2வது சர்வதேச விமான நிலையம்; அம்பாந்தோட்டையில் நேற்று நிர்மாணப் பணிகள் ஆரம்பம்

இலங்கையின் இரண்டாவது சர்வதேச விமான நிலையமான அம் பாந்தோட்டை சர்வதேச விமான நிலையத்தின் நிர்மாணப் பணிகள் நேற்று ஜனாதிபதி மஹிந்த ராஜபக்ஷ வினால் உத்தியோகபூர்வமாக ஆரம்பித்து வைக்கப்பட்டது. சீன அரசாங்கத்தின் நிதியுதவியு டன் 210 மில்லியன் அமெரிக்க டொலர் செலவில் நிர்மாணிக்கப்பட வுள்ள மேற்படி விமான நிலை யத்திற்கான பெயர்ப்பலகையை நேற்றுக் காலை ஜனாதிபதி மஹிந்த ராஜ பக்ஷ உத்தியோகபூர்வமாக திறந்து வைத்து நிர்மாணப் பணிகளை ஆர ம்பித்து வைத்தார். அத்துடன் சீன துறைமுக பொறியி யலாளர் நிறுவ னத்திற்கும் - இலங்கை விமான நிலையம் மற்றும் விமான சேவைகள் நிறுவனத்திற்குமிடையில் விசேட ஒப்பந்தமொன்றும் கைச்சாத்திடப்பட்டது. அம்பாந்தோட்டை மாவட்டத்தின் லுணுகம் வெஹெர மத்தல பிரதேசத்தில் மேற்படி விமான நிலையம் நிர்மாணிக்கப்படவுள்ளது டன் 2,000 ஏக்கர் பரப்பளவில் இவ்விமான நிலையமும் அதனைச் சேர்ந்த கட்டிடங்களும் அமையப்பட வுள்ளன. முதலாவது சர்வதேச விமான நிலையமான கட்டுநாயக்க பண்டார நாயக்க சர்வதேச விமான நிலையம் 40 வருட வரலாற்றைக் கொண்டது. அடுத்ததாக இரண்டாவது சர்வதேச விமான நிலையம் அம்பாந்தோட் டையில் அமைக்கப்படவுள்ளது. கட்டுநாயக்க விமான நிலையத்தின் நாற்பதாண்டு பூர்த்தி தினத்தை நினைவுகூரும் வகையில் நேற்று அம்பாந்தோட்டை விமான நிலைய த்திற்கான நிர்மாணப் பணிகள் ஆரம்பிக்கப்பட்டன. நேற்றைய இந்நிகழ்வில் பிரதம அதிதியாகக் கலந்து கொண்டு சர்வதேச விமான நிலையத்திற்கான நிர்மாணப் பணிகளை ஆரம்பித்து வைக்க வருகை தந்த ஜனாதிபதி மஹிந்த ராஜபக்ஷவை தேசியக் கொடியை கைகளில் ஏந்திய பாட சாலை மாணவர்கள் வரவேற்றனர் அமைச்சர்களான சமல் ராஜபக்ஷ, மஹிந்த அமரவீர, ஜீ. எல். பீரிஸ், ஜோன் செனவிரத்ன, சுமேதா ஜீ. ஜயசேன, பிரதியமைச்சர் சரத் குண ரத்ன, நிருபமா ராஜபக்ஷ எம்.பி. சீனத் தூதுவர் திருமதி யங்சிங்விங் உட்பட இலங்கை சீன முக்கியஸ் தர்கள் பலரும் இந்நிகழ்வில் கலந்து கொண்டதுடன் பல கலாசார அம் சங்களும் இடம்பெற்றன.