முள்ளிவாய்க்கால் பகுதியிலிருந்து 100 கிலோ தங்கநகை, 6.5 மில்லியன் ரூபா பணம் மீட்பு - பிரிகேடியர்

முல்லைத்தீவு, வெள்ளைமுள்ளிவாய்க்கால் பகுதியில் படையினரால் நடத்தப்பட்ட சோதனை நடவடிக்கைகளின் போது விடுதலைப் புலிகளால் மறைத்து வைக்கப்பட்டிருந்த 100கிலோகிராம் தங்க நகைகள் மற்றும் 6.5 மில்லியன் ரூபா பணம் போன்றன மீட்கப்பட்டுள்ளன என்று இராணுவ பேச்சாளர் பிரிகேடியர் உதய நாணயக்கார தெரிவித்தார். வன்னிப் போரின் இறுதிகட்ட நடவடிக்கைகளின் போது பாதுகாப்பு வலயப் பகுதியில் மறைந்திருந்த புலிகள் இயக்கத்தின் முக்கியஸ்தர்களால் பெட்டிகளில் இடப்பட்டு புதைக்கப்பட்டிருந்த நிலையிலேயே இந்த நகைகள் மற்றும் பெருந்தொகையான பணம் போன்றன மீட்கப்பட்டதாகவும் அவர் கூறினார். இது தொடர்பில் இராணுவ பேச்சாளர் மேலும் கூறியதாவது விடுதலைப் புலிகளுடனான போர் முடிவுக்கு வந்ததையடுத்து வடக்கு மற்றும் கிழக்கு மாகாணங்களில் அவ்வியக்கத்தினரால் மøறத்து வைக்கப்பட்டிருக்கும் ஆயுதங்கள் மற்றும் வெடிபொருட்களைத் மீட்கும் நடவடிக்கைகள் தற்போது முன்னெடுக்கப்பட்டு வருகின்றன.