மல்வத்தை விபுலானந்தாவின் 86 வருடகால வரலாற்றில் சாதனை

சம்மாந்துறை வலயத்திலுள்ள மல்வத்தை விபுலானந்தா மகா வித்தியாலய 86 வருடகால வரலாற்றில் முதற்தடவையாக அனைத்துப் பாடங்களிலும் அதிசிறப்பு (9ஏ) சித்திபெற்ற மாணவன் மோகன் நிதர்சனன் வரலாற்றுச் சாதனை படைத்தள்ளார்.
1924 ஆம் ஆண்டு ஆரம்பிக்கப்பட்ட இப்பாடசாலையில் 1993 இல் க.பொ.த (சா/த) வகுப்புகள் ஆரம்பிக்கப்பட்டன. அன்றிலிருந்து 2008 வரை நடைபெற்ற க.பொ.த (சா/த) பரீட்சையில் அனைத்து பாடங்களிலும் அதிசிறப்புச் சித்தியை எந்த மாணவனும் பெறவில்லை.
2009 க.பொ.த (சா/த) பரீட்சையிலே தோற்றிய மோகன் நிதர்சனன் என்ற மாணவன் முதற்தடவையாக ஒன்பது ‘ஏ’ பெற்றுச் சாதனை படைத்துள்ளார்.
சம்மாந்துறை வலயத்தில் இம்முறை 9 ‘ஏ’ பெற்ற ஒரே ஒரு மாணவன் நிதர்சனன் என்பதும் குறிப்பிடத்தக்கது. மல்வத்தையைச் சேர்ந்த மோகன் ஆசிரியர் தம்பதியினரின் சிரேஷ்ட புதல்வன் நிதர்சனன் என்பது குறிப்பிடத்தக்கது.