மாத்தறை பகுதியில் மீனவர்களை தாக்கி நடுகடலில் தள்ளிவிட்டு அவர்களின் படகின் மூலம் அவுஸ்திரேலியா தப்பி சென்ற ஒருவரை காப்பாற்றுவதற்கான முயற்சிகளை அவுஸ்திரேலிய சட்டத்தரணிகள் மேற்கொண்டு வருகின்றனர்.
14 பேருடன் அண்மையில் கொக்கோஸ் தீவை சென்றடைந்த அவர், ஏனைய 14 பேரும் நாடு கடத்தப்பட்ட நிலையில் தற்போது கிறிஸ்மஸ் தீவில் தடுத்து வைக்கப்பட்டுள்ளார்.
அவர் ஏற்கனவே கடந்த மாதம் அவுஸ்திரேலியாவில் இருந்து 3300 அவுஸ்திரேலிய டொலர்கள் வழங்கப்பட்டு நாடு கடத்தப்பட்ட நிலையில், மீண்டும் அவுஸ்திரேலியா சென்றிருந்த நிலையிலேயே அங்கு தடுத்து வைக்கப்பட்டுள்ளார்.
குறித்த புகலிடக் கோரிகையாளர் இலங்கையில் பாரிய அச்சுறுத்தலுக்கு முகம் கொடுத்திருப்பதாகவும், அதனால் அவர் அவுஸ்திரேலியாவில் தங்க அனுமதிக்கப்பட வேண்டும் என்றும் சட்டத்தரணிகள் கோரிக்கை விடுத்துள்ளனர்.