ஈமெயிலில் வந்த இனியொருவின் ஈழநாட்டுப்- பண்ணும் மாறாத யாழ் மேலாதிக்கப் புண்ணும் : சாதிவெறியன் ஆறுமுகநாவலரின் படத்தோடு தொடங்குகிறது காணொளி

மரங்கொத்தி

வடிவேலு விவேக் காமடி இப்ப படங்களிலை சரியா வாறதில்லை என்று பொதுவா இலங்கைத் தமிழ் ரசிகர்களிடம் பெரிய கவலை ஒன்று உண்டு. நல்ல கொமடி பாக்க வேணும் எண்டால் ஒண்டில் ஜிரிவில வாற அரசியல் ஆய்வு நிகழ்ச்சிகளைப் பாக்கலாம். விழுந்து விழுந்து சிரிக்கவேணும் எண்டால் நாடு கடந்த தமிழீழத்தின்ரை பிரதமரின் அறிக்கைகலையும் கொள்கை விளக்கங்களையும் வாசிக்கலாம். அல்லது  வழக்குப் போட எங்களிட்டை காசில்லை எண்டு சொன்னதைக் கொஞ்சம் நினைச்சு பாத்துச் சிரிக்கலாம். வெறுமனே வடிவேலுவை எவ்வளவு காலத்துக்த்தான் நம்பியிருக்கிறது சொல்லுங்கோ?
அந்த வரிசையிலை அண்மையில் மின் அஞ்சல் ஊடாக ஒரு காமடி.

சிரிச்சா சக்கரை வியாதிக்கு நல்லது எண்டு ஆரோ சொன்ன கதையை கேட்டு நானும் மின்னஞ்சலில் வந்த கொமடியைத் திறந்து பாத்தா கொமெடி சத்தியமா 2010லிலை நம்பர் வண். நான் எந்தக் கோயிலிலை வேணும் எண்டாலும் கிடாய் வெட்டி சாராயம் ஊத்தி சத்தியம் பண்ணிச் சொல்லத் தயார். விசயம் வெரி சிம்பிள். ஆந்த மின்னஞ்சலில் வந்த காமடி வேறை ஒன்னுமில்லிங்கோ. தழிழீழத்திக்கான தேசிய கீதத்தை ஈஎன்டிஎல்எவ் ;என்ற அமைப்பு எழுதி மெட்டுப் போட்டு பாடினதுமல்லாமல் அதுக்கு காணொளி வேறை செய்து அனுப்பியிருந்தாங்கள்.

சரி காமடி கீதத்தை கொஞ்சம் புறம்பா வைச்சிட்டு பின்னணியைக் கொஞ்சம் பாப்பம். பின்னணி இதுதான். மகிந்த லண்டன் வருகிறார். ஏன் வந்தார். ஓக்ஸ்போட் பல்கலைக் கழக மாணவர் அமைப்பின் நிகழ்வு ஒன்றில் கலந்து கொண்டு பேசுவதற்கு. இங்கே வந்திறங்கிய போது நடந்ததும் ஜயா கோபப் பட்டுக் கொண்டு கிளம்பினதும் கிளம்பின கையோடை மந்திரி சபையைக் கூட்டினதும் கூட்டின கையோட தேசிய கீதத்தை இனி தமிழில் பாடக் கூடாது என்று அறிவித்ததும் எல்லாருக்கும் தெரியும்.

ஒரு நாடு என்று ஜநாவிலை சொல்லுறாய். வெண்டது பிரபாகரனைத்தான் தழிழர்களை இல்லை எண்டு ரிவியிலை கதைக்கிறாய். மூண்டு மொழியிலையும் சகோதராய் எண்டு சொன்ன மகிந்த மாத்தயா நாட்டுக்குத் திரும்பிப் போன போக்கிலை, சிவப்புச் சால்வையை கழட்டி வைக்க முன்னம் தழிழிலை தேசிய கீதம் பாடக்கூடாது என்று அறிவிப்பு. தழிழர்கள் இலங்கையின் குடிமக்கள் என்ற எண்ணம் சிவப்புச் சால்வையிலை எங்காவது ஒட்டியிருந்திருக்குமானால் இனவாதம் சன்னதம் கொண்டாடும் ஒரு தேசத்தின் தலைவன் அந்த இனவாதம் இன்னொரு படி மேலெழுகிற எந்தக் காரியத்தையும் செய்யத் துணிந்திருக்க மாட்டான்.

இதிலை இன்னொரு காமடி என்ன தெரியுமொ? விமல் வீரவன்ச என்டு ஒரு சிங்கள வெறிபிடிச்ச காமடி அமைச்சர். அவர் சொல்லுறார். இந்தியாவிலை கிந்தியிலைதானை பாடுறாங்கள் இலங்கையிலை சிங்களத்திலை பாடினா என்ன எண்டு. இந்நியாவிலை எந்த மொழியிலை பாடுறாங்கள் எண்டதும் தெரியாது. சரி கோதாரி விழ இன்ரநெற்றிலை ஒருக்காத் தட்டிப் பாப்பம் எண்டு கூட யோசிக்காம அறிக்கை விடுறாங்கள்.

சரி இந்தியாவிலை ஒரு மொழியிலை பாடினா இலங்கையிலையும் ஒரு மொழிலைதான் பாடவேணுமோ? சவுதியிலை ஆறு கலியாணம் கட்டிறாங்களாம். விமல் ஜயே! அதைப் பத்தி உங்கடை அபிப்பிராயம் ஏதாவது? வெளியிட்டிங்கள் எண்டா பெடியளுக்கு கொஞ்சம் உதவியா இருக்கும்.

இந்த கடுப்பிலை பிறந்தது தான் ஈஎன் டி எல்எவ் இன் நாட்டுப் பண். சரி நீ தழிழன் என்று எதிரி கத்தினால் ஆம் என்று உரக்கச் சொல்வதில் நாம் ஏன் தயக்கம் காட்டவேண்டும். அந்தவகையில் ஈஎன்டிஎல்எவ் பதிலடி கொடுத்திருக்கிறது என்று சந்தோசப்பட்டு பாட்டை போட்டா…. மகிந்த பரவாயில்லை என்று சொல்லுமளவுக்குப் போகுது வரிகள்.

யாழ்ப்பாண நகரோடு பெரும்கல்வியும் – எம்மை
வாழ்விக்க உணவூட்டும் திருவன்னியும்..

யாழ்ப்பாணத்துக்கு பெருங்கல்வியைக் குடுத்திட்டு வன்னியார் வயலை விதையுங்கோ எண்டு சொல்லுது பாட்டு. சாப்பாடு போடுற வேலையை செய்யுங்கோ வன்னி மாடுகளே நாங்கள் படிக்கிறதையும் உங்களை மேய்க்கிறதையும், கச்சிதமாச் செய்வோம் என்று தொடங்கினா சிரிக்காம என்ன செய்ய. அதிலை பாருங்கோ ஒரு காணொளி ஒன்றும் இருந்தது. அது எப்பிடித் தெரியுமொ தொடங்குது. மழைக்கு தாழ்வாரத்துப் பக்கம் கூட தாழ்த்தப்பட்டோர் ஒதுங்க்க கூடாது என்று சொன்ன சாதிவெறியன் ஆறுமுகநாவலரின் படத்தோடு தொடங்குகிறது காணொளி.

தழிழீழத்தின் தேசிய கீதம் சொன்ன சேதி இதுதான். மேல்ச்சாதி ஆளும். வன்னிமக்கள் உழுவினம். மட்டக்களப்பார் மீன் பிடிப்பினம். யாழில் மக்கள் படிப்பினம். அதைக் கொண்டுவந்து மற்ற எல்லா இடமும் திணிப்பினம்.

இந்தப் பண் விளங்கிற மாதிரி திருப்பி எழுதினா இப்பிடி வருமொ எண்டு யோசிக்கிறன் .நீங்களும் பாத்து ஏதேனும் திருத்தங்கள் இருந்தா எழுதி அனுப்புங்கோ.

காட்டோடு பாழ்பட்ட

வன்னியானும் -அங்கே
பாய் ஒட்டவைப்பார்
மட்டக்கிளப்பாங்களும்
ஆட்டோடு மாடு மேய்க்க
மன்னார்க்காரனும்- பலா முருங்கைக்காய்
மூட்டை முடிச்செல்லாம் கட்டித்தர
முல்லைத்தீவானும்
அடிபட்டுத் தினம் சாக
அம்பாறையானும்
தினம் வெடி பட்டு தொலைகின்ற
திருமலையானும்
எல்லாரும் உணவூட்ட
நாம் வாழுவோம்
யாழ்ப்பாணத்தான் நாம் என்று
பறைசாற்றுவோம்
வாழ்க தழிழீழம்வாழ்க வெள்ளாளம்

நன்றி* சலசப்பு