பூநொச்சிமுனை குடிநீர்த் திட்டம் வைபவ ரீதியாக ஆரம்பித்து வைக்கப்பட்டது

கிழக்கு மாகாணத்தில் பல தசாப்தங்களாக சுத்தமான குடிநீரின்றி அவதியுற்ற பிரதேசங்களுக்கு ஜனாதிபதி மஹிந்த ராஜபக்ஷவின் வழிகாட்டலில் சுத்தமான குடிநீர் வழங்கும் திட்டங்கள் அமுல்படுத்தப்பட்டு வருகின்றன.
இத்திட்டத்தின் கீழ் யுத்தம் மற்றும் சுனாமியினால் பெரிதும் பாதிக்கப்பட்ட மட்டக்களப்பு மாநகர சபை பிரதேசமான பூநொச்சிமுனையில் குடிநீர் விநியோகத் திட்டம் வைபவரீதியாக ஆரம்பித்து வைக்கப்பட்டது. நீர் வழங்கல் வடிகாலமைப்பு அமைச்சர் ஏ. எல். எம். அதாவுல்லாஹ் தலைமையில் நடைபெற்ற வைபவத்தில் கிழக்கு மாகாண முதலமைச்சர் சிவனேசதுரை சந்திரகாந்தன் பிரதம அதிதியாகக் கலந்து கொண்டார்.
58 மில்லியன் ரூபா செலவில் ஆரம்பிக்கப்பட்ட இத்திட்டத்தினூடாக இப்பிரதேசத்தில் வாழும் ஆயிரக்கணக்கான தமிழ், முஸ்லிம் மக்கள் நன்மையடைந்துள்ளனர்