வாகரையில் கண்டெடுக்கப்பட்ட அம்மன் சிலை நீதிமன்றத்தில் ஒப்படைப்பு

வாகரைப்  பிரதேசத்தில் கண்டு பிடிக்கப்பட்ட அம்மன் சிலையை வாகரை பொலிசார் திங்கட்கிழமை (26.7.2010) வாழைச்சேனை நீதிமன்றத்தில் நீதிபதியின் தீர்ப்புக்காக ஒப்படைத்துள்ளனர். வாகரைப்பிரதேசத்திலுள்ள கதிரவெளி எனுமிடத்திலிருந்து 4கிலோ மீற்றர் தொலைவிலுள்ள மலைபயடி வாரத்தில் அம்மன் சிலை ஒன்று இருப்பதை கண்ட நபரொருவர் பொது மக்களுக்கு அறிவித்துள்ளார்.

இதையடுத்து வாகரைப்பிரதேச செயலாளாருக்கு இது தொடர்பாக அறிவிக்கப்பட்டதையடுத்து வாகரை பிரதேச செயலாளர் செல்வி எஸ்.ராகுலநாயகி மற்றும் தொல்பொருள் திணைக்கள அதிகாரிகள் பொலி;ஸ் அதிகாரிகள் இந்த இடத்திற்கு ஞாயிற்றுக்கிழமை விஜயம் செய்துள்ளனர். இங்கு இவர்கள் சென்று பார்த்த போது இங்கு ஒரு அடி நீளமான பித்தாளயிளான அம்மன் சிலை ஒன்று இருப்பதை கண்டுள்ளனர்..

இந்த அம்மன் சிலை தொல்பொருள் திணைக்கள அதிகாரிகள் தொல் பொருள் ஆய்வுக்குட்படுத்த வேண்டுமெனவும் இதை தொல் பொருள் பாதுகாக்கப்பட்ட பிரதேச மாக அறிவிக்க வேண்டு மெனவும் தெரிவித்த போது பொது மக்களுக்கும் தொல் பொருள் ஆராய்ச்சி அதிகாரிகளுக்கும் இழு பறி நிலை ஏற்ப்பட்டது..

இதையடுத்து நீதிமன்ற நடவடிக்கை;காக பொலிசாரிடம் இந்த அம்மன் சிலையை வாழைச்சேனை நீதிமன்றத்தில் பொலிசார் உப்படைத்தனர். இந்துக்களுக்கு சொந்தமான இந்த அம்மன் சிலை காணப்பட்டபிரதேசம் வணக்க வழிபாட்டு பிரதேச மாக அறிவிக்க வேண்டு மெனவும் இதை பொது மக்களிடம் ஒப்படைக்க வேண்டு மெனவும் அப்பகுதி மக்கள் கோரியுள்ளனர்.






___ E-mail to a friend