சட்டவிரோத குடியேற்றம் திருமலையில் இல்லை’

திருகோணமலை மாவட்டத்தில் எந்தவிதமான சட்ட விரோத குடியே ற்றமும் மேற்கொள்ளப்படவில்லை யென தேச நிர்மாண அமைச்சர் சுசந்த புஞ்சிநிலமே நேற்று (23) பாராளுமன்றத்தில் தெரிவித்தார்.
சட்ட விரோதமாக எவரும் குடி யேறியிருந்தால் அவர்கள் அப்புற ப்படுத்தப்படுவார்கள் என்று தெரி வித்த அமைச்சர், காணிகள் இல் லாதவர்களாக இருந்தால் நாட்டின் சட்டத்தின்படி அவர்களின் பிரச் சினை அணுகப்படும் என்றும் கூறி னார்.
திருகோணமலை மாவட்ட தமிழ்த் தேசிய கூட்டமைப்பு பாராளுமன்ற உறுப்பினர் இரா. சம்பந்தன் நேற்று சபையில் முன்வைத்த சபை ஒத்திவைப்பு வேளை பிரேரணை மீதான விவாதத்தில் கலந்துகொண்டு உரையாற்றுகை யிலேயே அமைச்சர் மேற்கண்டவாறு கூறினார். திரு கோணமலை மாவட்டத்தில் சட்ட விரோத குடியேற்றங்கள் இடம் பெறுவதாகவும் இதனைத் தடுத்து நிறுத்த வேண்டுமெனவும் சம்பந்தன் எம்.பி. தமது பிரேரணையில் குறிப் பிட்டிருந்தார்.
அவரின் கூற்றை முற்றாக நிராகரித்த அமைச்சர் புஞ்சிநிலமே, “சம்பந்தன் எம்.பி. முற்றிலும் உண்மைக்குப் புறம்பாக விடயங்களைத் திரிபுபடுத்துகிறார்.
அவர் திருகோணமலைக்கே செல்வ தில்லை. யாரோ செல்வதைக் கேட்டுக் கொண்டு வந்து சபையைத் தவறாக வழிநடத்துகிறார். வாக்காளர் பட்டியலில் உள்ள குடியி ருப்பாளர்களுக்கே முன்னுரிமை அளித்துச் செயற்படுத்தப்படுகிறது.
சட்ட விரோதமாக எவரும் குடிய மர்தப்படமாட்டார்கள்.
இடம் பெயர்ந்தவர்களின் காணிகளை எவருக்காவது சட்டவிரோதமாகப் பெற்றுக்கொடுத்திருந்தால், சட்டத்தின்படி அவர்களுக்கு எதிராக நடவடிக்கை எடுத்து உரியவர்களுக்குக் காணி பெற்றுக்கொடுக் கப்படும்” என்றும் அமைச்சர் புஞ்சிநிலமே தெரிவித்தார்.