தமிழ் மக்கள் விடுதலைப் புலிகள் கட்சியின் ஆதரவாளர் மீது தாக்குதல்

மட்டக்களப்பு மாவட்டத்தில் தேர்தல் பிரச்சாரம் சூடு பிடித்துக் கொண்டிருக்கும் இவ் வேளையில், தமிழ் மக்கள் விடுதலைப் புலிகள் கட்சியின் ஆதரவாளர் வைத்திலிங்கம் -  யோகராணி (யோகா) என்பவரின் வீட்டிற்கு பாரிய சேதம் ஏற்படுத்தப்பட்டதோடு தனக்கும் கொலை அச்சுறுத்தல் விடுக்கப்பட்டுள்ளதாக அவர் தெரிவித்துள்ளார். சு.னு.ளு வீதீ, சத்தாண்டி-4ல் அமைந்திருக்கும் தனது இல்லத்தின் மீது நேற்ரிரவு (26.03.2010) இனம் தெரியாத நபர்களினால் தாக்குதல் ஏற்படுத்தப்பட்டது எனவும் குறிப்பிட்டார்.

       கிராம அபிவிருத்தி சங்கத்தின் தலைவியும், சமூகசேவை புரிபவருமான யோகா அவர்கள் தமிழ் மக்கள் விடுதலைப் புலிகள் கட்சியின் ஆதரவாளர் மட்டுமல்லாது, பிரச்சாரப்பணிகளிலும் மும்முரமாக செயற்படுத்தப்பட்டு வருகின்ற ஓருவருமாவார். இது தெடர்பாக அவர் இன்று ஏறாவூர் பொலிசில் முறைப்பாடு செய்ய சென்றும் , மீண்டும் தனது உயிருக்கு அச்சுறுத்தல் ஏற்படுத்தப்பட்டுவிடுமோ என்ற அச்சம் காரணமாக அவர் திரும்பி வந்துள்ளார்.
இவரது வீட்டிற்கு இன்றுகாலை கட்சியின் தலைவரும் கிழக்கு மாகாண முதலமைச்சருமான சிவநேசதுரை சந்திரகாந்தன் சென்று குறித்த சம்பவம் தொடர்பாக கலந்துரையாடியதோடு சேதமடைந்த வீட்டின் பகுதியினையும் பார்வையிட்டார்.

குறிப்பு:- சித்தாண்டி பிரதேசத்தில் ஐக்கிய மக்கள் சுதந்திரக் கூட்டமைப்பின் சார்பில் வேட்பாளர் க.சத்தியவரதன் அவர்கள் போட்டியிடுகின்றார். இவரும் இவரது குழுவினர்களின் தலைவருமான செந்தில் என்பவரும் ஏற்கனவே தொலைபேசி ஊடாக அச்சுறுத்தல் விடுத்ததாகவும் அவர் தெரிவித்தார். இச் சம்பவத்திற்கும் செந்தில் என அளைக்கப்படும் மாணிக்கன் செந்தில்நாதன் அவருக்கும் நெருங்கிய தொடர்பு இருக்கலாம் என அவ்வூர் மக்கள் தெரிவித்தனர்.