பொதுநலவாய அமைப்பின் தலைமை பொறுப்பை ஏற்றுள்ள ஜனாதிபதி மஹிந்த ராஜபக்ஷ அவர்களுக்கு ரஷ்ய ஜனாதிபதி விளாடிமிர் புடின் வாழ்த்துக்களையும் பாராட்டுக்களையும் தெரிவித்துள்ளார்.
நேற்று மாலை ஜனாதிபதி மஹிந்த ராஜபக்ஷ அவர்களை தொலைபேசி மூலம் தொடர்பு கொண்ட ரஷ்ய ஜனாதிபதி விளாடிமிர் புடின் தனது வாழ்த்துக்களை தெரிவித்துக் கொண்டார்.
இலங்கைக்கும் ரஷ்யாவுக்கு மிடையிலான இருதரப்பு நல்லுறவுகளை வலுப்படுத்திக்கொள்ள விரும்புவதாகக் தெரிவித்த ரஷ்ய ஜனாதிபதி புட்டினுக்கு இலங்கையின் விருப்பமும் அதுவென ஜனாதிபதி மஹிந்த ராஜபக்ஷ தெரிவித்தார்.
பொதுநலவாய அரச தலைவர்களின் மாநாடு 2013 ஞாயிற்றுக்கிழமை (நவம்பர் 17) நிறைவு பெற்றது. பொதுநலவாயத்திற்கு உபசரணையளித்த நாட்டின் தலைவர் என்ற வகையில் ஜனாதிபதி மஹிந்த ராஜபக்ஷ அவர்கள் அடுத்த இரண்டு ஆண்டுகளுக்கு தலைமை பதவியை வகிப்பார்.
அபிவிருத்தியை உள்ளடக்கிய சமத்துவத்துடனான வளர்ச்சி என்பது இவ்வாண்டின் பொதுநலவாய மாநாட்டின் தொனிப்பொருளாக இருந்தது. அடுத்த பொதுநலவாய மாநாடு 2015ல் மோல்ட்டாவில் நடைபெறும்.
பொதுநலவாய மாநாடு 2013 பற்றிய மேலதிக தகவல்களையும் அது தொடர்பிலான நிகழ்ச்சிகளையும் www.chogm2013.lk என்ற பொதுநலவாய உத்தியோகபூர்வ இணையத்தளத்தில் பார்க்க முடியும்.