சிறுபான்மையினரின் அபிலாஷைகளை நிறைவேற்ற சிறந்த தலைவர் - கிழக்கு முதல்வர்

நடைபெறவுள்ள ஜனாதிபதித் தேர்தலில் ஜனாதிபதி மஹிந்த ராஜ பக்ஷவை ஆதரிப்பதற்கு தமிழ் மக்கள் விடுதலைப் புலிகள் கட்சி முடிவுசெய்துள்ளது. இது தொடர்பாக ரீ.எம்.வி.பி.யின் தலைவரும் கிழக்கு மாகாண முதல மைச்சருமான சிவனேசதுரை சந்திர காந்தன் அறிவித்துள்ளார். ஜனாதிபதியை ஆதரிப்பதன் மூல மாகத்தான் கிழக்கில் சிறுபான்மை மக்களின் தங்களது அபிலாஷைகளை அடைய முடியுமென முதலமைச்சர் இந்த அறிவிப்பில் தெரிவித்துள் ளார். இது தொடர்பாக அவர் விடுத்து ள்ள அறிக்கையில் கூறப்பட்டுள்ள தாவது ஜனாதிபதி மஹிந்த ராஜ பக்ஷவை இந்தத் தேர்தலில் ஏன் ஆதரிக்க வேண்டும் என்பதற்கு நிறைய காரணங்கள் உண்டு. எனி னும் பிரதானமாக கூறுவதென் றால்.... கிழக்கு மாகாண சபை என்று ஒன்று உருவாகியதற்கும் அது இன்று இயங்கிக் கொண்டிருப்பதற் கும் மஹிந்த ராஜபக்ஷவே கார ணம். கிழக்கு மாகாணத்தை முழு மையாக அபிவிருத்தி செய்வேன் என்ற அவரது வாக்குறுதி நிறைவேற்ற ப்பட்டுக் கொண்டிருக்கின்றது. பாரிய அபிவிருத்திப் பணிகள் நிறைவு பெற்றுள்ளன. மேலும் மேலும் அபிவிருத்திப் பணிகள் மேற்கொள்ளப்பட்டு வருகின்றன. மக்களின் வாழ்வாதாரம் இன்று மேம்படுத்தப்பட்டுள்ளன. கிழக்கு மாகாணத்தை அபிவிருத்தி செய் வேன் என்று அவர் வழங்கிய வாக்குறுதிகளுக்கும் மேலாக இன் னும் உதவிகள் செய்வேன் என்ற வாக்குறுதியையும் அவர் வழங்கியு ள்ளார் ஜனாதிபதிக்கும் தமிழ் மக்கள் விடுதலைப் புலிகள் கட்சிக்கும் இடையில் நெருங்கிய உறவுகள் அன்று தொட்டு இன்று வரை இருந்து வருகின்றது. அதில் எந்தவித மாற்றமும் இல்லை. அந்த உறவு மென்மேலும் வலுப்படும் என்பது உறுதி. தமிழ் மக்கள் இன்று நிம்மதியாக வாழ்ந்து கொண்டிருக்கிறார்கள். அதை நாம் இன்று கண்கூடாக காண்கி ன்றோம். முன்னாள் இராணுவத் தளபதி சரத் பொன்சேக் காவை ஒரு போதும் தமிழ் மக்கள் ஆதரிக்க மாட்டார்கள். அவருக்கு ஒரு அரசியல் பின்னணி கிடையாது. அவருக்குரிய பின்னணி என்ன என்பதை மக்கள் நன்கு அறிவார்கள். நாம் அதை கூறத் தேவையில்லை. ஜனாதிபதி மஹிந்த ராஜபக்ஷ ஒரு இறுக்கமான அரசியல் பின்னணியுடன் கூடியவர் என்பது யாவரும் அறிந்ததே. முன்னாள் இராணுவத் தளபதி சரத் பொன்சேக்கா தமிழ் மக்கள் விடுதலைப் புலிகள் கட்சியை இல்லாது ஒழிக்க வேண்டும் என்றிருந்தவர், என முதல்வர் சிவனேசதுரை சந்திரகாந்தன் தெரிவித்தார் ஜனாதிபதி மஹிந்த ராஜபக்ஷவை நாம் ஆதரிக்கப் போவதில்லையென சில தவறான கருத்துக்கள் உலவுவதாகவும் அதில் எவ்வித உண்மையும் இல்லை என்றும் முதல்வர் சிவனேசதுரை சந்திரகாந்தன் தெரிவித்தார் எமக்கு சில குறைபாடுகள் இருக்கலாம். அவை அனைத்தும் எமக்கு இரண்டாம் பட்சமானவை. ஜனாதிபதி மஹிந்த ராஜபக்ஷவை மீண்டும் ஜனாதிபதியாக்குவதே எமது முதலாவது இலக்கு என்றும் அவர் மேலும் கூறினார்.