இலங்கையில் இலங்கை முஸ்லிம்களின் பண்டய வரலாற்றைப் பாதுகாத்து பேணும் நோக்கில் காத்தான்குடியில் அரும் காட்சியகம் ஒன்றை நிறுவு வதற்கான ஆக்கபூர்வமான முயற்சிகள் பிரதியமைச்சர் எம். எல். ஏ. எம். ஹிஸ்புல்லாஹ்வினால் மேற்கொள்ளப்பட்டு வருகின்றன.
இதில் ஓர் அங்கமாக கடந்த (பெப்ரவரி) 1ம், 2ம், 3ம் திகதிகளில் காத்தான்குடியில் தேசிய கலாசாரக் கண்காட்சி ஒன்று காத்தான்குடி பிரதேச செயலகத்தினால் நடாத்தப் பட்டது.
கிழக்கு மாகாணத்தில் அனைவராலும் திரும்பிப் பார்க்கப்படுகின்ற காத்தான்குடியின் பிரதான வீதியில் பஸ்மலா சதுக்கத்தின் முன்பாக அமைந்துள்ள மீராபாலிகா மகா வித்தியாலய தேசிய பாடசாலையில் இக்கலாசாரக் கண்காட்சி நடைபெற்றது. இலங்கை முஸ்லிம்களின் தொன்மை பற்றிய வரலாற்றுக் குறிப்புகள் இக்கண்காட்சியில் காட்சிப் படுத்தப்பட்டன.
இலங்கை முஸ்லிம்களின் ஆரம்ப கால தொடர்பை உறுதிப்படுத்தும் ஆவணங்கள், கல்வெட்டுக்கள், சிலாசனங்கள், புள்ளி விபரங்கள், ஆவணச் சுவடிகள், வரலாற்றுக் குறிப்புகள், போர்த்துக்கேயர், ஆங்கிலேயர் முஸ்லிம்கள் குறித்த புள்ளிவிபரங்கள், அறிக்கைகள் வரலாற்றுக்குறிப்பேடுகள், மலைகள், குன்றுகள், ஆவணப்படங்கள் வெளிநாட்டு வர்த்தகம், பட்டுப்பாதை, நாணயங்கள், உள்நாட்டு வர்த்தகம், கரவான்பாதை, விவசாயம், மீன்பிடி, பணிக்கர் (மரபு ரீதியான யானை பிடித்தல்) மருத்துவம் யூனானி பண்டய கால அரசர்களுக்கு ஆற்றிய மருத்துவ சேவை கட்டிடக் கலை, பள்ளிவாயல்கள் வீடமைப்பு, அரசியல் தேசிய ஒற்றுமைக்கான முஸ்லிம்களின் அரசியல் பங்களிப்பு சுதந்திரத்திற்கு முற்பட்ட இலங்கையின் அரசியலில் முஸ்லிம்களின் பங்களிப்பு வாழ்வியல், மொழி, அரபுத் தமிழ், இலக்கியம் பற்றிய ஆய்வு, கல்வி பாரம்பரியம், அரபு மத்ரசாக்களின் வரலாறு ஆடை அணிகலன்கள் மனைப் பொருட்கள், உணவுப் பழக்க வழக்கங்கள், திருமண சடங்குகள், பட்டய கல்யாணம், திருக்கலியாணம் கலையும் இலக்கிய மும், பொல்லடி, சிலம்படி, நாடகம், வில்லுப்பாட்டு, மெத்தை வீடு கட்டுதல், இலக்கிய மரபுகள், கதை கூறுதல், பாபாடுதல், முஸ்லிம்கள் உலக நாகரிகத்திற்குகு ஆற்றிய பங்களிப்பு அறிவியல், மருத்துவம், கணிதம், கண்டு பிடிப்புகள், நாடுகான் பயணங்கள் உட்பட மேலும் பல விட யங்கள் கண்காட்சியில் உள்ளடக்கப் பட்டிருந்தன.
கிழக்காசியாவிலேயே முஸ்லிகள் செறிந்து வாழுகின்ற காத்தான்குடியின் பல சிறப்பம்சங்களை இதன் மூலம் அறிந்து கொண்டனர்.
இக்கண்காட்சி காத்தான்குடி பிரதேச செயலகத்தின் ஏற்பாட்டில் காத்தான்குடி பிரதேச செயலாளர் எஸ்.எச். முஸம்மில் தலைமையில் நடைபெற்றது. இக்கண்காட்சி ஏற் பாட்டில் ஒன்பது குழுக்கள் ஈடுப டுத்தப்பட்டிருந்தன.
இக்கலாசார கண்காட்சியுடன் முஸ்லிம்களின் கலை, பாரம்பரியம், வரலாற்று அம்சங்களை அரங்கேற்றும் நிகழ்வுகளும் காத்தான்குடி ஹிஸ் புல்லாஹ் மண்டபத்திலும் கண்காட்சி திடலிலும் நடைபெற்றது.
இதன் ஆரம்ப வைபவம் பெப்ரவரி 1ம் திகதி வெள்ளிக்கிழமை காலை 9.00 மணிக்கு விழாவின் ஏற்பாட்டுக்குழு தலைவரும் காத்தான்குடி பிரதேச செயலாளருமான எஸ்.எச். முஸம்மில் தலைமையில் நடைபெற்றது.
இவ்வைபவத்தில் தேசிய மரபுரிமை கள் அமைச்சர் டாக்டர் ஜெகத்பாலசூரிய மற்றும் கிழக்கு மாகாண முதலமைச்சர் நஜீப் அப்துல் மஜீத் மற்றும் பொரு ளாதார அபிவிருத்தி பிரதி அமைச்சர் எம்.
எல். ஏ. எம். ஹிஸ்புல்லாஹ், பிரதியமைச்சர் விநாயகமூர்த்தி முரளி தரன், மட்டக்களப்பு மாவட்ட அரசா ங்க அதிபர் திருமதி பி.எஸ்.எம். சாள்ஸ், மற்றும் கிழக்கு மாகாண சபை உறுப்பினர் சிப்லி பாறூக், காத் தான்குடி நகர சபை தலைவர் எஸ்.
எச். அஸ்பர், கிழக்கு மாகாண கலா சார திணைக்கள அலுவல்கள் பணிப் பாளர் வெலிக்கல உட்பட முக்கியஸ்தர்கள், அதிகாரிகள், பிர முகர்கள் கலந்து கொண்டனர். இக் கண்காட்சியின் மூன்றாம் நாளான ஞாயிற்றுக்கிழமையன்று உற்பத்தி வள ஊக்குவிப்பு அமைச்சர் பசீர் சேகுதாவூத் கலந்து கொண்டு வைப ரீதியாக கண்காட்சியை திறந்து வைத்ததுடன் பார்வையிட்டார்.
அதே போன்று விளையாட்டுத்துறை அமைச்சர் மஹிந்தானந்த அளுத்கம கேயும் பிரதியமைச்சர் எம். எல். ஏ. எம். ஹிஸ்புல்லாவின் அழைப்பின் பேரில் வருகை தந்து பார்வை யிட்டார்.
இக்கலாசார கண்காட்சியை கிழக்கு மாகாணம் உட்பட நாட்டின் பல்வேறு பகுதிகளில் இருந்தும் பாடசாலை மாணவர்கள் மற்றும் அரச அதிகாரிகள் திணைக்கள தலைவர்கள் உட்பட பொது மக்களுமாக இருபதாயிரத்துக்கும் மேற்பட்டோர் பார்வையிட்டதாக இதன் ஏற்பாட்டுக்குழு தலைவரும் காத்தான்குடி பிரதேச செயலாளருமான எஸ்.எச். முஸம்மில் தெரிவித்தார்.
வரலாற்று முக்கியத்துவம் வாய் ந்த இலங்கை முஸ்லிம்களின் தொன்மையை வெளிப்படுத்தும் வகையில் இஸ்லாமிய கலாசாரத்தின் அடிப்படையில் இக் கண்காட்சி நடைபெற்றது.