அமெரிக்கா கட்டவிழ்த்த பயங்கரவாதத்திற்கு உலகம் முற்றுப்புள்ளி வைக்க வேண்டும்

அமெரிக்க அரசாங்கம் மற்ற நாடுகளின் மீது ஈவிரக்கமற்ற முறையில் தன்னுடைய கொலை வெறியை கட்டவிழ்த்துள் ளபோதும், இலங்கை போன்ற ஒரு சிறிய நாடு உலகின் மிகப்பெரிய பயங்கரவாத இயக்கமான எல்.ரி.ரி.ஈயை மனித உரிமைகளுக்கு தீங்கி ழைக்காத வகையில் யுத்த முனையில் படுதோல்வியடையச் செய்தது.
இதை ஒரு பெரிய யுத்தக் குற்றச்சாட்டாக பிரகடனம் செய்து இலங்கையை சர்வதேச ரீதியில் அபகீர்த்திக்கு உட்படுத்தி வருவது மன்னிக்க முடியாத ஒரு குற்றம் என்று மேல்மாகாண ஆளுநர் அல்ஹாஜ் அலவி மெளலானா கண்டனம் தெரிவித்துள்ளார்.
அமெரிக்கா ஒரு நாட்டை அழிக்க வேண்டுமென்று தீர்மானித்தவுடன், அடிப்படை மனித உரிமைகளை மூட்டைகட்டி வைத்துவிட்டு அந் நாடுகள் மீது போர்க்கொடி தொடு த்து பேரழிவை ஏற்படுத்தி வரு கின்றது என கண்டனம் தெரிவித்த ஆளுநர் அலவி மெளலானா, முன் னாள் ஈராக்கிய ஜனாதிபதியையும் அவரது பிள்ளைகளையும், பேரப் பிள்ளைகளையும் துடிதுடிக்க படு கொலை செய்ததை உலகம் என்றும் மன்னிக்காது என்று கூறினார்.
அதுபோல் லிபிய ஜனாதிபதி கடாபி மீதும் அமெரிக்கா அடக்கு முறையை கட்டவிழ்த்துள்ளது. அமெரிக்க ஏவுகணைத் தாக்குதலில் கடாபி மயிரிழையில் உயிர்தப்பிய போதும் அவரது ஆறாவது மகனும் மூன்று பேரப் பிள்ளைகளும் உயிரி ழக்க வேண்டியேற்பட்டது. இத்த கைய அடக்கு முறைகளுக்கு நாம் முடிவு கட்ட வேண்டுமென்று கூறி னார்.
முழு உலகமும் ஓரணியில், உலகத் தின் பொலிஸ்காரன் என்ற இறு மாப்பில் அமெரிக்கா புரிந்து வரும் அட்டகாசங்களுக்கு முற்றுப்புள்ளி வைக்கவேண்டுமென்றும் இல்லையேல் அமெரிக்கா மனித சுதந்திரத்தை அழித்துவிடுமென்றும் அவர் மேலும் தெரிவித்துள்ளார்.