அவசரகால சட்டம் மேலும் ஒரு மாத காலம் நீடிப்பு

வசரகாலச் சட்டம் மேலும் ஒரு மாத காலத்திற்கு நீடிக்கப்பட்டுள்ளது.

இதற்கான பிரேரணை நேற்று (05) பாராளுமன்றத்தில் 87 மேலதிக வாக்குகளால் நிறைவேற்றப்பட்டுள்ளது.

பிரேரணைக்கு ஆதரவாக 102 வாக்குகளும், எதிராக 15 வாக்குகளும் அளிக்கப்பட்டன. முஸ்லிம் காங்கிரஸ், ஜே. வி. பி. சபையில் இருக்கவில்லை. தமிழ்த் தேசிய கூட்டமைப்பு, மனோ கணேசன், செல்லச்சாமி ஆகியோர் எதிர்த்து வாக்களித்தனர். ஐ. தே. க. அவசரகாலச் சட்டத்தை எதிர்ப்பதாக ஜோசப் மைக்கல் பெரேரா எம். பி. சபையில் அறிவித்தார்.

அவசரகாலச் சட்டத்தை நீடிப்பதற்கான பிரேரணையை சபையில் சமர்ப்பித்து பிரதமர் ரத்னசிறி விக்கிரமநாயக்க நேற்றுக் காலை விவாதத்தை ஆரம்பித்து வைத்தார்.

வாய்மூல விடைக்கான கேள்வி நேரம் நிறைவடைந்ததும் ஆரம்பமான விவாதம் மாலை நான்கு 45 வரை நீடித்தது. சபை முதல்வரான அமைச்சர் நிமல் சிறிபால டி சில்வா விவாதத்தை நிறைவு செய்துவைத்து உரையாற்றினார்.

அவசரகாலச் சட்டம் மீதான விவாதத்தை எதிர்க்கட்சி உறுப்பினர்கள் தேர்தல் வெற்றியை மலினப்படுத்துவதற்காகப் பயன்படுத்திக் கொண்டார்கள் என்று குற்றஞ்சாட்டிய அமைச்சர் குளறுபடி நடந்திருக்குமானால் தேர்தல் ஆணையாளரிடம் சென்று முறையிட்டுக்கொள்ளட்டும்.

ஜனாதிபதியின் தேர்தல் வெற்றி மனோ கணேசன், ரவூப் ஹக்கீம் போன்றோருக்குக் கன்ன த்தில் அறைந்துள்ளது’ என்றும் அமைச்சர் குறிப்பிட்டார்.

இராணுவச் சட்டதிட்டங்களை மீறி சதிசெய்தோர் மீது கடுமையான நடவடிக்கை எடுக்கப்படும். சதி செய்து விட்டு ஜனாதிபதி வேட்பாளரெனக் கூறித் தப்பிக்கொள்ள முடியாது.

எப்படியும் சட்டத்தின் முன் நிறுத்தப்படுவார் கள் என்றும் அமைச்சர் நிமல் சிறிபால டி சில்வா கூறினார். வாக்களிப்பின் போது ஜே.வி.பி மற்றும் மு.கா. உறுப்பினர்கள் சபை யில் பிரசன்னமாகியிருக்கவில்லை.

தமிழ்க் கூட்டமைப்புடன் சேர்ந்து மனோ கணேசன் எம்.எஸ். செல்லச்சாமி ஆகியோரும் எதிராக வாக்களித்தனர். சபை அமர்வு இம் மாதம் 23ம் திகதி வரை ஒத்திவைக்கப் படுவதாக பிரதி சபாநாயகர் அறிவித்தார்.