக்கள் மீது விழுந்தது. அதன் காரணமாகவே அவர்கள் அங்கிருந்து வடக்கிற்கு இடம்பெயர்ந்தனர். நாயின் மீது எங்கு அடித்தாலும் அது காலையே தூக்குவது போன்று இலங்கையில் சிங்களவர்களுக்கு எதிராக எந்த சம்பவமும் இடம்பெற்றாலும் அதற்கு எதிரான விளைவு மலையக மக்கள் மீது பெருமளவுக்கு இடம்பெற்றது. இதனை எவரும் மறுத்துவிட முடியாது. இவ்வாறு பாதிக்கப்பட்டு வடக்குக்கு இடம்பெயர்ந்து வந்த மக்கள் இங்கும் புறக்கணிப்புக்களுக்கும்இ பாராபட்சங்களுக்கும் உட்படுத்தப்பட்டே வந்தனர். ஆனால்இ அவர்கள் தொடர்ச்சியாக எல்லாத் தேவைகளுக்கும் பயன்படுத்தப்படுவதிலிருந்து தப்பவில்லை.

விடுதலைப் போராட்ட காலத்திலும் இங்குள்ள மலையக மக்களின் விகிதாசாரத்திற்கு அப்பால் மேலதிக பங்களிப்பினையே வழங்கியுள்ளனர். இதற்கு நல்ல உதாரணம் கிளிநொச்சி சாந்தபுர கிராமமாகும். இந்தக் கிராமத்தில் உள்ள மாவீரர் குடும்பங்களின் எண்ணிக்கையிலும்இ தடுப்பில் இருந்து வெளிவந்த முன்னாள் போராளிகளின் எண்ணிக்கையும் இதற்கு சான்று பகிர்கின்றன. எனவேஇ இவ்வாறு எல்லாத் தேவைகளுக்கும் பயன்படுத்தியவர்கள் அந்த மக்களுக்குரிய போதிய அரசியல் உரிமையோ அல்லது அபிவிருத்திஇ வேலைவாய்ப்புஇ பதவியுயர்வு போன்றவற்றில் பாராபட்சமில்லாமல் வழங்கியதாகவோ இல்லை.

ஆனால்இ கடந்த வாரம் வெளியான தினக்குரல் பத்தியில் குறிப்பிடப்பட்டது போன்று ஆளும் தரப்பாலும் கிளிநொச்சியில் மலையக மக்கள் புறக்கணிக்கப்பட்டுள்ளனர் என்பது முற்றிலும் தவறான கருத்து. இங்கே ஆளும் தரப்பை நியாயப்படுத்துவதற்காக கூறவில்லை. மாறாக கிளிநொச்சியில் தமிழ்த் தேசியக் கூட்டமைப்பால் புறக்கணிக்கப்பட்ட மலையக மக்களை ஆளும் தரப்பு தங்களின் ஏழு வேட்பாளர்களில் இரண்டு பேரை அந்த சமூகம் சார்ந்து நிறுத்தியது முக்கியமாக சுட்டிக்காட்டப்பட வேண்டியது.

இதில்இ ஈ.பி.டி.பி கட்சியின் பாராளுமன்ற உறுப்பினர் முருகேசு சந்திரகுமார் அவர்கள் கிளிநொச்சியில் தனக்கு ஒதுக்கப்பட்ட மூன்று வேட்பாளர்களில் ஒருவராக பிரகலாதன் என்பவரை மலையக மக்கள் சார்பாக நிறுத்தியிருந்தார். அதேவேளைஇ சிறீலங்கா சுதந்திரக் கட்சியும் தனது நான்கு வேட்பாளர்களில் மகாதேவன் என்பவரை அந்த சமூகம் சார்ந்து தெரிவு செய்திருந்தமை முக்கிய விடயமாக சுட்டிக்காட்டத்தக்கது. இந்த நிலையில் கிளிநொச்சியில் மலையக மக்கள் சார்ந்து தமிழ்த் தேசியக் கூட்டமைப்பினர் நடந்துகொண்ட விதம் அந்த மக்கள் மத்தியில் பெரும் விசனத்தை ஏற்படுத்தியிருக்கிறது. கிளிநொச்சிவாழ் மலையக மக்கள் தொடர்பில் பேச்சளவிலேயே செயற்படுகின்ற இவர்கள் அதற்கு அப்பால் எதனையும் செய்ய முன்வரவில்லை.

எனவேதான் வடக்கு முதலமைச்சர் அவர்கள் கடந்த மே மாதம் 29ஆம் திகதி கிளிநொச்சியில் மலையக மக்கள் அதிகம் வாழ்கின்ற அந்த மண்ணில் நின்று அதிகாரிகளை நோக்கி பிரதேச வாதத்தை மேற்கொள்ள வேண்டாம் என விரலை நீட்டியிருந்தார். ஆனால்இ முதலமைச்சர் அவர்கள் முதலில் நீண்ட வேண்டிய விரல் அதிகாரிகளை நோக்கி அல்ல தனது கட்சி சார்ந்தவர்களை நோக்கியே என்பதனை கவனத்தில் கொள்ள வேண்டும்.

கிளிநொச்சியில் வாழ்கின்ற மலையக மக்கள் கடந்த காலங்களோடு ஒப்பிடுகையில் தற்போது ஓரளவுக்கு அனைத்து துறைகளிலும் துருத்திக்கொண்டு முன்னுக்கு வருகின்ற ஒரு சூழல் ஏற்படுத்தப்பட்டு வருகின்றது. குறிப்பாகஇ தற்போதைய சூழலில் கிளிநொச்சியில் அரச துறைகளில் வேலைவாய்ப்பு பெறுபவர்களில் கணிசமானவர்கள் கிராமங்களைச் சேர்ந்தவர்களும்இ மலைய மக்களைச் சார்ந்தவர்களுமாகவே காணப்பட்டு வருகின்றனர். இதனைவிடஇ அபிவிருத்தியில் தற்போது கணிசமான மாற்றங்கள் இந்தப் பிரதேசங்களில் ஏற்படுத்தப்பட்டு வருகின்றன. இருந்தும்இ இந்த நிலைமையில் இன்னும் முன்னேற்றகரமான நடவடிக்கைகள் அவசியமாகிறது. தற்போதும் முதலமைச்சர் கூறியதுபோன்று சில அதிகாரிகளால் இந்த பிரதேசங்கள் பல புறக்கணிப்புகளுக்கு உள்ளாக்கப்படுகின்றமை குறிப்பிடத்தக்கது.

அதனைவிட முக்கியமாக மலையகத்திலிருந்து வந்து கிளிநொச்சியில் வாழ்கின்ற மக்கள் தாங்கள் குடியிருக்கும் காணிகளுக்கு இதுவரைக்கும் காணி உறுதிகள் வழங்கப்படவில்லை பெரும்பாலான மக்கள் குடியேற்றப்பட்டு முப்பது வருடங்கள் கடந்தும் தங்கள் காணிகளுக்கு எவ்வித ஆவணங்களும் இன்றி காணப்படுகின்றனர். சில பிரதேச மக்களிடம் காணி அனுமதிபத்திரம் மட்டுமே காணப்படுகிறது இது தற்காலிகமான ஒரு ஆவணம். ஆனால் தற்போதைய நிலையில் மண்ணின் மகிமை எனும் திட்டத்தின் கீழ் அந்த பிரதேச மக்களுக்கு நிரந்தர காணி ஆவணங்கள் வழங்கும் நடவடிக்கை மேற்கொள்ளப்பட்டு வருகிறது இருப்பினும் போதிய வேகம் இல்லை.

மேலும்இ இ;ங்கு இன்னுமொரு முக்கிய விடயத்தினை சுட்டிக்காட்ட வேண்டியுள்ளது. அதாவதுஇ கிளிநொச்சி கண்டாவளை பிரதேச செயலக பிரிவில் தருமபுரம் எனும் கிராமம் 90 வீதம் மலையக மக்களைக் கொண்ட ஒரு கிராமம். கடந்தகால வன்செயல்களால் பாதிக்கப்பட்டுவந்த மக்களை வெறும் தொழிலாளர் தேவையினை மட்டும் கருதி உருவாக்கப்பட்ட கிராமமாகவே தருமபுரம் காணப்படுகிறது. ஆனால்இ கடந்த முப்பது வருடங்களாக தருமபுரத்தில் வாழ்ந்து வருகின்ற மக்கள் மிக மோசமான புறக்கணிப்புக்குள்ளாக்கப்பட்ட விடயம் தருமபுரம் மண்ணை நனைத்துஇ ஊடறுத்துச் செல்கின்ற கல்மடுக் குளத்தின் நீரை தொடுவதற்குக்கூட அனுமதி மறுக்கப்பட்டது.

கல்மடுக் குளத்தில் இருந்து தருமரம் கிராமத்தின் ஊடாக கண்டாவளை நோக்கிச் செல்கின்ற நீர் தருமபுரம் மக்களின் தாகத்தை தீர்ப்பதற்கு முப்பது வருடங்கள் எடுத்தது. இதற்குக் காரணம் மிக மோசமான பிரதேச வாதமே.

எப்பொழுதும் அந்த மக்கள் தொழிலாளியாகவே இருக்க வேண்டும். தங்களின் தொழிலாளர் தேவையை பூர்த்தி செய்ய வேண்டும் எனக் கருதிய ஒரு சமூகம்இ கல்மடுக் குளத்தின் நீரை தருமபுரம் மக்கள் பயன்படுத்தி முதலாளியாக மாறிவிடக்கூடாது என்பதில் மிகவும் அக்கறையாக இருந்தனர். இது பிரதேச வாதத்தில் உச்சக்கட்டமே.

தருமபுரம் மக்கள் விடுதலைப் புலிகளிடமும் பல தடவைகள் கல்மடுக் குளத்தின் நீரை சிறுபோக நெற்செய்கைக்காக தங்களுக்கும் வழங்குமாறும் பல தடவைகள் கோரிக்கை விடுத்திருந்தனர். ஆனால்இ அது நிறைவேறியிருக்கவில்லை. தருமபுரத்தின் நடுவே செல்கின்ற வாய்க்கால் நீரை வாளியில் அள்ளியதற்காக வாளால் வெட்டிய சம்பவங்களும் நடந்திருக்கிறது. ஆனால்இ கடந்த 2012 ஆம் ஆண்டு கண்டாவளை புளியம்பொக்கணை கமநலசேவை நிலையத்தில் பாராளுமன்ற உறுப்பினர் மு.சந்திரகுமார் தலைமையில் நடைபெற்ற கல்மடுக்குளம் சிறுபோகக் கூட்டத்தின் தீர்மானம் தருமபுரம் மக்களின் வரலாற்றில் மாற்றத்தை ஏற்படுத்திய கூட்டமாக அமைந்தது. இந்தக் கூட்டத்தில் மாவட்ட அரச அதிபர் திருமதி. ரூபதி கேதீஸ்வரன்இ கிளிநொச்சி கமநல சேவைகள் நிலைய உதவி ஆணையாளர் தயாரூபன்இ நீர்ப்பாசனத் திணைக்கள மாவட்ட பிரதித் திட்டப் பணிப்பாளர் சுதாகரன்இ கல்மடுக்குளத்தின் கீழான கமக்கார அமைப்புகள் உட்பட பலர் பங்குபற்றியிருந்தனர்.

இந்தக் கூட்டத்தில் பாராளுமன்ற உறுப்பினர் அவர்களால் எடுக்கப்பட்ட தீர்மானம் தருமபுரம் மக்களின் முப்பது வருட கனவை நனவாக்கியது. அதாவது 2012 முதல் கல்மடுக் குளத்தின் கீழான சிறுபோக நெற்செய்கை உரிமை தருமபுரம் விவசாயிகளுக்கும் வழங்கப்பட்டது.

இதன்போது கண்டாவளையைச் சேர்ந்த ஒரு ஆசிரியர் வெளிப்படையாகவே தனது பிரதேச வாதத்தை வெளிப்படுத்தியிருந்தார். அவரைப் போன்ற பலரும் தருமபுரம் மக்களுக்கு கல்மடுக் குளத்தின் கீழ் சிறுபோகத்திற்கு நீர் வழங்கக்கூடாது என்பதற்கு பல காரணங்களை அடுக்கினார்கள். இருந்தும் பாராளுமன்ற உறுப்பினர் மு.சந்திரகுமார் அவர்களின் உறுதியான முடிவு காரணமாக அதே கண்டாவளையைச் சேர்ந்த விவசாயி ஒருவரின் முன்மொழிவுடன் தீர்மானம் நிறைவேற்றப்பட்டது. இது ஒரு வரலாற்றுத் தீர்வாகவும் காணப்பட்டது. இதன் பின்னர் இந்த தீர்மானத்தை முன்மொழிந்த கண்டாவளையைச் சேர்ந்த குறித்த விவசாயி தனது சகாக்களாலேயே பல புறக்கணிப்புகளுக்கு உள்ளாக்கப்பட்டதாக பலருக்கும் கடிதம் மூலம் அறிவித்திருந்தது. இவ்வாறுதான் கிளிநொச்சி வாழ் மலையக மக்கள் கிளிநொச்சியில் வாழ்ந்துகொண்டிருக்கிறார்கள்.

தருமபுரம் மக்களுக்கு நீர் உரிமை வழங்கப்பட்டதே தவிரஇ இன்னமும் அவர்கள் கல்மடுக் குளத்தின் கீழ் நீர்வரி இடாப்பில் நிரந்தரமாக சேர்த்துக்கொள்ளப்படவில்லை என்பது புறக்கணிப்பின் தொடர்ச்சியே. இதனை செய்ய வேண்டிய நீர்ப்பாசனத் திணைக்களம் அதனை மேற்கொள்ளவில்லை. வடக்கு மாகாண சபையின் கீழுள்ள நீர்ப்பாசனத் திணைக்களம் இந்த விடயத்தில் பாராபட்சமாக நடப்பதாக அந்த மக்கள் கவலை வெளியிட்டுள்ளனர். எனவேஇ கிளிநொச்சிவாழ் மலையக மக்களின் நலன்கள் தொடர்பில் சிலரின் வாய்மொழி மூல அக்கறை என்பது ஆடு நனைவதை எண்ணி ஓநாய் அழுவதைப் போன்றதாகும்.

அத்தோடு கடந்தவார தினக்குரல் பத்தியில் வெளிவந்த தவறான தகவல் என்பது மலையக மக்களின் மீது அக்கறையோடு செயற்படுகின்ற ஒரு சிலரை பாதிப்புக்குள்ளாக்குவதோடு அவர்களின் செயற்பாடுகளையும் ஸ்தம்பிதமடையச் செய்துவிடும்.

வடக்கில் வாழ்கின்ற மலையக மக்கள் கடந்தகால தமிழ் அரசியல் தலைமைகளாலும்இவடக்கு முதலாளி வர்க்கத்தினாலும் வாக்குகளுக்காவும்இதொழிலாளர்கள் தேவைகாகவும் பயன்படுத்தப்பட்டே வந்துள்ளனர். கடந்த கால தலைமைகள் அந்த மக்களை கல்வியறிவில் வளர்நதுவிடாமல் பார்த்துக்கொள்வதில் மிகவும் அக்கறையாக இருந்திருக்கின்றனர். அந்தச சமூகம் கல்வியில் முன்னேற்றமடைந்த சமூமாக மாறினால் தங்களின் தொழிலாளர் தேவையை குறைந்த கூலியில் பூர்த்திசெய்ய முடியாது போய்விடும் என்ற நிலையிலும்இசிந்திக்க முற்பட்டால் அரசியல் பிரதிநிதித்துவம் கோருவார்கள் என்பதாலும் கல்வியில் மிகவும் மோசமாக புறக்கணிக்கப்ட்டனர். இது கட்நத காலம் ஆனால் தற்போது நிலைமை மாற்றம் அடைந்து வருகிறது. இந்த மண்ணில் ஒரு சிலர் இந்த மக்களின் நலன்களில் அக்கறையோடு செயற்பாடுகளை முன்னெடுத்து வருகின்றனர்.

»»  (மேலும்)

வடமாகாண சபை எனது கனவு: டக்ளஸ்

வடமாகாண சபை எனது கனவு: டக்ளஸ்

வடமாகாணசபை என்னுடைய கனவு. அது என்னுடைய கைகளுக்கு கிடைத்திருந்தால் மூன்றிலிருந்து ஐந்து வருடங்களுக்குள் செல்வம் கொழிக்கும் மாவட்டங்களாக வடமாகாணத்திலுள்ள மாவட்டங்களை மாற்றியிருப்பேன். ஆனால் துரதிஷ்டவசமாக எனது கைகளுக்கு கிடைக்காமல் போய்விட்டது என்று பாராம்பரிய கைத்தொழில் மற்றும் சிறுகைத்தொழில் அபிவிருத்தி அமைச்சர் கே.என்.டக்ளஸ் தேவானந்தா நேற்று   ஞாயிற்றுக்கிழமை (20) தெரிவித்தார்.

வாடகை முச்சக்கரவண்டி உரிமையாளருக்கான மரண சகாயநிதி உதவித்திட்டம் அறிமுகப்படுத்தும் விழா இலங்கை வேந்தன் கலைக்கல்லூரியில் நேற்று ஞாயிற்றுக்கிழமை (20) இடம்பெற்றது. இந்நிகழ்வில் கலந்துகொண்டு உரையாற்றுகையிலே அவர் இவ்வாறு தெரிவித்தார்.

அவர் அங்கு மேலும் தெரிவிக்கையில், 'எமது மக்களுக்காகத் தான் நான் அரசியலில் அங்கம் வகிக்கின்றேன். அரசாங்கத்தில் அங்கம் வகிப்பதால் தான் நான் மக்களை பாதுகாக்கவோ மக்களுக்கு உதவவோ வழிகாட்டவோ முடிகிறது' என்றார். 

'என்னுடைய தனிப்பட்ட விருப்பங்களுக்காக மக்களை அடகு வைக்க முடியாது. என்றும் மக்களுக்கு உதவ வேண்டுமென்றால் நான் அரசாங்கத்தில் இருக்க வேண்டும். அதிகாரத்தைக் கொண்டுதான் மக்களின் பிரச்சினைகளை, நியாயமான கோரிக்கைகளைத் தீர்த்துக்கொள்ள முடியும்' என்று சுட்டிக்காட்டினார். 

'முச்சக்கரவண்டி உரிமையாளருக்கான மரண சகாயநிதியோடு மட்டும் நின்றுவிடாது மேலதிகமான வருவாயை ஈட்டக்கூடிய வகையில் பல திட்டங்களை செயற்படுத்தவுள்ளோம். முச்சக்கரவண்டி சங்கத்தின் கீழ் அனைத்து சாரதிகளும் பதிவை மேற்கொண்டு சங்கத்தின் சட்டதிட்டங்களுக்கு கீழ்ப்படிந்து நடக்க வேண்டும். 

என்றும் மக்கள் சரியான நிலைப்பாடு எடுக்கின்ற பட்சத்தில் சாரதிகளுக்குரிய ஓய்வூதியம் மற்றும் முச்சக்கரவண்டி சாரதிகளுக்கு இருக்கின்ற பொலிஸ் மற்றும் தரிப்பிடவசதி பிரச்சினைகளையும் உரிய அதிகாரிகளுடன் கலந்துரையாடி என்னால் திட்டங்களைச் செயற்படுத்த முடியும்' என அமைச்சர் மேலும் தெரிவித்தார். 

»»  (மேலும்)

இரணைமடு தண்ணீரை யாழ்ப்பாணம் கொண்டுசெல்ல முடியாது ஆனால் அம்பாறை தண்ணீர் படுவான்கரைக்கு கொண்டுவருகிறோம்

  களுவாஞ்சிக்குடி பிரதேச கமநல அபிவிருத்தித் திணைக்கள காரியாலயத்துக்கான  அடிக்கல் நடும் நிகழ்வு இன்று புதன்கிழமை நடைபெற்றது. இந்த நிகழ்வில் உரையாற்றுகையிலேயே அவர் மேற்கண்டவாறு கூறினார்.இங்கு அவர் மேலும் உரையாற்றுகையில்,மட்டக்களப்பு மாவட்டத்தைப் பொறுத்தவரையில் எதிர்க்கட்சியினருக்கு எதுவித வேலையும் கிடையாது. அடக்குமுறைகள், அநீதிகள் நடக்கும்போதுதான் எதிர்க்கட்சிகள் தேவை.  இங்கு அவ்வாறு எதுவும் நடைபெறவில்லை. ஆகவே எமக்கு எதிர்க்கட்சிகள் தேவையில்லை. எமக்கு தேவையானவை அபிவிருத்திகள் மாத்திரம்தான்.

இம்முறை பொருளாதார அபிவிருத்தி அமைச்சினூடாக ஒதுக்கீடு செய்யப்பட்ட நிதியில், அதிகளவு நிதி பட்டிருப்பு தொகுத்திக்குத்தான் ஒதுக்கீடு செய்யப்பட்டுள்ளது. இந்த அபிவிருத்திகள் நான் இருக்கும் வரைக்கும் நடைபெறும் நான் இல்லாவிட்டால் பாரியதொரு வெற்றிடம் வரும்.

தற்போது யழ்ப்பாணத்தில் உள்ள மக்களை விட எமது மக்கள் தலைநிமிர்ந்து நிற்கின்றனர். மட்டக்களப்பு மாவட்டத்தில் 75 சதவீதமான மக்கள் விவசாயிகளாக  இருக்கின்றனர்.

தற்போது விவசாயிகளுக்கு நட்டம் ஏற்பட்டால் நட்டஈடுகள் வழங்கப்படுகின்றன, ஓய்வூதியம் வழங்கப்படுகின்றன, காப்பறுதிக் கொடுப்பனவு வழங்கப்படுகின்றன, மானிய விலையில் 500 ரூபாய்க்கு உரம் வழங்கப்படுகிறது.  இவ்வாறு அரசாங்கம் செய்யும் உதவிகளை பெறும் எமது மக்கள் அனைவரும் அரசாங்கத்துக்கு வாக்களிப்பார்களேயானால் ஒரு வாக்குக் கூட எதிர்கட்சிக்கு விழ மாட்டாது. ஆனால், எமது மக்கள் உதவிகளை மாத்திரம் பெற்றுவிட்டு எதிர்க்கட்சிக்கு வாக்களிக்கின்றனர்.

கடந்த காலத்தில் இருந்த அரசாங்கம் எமது மக்களுக்கு எதுவித அபிவிருத்திகளையும் செய்யவில்லை. ஆனால் தற்போது மட்டக்களப்பு மாவட்டத்தில் திவிநெகும திட்டத்தினூடாக வருடாந்தம் 15,000 குடும்பங்கள் நன்மையடைகின்றன.  மின்சாரம் 90 சதவீதம் பூர்த்தியாக்கப்பட்டுள்ளது.  இதுபோன்ற பல செயற்றிட்டங்களால் மட்டக்களப்பு மாவட்டம் அபிவிருத்தி கண்டுவருகின்றது. இன்னும் பாரிய தேவைகள் மட்டக்களப்பு மாவட்டத்துக்கு உள்ளது.

தற்போது இரணைமடுக்குளத்து தண்ணீரை யாழ்ப்பாண மக்களுக்கு கொடுக்கக்கூடாது என அங்கிருக்கின்ற தமிழ் தேசியக் கூட்டமைப்புத்தான் தடுக்கின்றது. ஆனால், அம்பாறையில் சிங்கள பிரதேசத்திலிருக்கின்ற குளங்களிலிருந்து எமது படுவான்கரைப் பகுதி அனைத்துக்கும் தண்ணீர் வழங்கப்பட இருக்கின்றது. இதற்கு ஒரு சிங்கள மகனும் எதிர்ப்புத் தெரிவிக்கவில்லை. இவ்வாறான பெருந்தன்மையுடன் நாம் இருக்கின்றோம்.இவர்களால் எவ்வாறு உரிமையினை வழங்கமுடியும் என்றார்

»»  (மேலும்)

முன்னாள் முதலமைச்சர் இருந்த காலம் சிறப்பான காலம் என அனைவரும் கூறுகின்றார்கள் -மாகாண கல்வி அமைச்சர்

இந்த நாடு அனைவருக்கும் சொந்தமானது.எமது பிள்ளைகளின் கைகளில் பேனாவே இருக்கவேண்டும்.கடந்த காலத்தில் எமது பிள்ளைகள் ஆயுதம் ஏந்தியதினால் எவ்வளவு பிள்ளைகளை நாங்கள் இழந்துள்ளோம் என்பதை அனைவரும் சிந்திக்கவேண்டும்.இதனால் நாங்கள் அடைந்த நன்மை என்ன.இழப்புகளை சந்தித்த மக்களாகவே உள்ளோம் என கிழக்கு மாகாண கல்வி அமைச்சர் விமலவீர திஸாநாயக்க தெரிவித்தார்.

மட்டக்களப்பு மாவட்டத்தின் பட்டிருப்பு கல்வி வலயத்துக்குட்பட்ட மகிழூர்முனை சக்தி வித்தியாலயத்தின் இரண்டுமாடிக்கட்டிடத்துக்கான அடிக்கல் நடும் நிகழ்வில் பிரதம அதிதியாக கலந்துகொண்டு உரையாற்றும்போதே அவர் இவ்வாறு தெரிவித்தார்.

இங்கு தொடர்ந்து உரையாற்றிய அவர்,

கிழக்கு மாகாணத்தில் ஒரு மாதத்தில் 30 பாடசாலைகளில் கல் வைக்கப்படுகின்றது.திறப்பு விழா நடாத்தப்படுகின்றது.கட்டிடங்கள் புனரமைக்கப்படுகின்றது.ஆனால் கல்வியில் இதுவரையில் எதுவித புனரமைப்புகளும் ஏற்படவில்லை.

கல்முனையில் யாழப்பாணத்தில் மாணவர்கள் கைகளில் கத்தியெடுத்து தாக்குகின்றனர்.சில சிங்கள பகுதிகளில் உள்ள பாடசாலைகளில் இளம் வயதில் மாணவிகள் கர்ப்பம் தரிக்கின்றனர்.பாடசாலை செல்லும் 19 மாணவிகள் இவ்வாறு கர்ப்பம் தரித்துள்ளது கண்டுபிடிக்கப்பட்டுள்ளது.அவ்வாறானால் அவர்கள் எவ்வாறான கல்வியை பெறுகின்றனர்.

நாங்கள் பாடசாலைகளை சீரமைக்கின்றோம்.ஆனால் இன்னும் கல்வியை சீரமைக்கவில்லை.

என்னை சந்திக்கும் ஆசிரியர்கள்,அதிபர்கள் கட்டிடம் ,தளபாடங்கள் கேட்டுவருகின்றனரே தவிர எவரும் தங்களது பாடசாலையின் கல்வி தொடர்பில் கதைப்பது இல்லை.நாங்கள் இன்று பின்நோக்கிய நிலையிலேயே சென்றுகொண்டிருக்கின்றோம்.

இங்கு மேடையில் பிரதியமைச்சரும் முன்னாள் முதலமைச்சரும் உள்ளனர். இவர்கள் இங்கு அமர்ந்துள்ளது எம்.ஜி.ஆர்,சிவாஜிகணேசன் உள்ளதுபோல் உள்ளது.ஆனால் இவர்கள் நம்பியார்,எம்.ஜி.ஆர் இருந்தால் எப்போதும் பிரச்சினைகள்தான் ஏற்படும்.

சென்ற மாகாணசபையின் முதலமைச்சர் இருந்தபோது அவர் சிறப்பான முறையில் செயற்பட்டார்.அனைத்து மக்களும் அவர் சிறந்த சேவையாற்றியதாக தெரிவித்தனர்.ஆனால் இன்றைய மாகாணசபையில் அந்த நிலைமை காணமுடியவில்லை.இதற்போதைய முதலமைச்சருக்கு அந்த வரவேற்பு இல்லை.

நீங்கள் இங்கு நான் வந்தபோது பாடசாலை மைதானம் செய்வதற்கு உதவி செய்யுமாறு கோரிக்கை விடுத்தீர்கள் இதற்காக அடுத்த ஆண்டு பத்து இலட்சம் ரூபாவினை ஒதுக்கித்தருகின்றேன்.

இங்கு வீதிகளை,பாடசாலைகளை நிர்மாணிப்பது,புனரமைப்பது என அனைத்து பணியையும் ஆற்றுவது அரசாங்கமாகும்.நாங்கள் அரசாங்கத்துடன் இருக்கும்போதே அவற்றினை பெற்றுக்கொள்ளமுடியும்.

முன்னாள் முதலமைச்சர் இருந்த காலம் சிறப்பான காலம் என அனைவரும் கூறுகின்றார்கள்.இன்று நான்கு முஸ்லிம் அமைச்சர்கள் உள்ளனர்.நான் ஒருவனே சிங்கள அமைச்சராக உள்ளேன்.அதிகளவு தமிழர்கள் வாழும் கிழக்கு மாகாணத்தில் தமிழ் அமைச்சர்கள் இல்லை.இது தொடர்பில் நீங்கள் சிந்திக்கவேண்டும்.

அதிகளவு தமிழ் மக்கள் யுத்தத்தினால் பாதிக்கப்பட்டுள்ளனர்.அவர்களுக்கு உதவவேண்டும்.அதற்காக அரசாங்கத்துக்குள் வந்து தமது பிரதேச மக்களுக்கு உதவவேண்டும்.

இந்த நாடு அனைவருக்கும் சொந்தமானது.எமது பிள்ளைகளின் கைகளில் பேனாவே இருக்கவேண்டும்.கடந்த காலத்தில் எமது பிள்ளைகள் ஆயுதம் ஏந்தியதினால் எவ்வளவு பிள்ளைகளை நாங்கள் இழந்துள்ளோம் என்பதை அனைவரும் சிந்திக்கவேண்டும்.இதனால் நாங்கள் அடைந்த நன்மை என்ன.இழப்புகளை சந்தித்த மக்களாகவே உள்ளோம்.  

»»  (மேலும்)