இனியொரு கிளர்ச்சியை ஏற்படுத்த புலம்பெயர் தமிழருக்கு இடமளியேன் இந்திய தொலைக்காட்சிக்கு கே.பி. பேட்டி

இறுதி யுத்தத்தின்போது புலிகளின் உயர் தலைமையை காப்பாற்ற ஐ.நா, ஐரோ. நாடுகள் முயன்றன

இலங்கையில் மீண்டும் ஒரு கிளர்ச்சியை ஏற்படுத்துவதற்கு புலம்பெயர் தமிழர்கள் மேற்கொள்ளும் முயற்சிக ளுக்கு ஒருபோதும் இடமளிக்க மாட்டேன் என விடுதலைப் புலிகளின் முன்னாள் தலைவர்களுள் ஒருவ ரான குமரன் பத்மநா தன் தெரிவித்துள்ளார்.



இந்தியத் தொலைக்காட்சி ஒன்றுக்கு வழங்கிய பேட்டி ஒன்றிலேயே அவர் இதனைத் தெரிவித்துள்ளார்.
நேற்று ஒளிபரப்பப்பட்ட அந்தப் பேட்டியில் தெரிவிக்கப்பட்ட சில விடயங்கள் வருமாறு -
கே - இலங்கைப் படையினர் மீது போர்க் குற்றச்சாட்டுகளைச் சுமத்தும் ஐ.நா. அறிக்கையை எப்படிப் பார்க்கிaர்கள்?
ப - நாம் புதிய சகாப்தம் ஒன்றின் ஆரம்பத்தில் இருக்கிறோம். நடந்ததெல்லாம் நடந்ததுதான். ஐ.நா. அறிக்கையின்படி இரு தரப்புகளுமே தவறிழைத்துள்ளன. இந்த அறிக்கை எந்தவொரு நல்லி ணக்கத்துக்கும் உதவப் போவதில்லை. இது ஓர் இடைஞ்சல்தான். யாருக்கும் இந்த அறிக்கையால் பயனில்லை. அது ஒரு தகவல் அறியும் நடவடிக்கைக்கோர் அறிக்கை அவ்வளவுதான்.
இந்த அறிக்கையுடன் வன்னிக்குப் போனால் ஆயிரம் அல்லது லட்சம் மக்கள் இதனால் பயனடைவார்களாக இருந் தால் அப்போது அது வேறு கதை யாக இருக்கும். ஆனால் இந்த அறிக்கையால் எவருமே நன்மை அடையப் போவதில்லை என்பதுதான் உண்மை. முழு நாடும் இந்த அறிக்கைக்கு எதிராக இருக்கிறது. கள யதார்த்தத்தைப் புரிந்துகொள்ள வேண்டும். முடிந்தது முடிந்ததுதான். போரின் முதல் அர்த்தமே சாவுதான். போரில் எது முதலில் சாகிறது?
உண்மைதான். எல்லா இடத்திலுமே போருக்கு ஒரே பொருள்தான். நல்ல போர், கெட்ட போர் என்று ஒன்றுமில்லை. போர் எப்போதும் எங்கேயும் போர்தான். இங்கே வெற்றி பெறுவதற்காக இரு இரு தரப்பும் முடிந்தளவுக்கு முயற்சித்தன. நடக்கிற எல்லாப் போர்கள் தொடர்பிலும் ஐ.நா. அறிக்கை வேண்டும் என்றால் எங்குபோய் முடியும். போர் முடிந்த விட்டதாகவே கடந்த இரண்டு வருடங்களுக்கு மேலாக நான் உணர்கிறேன். இதுதான் மிக முக்கியமான புள்ளி.
இந்தப் போரில் அரசுதான் வெற்றியாளர். புலிகள் தோல்வியாளர்கள். ஆனால் தோற்றவர்களின் பக்கம் இன்னும் கொஞ்சம்பேர் மிச்சம். இருக்கிறார்கள். இப்போதும் அவர்கள் இங்கேதான் வாழ்கிறார்கள். இப்போதும் அவர்கள் இங்கேதான் வாழ்கிறார்கள். நான் உட்பட எந்தவொரு போரிலோ தாக்குதலிலோ பங்கெடுக்கவில்லை என்றாலும் நானும்கூட ஒரு விடுதலைப்புலி உறுப்பினர்தான்.
இந்தப் போரால் யாருக்க என்ன பயன்? ஒருத்தருக்கும் கிடையாது. மக்களுக்கு வேண்டியதெல்லாம் உணவும் உடுப்புகளும்தான். தங்கள் வாழ்வை அவர்கள் மீளக்கட்டியெழுப்பியாக வேண்டும். ஐ.நா. அறிக்கை ஒரு தகவல் அறியும் நடவடிக்கை அது ஒரு அறிக்கை ஏன் அதற்கு இவ்வளவு முக்கியத்துவம் கொடுக்கிaர்கள்?
கே - ஓ... அப்படியென்றால் அடிப்படையில் தமிழர்களுக்கு கல்வி, அபிவிருத்தி, சுகாதாரம் இவைதான் வேண்டும் என்கிaர்கள். இப்போது அவர்கள் வேண்டுவதெல்லாம் இவைதான் என்கிaர்களா?
ப - அட்சரச் சுத்தமாக அதுதான். கடந்த 2 வருடங்களாக போர் ஓய்ந்துவிட்டது. ஆனால் மக்கள் தொடர்ந்து துன்பப்படுகிறார்கள். சரி, எங்களுக்கு பல கசப்பான கடந்த கால அனுபவங்கள் இருக்கின்றனதான். முன்னர் நடந்த பேச்சுக்கள் தோல்விதான். வரலாற்றில் பல விடயங்கள் நடைபெற்றுள்ளனதான். ஆனால் எப்போதுமே முடிந்ததைப் பற்றிப் பேசிக்கொண்டிருக்க முடியாது. வாழ்க்கையில் சில சமயங்களில் நல்லதும் கெட்டதும் நடக்கும். நாங்கள் அதனை எதிர்கொண்டுதானாக வேண்டும்.
இரு தரப்புகளும் ஒரு தீர்வை எட்ட முடியும் என்ற எதிர்பார்ப்புடன் எல்லாவற்றையும் நாங்கள் எதிர்கொண்டுதானாக வேண்டும். சேர்ந்து வாழ்வதற்கான (இரு இனங்களும்) வழிவகைகளைக் கண்டறிய வேண்டும். நீங்கள் என்ன சொன்னீர்களோ அவற்றைத்தான் உண்மையில் போரால் பாதிக்கப்பட்ட மக்கள் கேட்கிறார்கள். அவர்களுக்கு உணவு தேவை. அவர்களுக்கு வேலை தேவை. அவர்களுக்கு உடுப்புகள் தேவை. அவர்களது குழந்தைகளுக்கு பால் தேவை. அவர்கள் அடிப்படைத் தேவைகளைத்தான் கேட்கிறார்கள்.
எனவே இவற்றைத்தான் அனைத்துலக சமூகத்திடமும் புலம்பெயர் தமிழர்களிடமும் நானும் கேட்கிறேன். இதன் பின்னர் புலம்பெயர் தமிழர்களின் செயற்பாடுகள் பற்றியும் அங்கு யார் எல்லாம் இன்னும் தீவிரத்தோடு செயற்பட்டுக் கொண்டிருக்கிறார்கள் என்பதையும் விலாவாரியாக விளக்குகிறார் கே. பி. தொடர்ந்து.......
கே - அப்படியானால் மீண்டும் ஆயுத இயக்கத்தை புலம்பெயர் தமிழர்கள் உருவாக்க முயன்றார்கள். அதனை நீங்கள் அனுமதிக்க மாட்டீர்கள் என்கிaகள். அப்படித்தானே?
ப - நிச்சயமாக! அவர்கள் அப்படிச் செய்ய முயன்றால், இங்கு பிரச்சினைகளை உருவாக்க முயன்றால் அவர்களை நான் உயிருள்ளவரை விடமாட்டேன். அப்படிச் செய்வதாயின் முதலில் அவர்கள் என்னைக் கொல்ல வேண்டும்.
கே - போரின் இறுதிக் கட்டத்தில் விடுதலைப் புலிகளின் உயர் தலைமையைக் காப்பாற்றி மீட்கும் நடவடிக்கை ஒன்றுக்கு ஐரோப்பிய நாடுகள் சில முயன்றன என்பது உண்மை இல்லையா?
ப - உண்மையிலேயே அப்படித்தான். 2009 ஜனவரியில் போரை நிறுத்துவதற்கு நாம் கடுமையாக முயன்றுகொண்டிருந்தோம். போரை நிறுத்த இரவு பகலாக நான் கடும் பாடுபட்டுக்கொண்டிருந்தேன். அனால் அதற்கு ஆதரவு கிடைக்கவில்லை. குறிப்பாக எமது தரப்பிடம் இருந்து கடைசிக் கணம்வரை ஆதரவு கிடைக்கவில்லை. அதனால் நான் எதிர்பார்ப்புக்களை இழந்துவிட்டேன்.
கடைசித் தருணத்தில் மே மாதம் 16, 17ம் திகதிகளில் அல்லது 15ம் திகதியாகவும் இருக்கலாம். அவர்கள் (புலிகளின் தலைவர்கள்) நாட்டைவிட்டு வெளியேறத் தயாராக இருந்தால் தாங்கள் (ஐ.நா. மற்றும் ஐ§¡ப்பிய நாடு ஒன்று) கப்பல் ஒன்றை அனுப்பி வைப்பதாகவும் எங்காவது போகுமாறும் கூறினார்கள்.
கே - எந்த நாடுகள்?
ப - சரியாகச் சொன்னால் ஐ.நா.வும் மற்றொரு நாடும், அந்த நாட்டின் பெயரைச் சொல்வதற்கு நான் விரும்பவில்லை. ஆனால் அது ஓர் ஐரோப்பிய நாடு.
கே - மீட்டுச் செல்ல அவர்கள் முயற்சித்தார்களா?
ப - ஆம்! மீட்டுச் செல்லத்தான் அவர்கள் முயன்றார்கள். அனால் எல்லாம் காலம் கடந்திருந்தது. 2009 ஜனவரியில் இருந்து எல்லா விடயங்களிலும் எல்லா வழிகளிலும் நாம் ஒவ்வொரு தருணத்திலும் தாமதித்துக் கொண்டிருந்தோம் என்றே நான் நினைக்கிறேன்.