கரையோரப் பாதை அமைக்கும் வேலைத்திட்டங்களை நேரில் சென்று பார்வையிட்டார் கிழக்கு முதல்வர்

பாலமீன்மடு முதல் பாசிக்குடா வரையான கரையோரப் பாதை அமைக்கும் வேலைத்திட்டம் தற்போது வேகமாக நடைபெற்றுக் கொண்டிருக்கிறது. இவ் வேலைத்திட்டமானது எந்தளவு மேற்கொள்ளப்பட்டு வருகின்றது என்பதனை நேரில் சென்று கிழக்கு முதல்வர் சி. சந்திரகாந்தன் அவர்கள் பார்வையிட்டார். இப் பாதையினது முக்கியத்துவத்தினை உணர்ந்து இதற்குரிய ஒப்பந்தக் காரர்களை அழைத்த முதல்வர் வெகு விரைவில் இவ் வேலை திட்டங்களை முடித்துத் தரவேண்டும் எனக் கேட்டுக் கொண்டார்.இப் பாதை அமைக்கப்பட்ட பின்னர் பஸ் போக்குவரத்து மேற்கொள்வது தொடர்பாகவும் பேசப்பட்டுக் கொண்டு வருகின்றமை குறிப்பிடத்தக்கது.
இப் பிரதேசத்தை அண்டிய மீனவர் மக்கள் தாங்கள் பிடிக்கின்ற மீன்களை நியாய விலையில் சந்தைப் படுத்துவதற்கான ஓர் நல்ல வாய்ப்பாக அமையும். அத்தோடு வியாபாரிகள் நேரடியாக வந்து மீன்களைக் கொள்வனவு செய்து போவதற்கும் மிவும் இலகுவாக அமையும். இதனால் மட்டக்களப்பு மாவட்ட மீனவர்கள் பெரும் நன்மை அடைவார்கள்.