முதலமைச்சரின் அபிவிருத்திப் பணியில் இணைந்து கொண்ட யோகேஸ்வரன் எம்.பி.

கிழக்கு மாகாண முதலமைச்சரும் தமிழ் மக்கள் விடுதலைப் புலிகள் கட்சியின் தேசிய தலைவருமான சிவநேசதுரை சந்திரகாந்தன் கிழக்கு மாகாணத்தின் பல பாகங்களிலும் பல்வேறு அபிவிருத்திட்டங்களை நாளுக்கு நாள் செய்து கொண்டே வருகின்றார். ஆனால் தமிழ் தேசிய கூட்டமைப்பு நாடாளுமன்ற உறுப்பினர்கள் எதுவுமே செய்யாது பல விமர்சனங்களை முன்வைத்தே வருகின்றார்கள். அந்த வகையிலே அதில் முதலிடம் வகிப்பவர் வேறு யாருமில்லை எமது மட்டக்களப்பு மாவட்டத்தின் தமிழ் தேசிய கூட்டமைப்பு எம்பிக்களில் ஒருவரான சீனித்தம்பி யோகேஸ்வரன் ஆவார். இவர் பல்வேறு சந்தர்ப்பங்களில் தனிப்பட்ட ரீதியிலும் பொதுவாகவும் முதலமைச்சரை விமர்சித்துக் கொண்டே வருபவர். அப்படி இருந்தும். இன்று(23.03.2012) கிழக்கு மாகாண முதலமைச்சர் வாழைச்சேனை நாசிவன்தீவு மீனவர்களுக்கு மீன்பிடி உபகரணங்களை கையளித்து கொண்டிருந்த வேளையில் தானும் அந் நிகழ்வில் கலந்து கொண்டு சிறப்பித்தார். பாருங்கள் எவ்வளவு விமர்சனங்களை செய்து கொண்டு வந்த பாராளுமன்ற உறுப்பினர் யோகேஸ்வரன் தற்போது முதலமைச்சரின் அபிவிருத்தி திட்டங்களைக் கண்டு வியந்து தற்போது அவருடன் இணைந்து செயற்படுகின்றார். இவரைப் போல் பலர் தொடர்ந்து முதலமைசமைச்வருடன் சேர்ந்து இயங்கவதற்கு தயாராக இருப்பதாகவும் நம்பத் தகுந்த வட்டாரங்கள் தகவல் வெளியிட்டுருக்கின்றன. மட்டக்களப்பு கல்லடியில் கடந்த 18.03.2012 அன்று இடம் பெற்ற தமிழ் மக்கள் விடுதலைப் புலிகள் கட்சியின ;தேசிய மாநாட்டின் வெளிப்பாடுதான் எம்.பி யோகேஸ்வரன் இணைவிற்கு காரணம் என்கிறார்கள் அரசியல் ஆய்வாளர்கள்