குற்றவாளிகளுக்கு எதிராக கடும் நடவடிக்கை மேற்கொள்ளப்பட வேண்டும்.

கிழக்கு மகாணத்தின் அபிவிருத்திப் பணிகளும் சமூகஒருமைப்பாடும் முன்னேற்றப் பாதையினை நோக்கி சென்று கொண்டிருக்கின்ற வேளையில் இரு தினங்களில் பாடசாலை மாணவர்கள் மூவர் காணாமல்போய் உள்ளது அதிர்ச்சியினை ஏற்படுத்தியிருக்கின்றது. இவ்வாறான நிலமை மீண்டும் பெற்றோர் , மாணவர்கள் மத்தியில் அச்ச உணர்வையும் பயங்கரவாதம் தலைதூக்கி விடுமோ என்ற பீதியினையும் ஏற்படத்தியுள்ளது. இக்கொடூர செயலினை மேற்கொண்டவர்கள் யாராக இருந்தாலும் அவர்களுக்கு எதிராக கடும் சட்டநடவடிக்கை எடுக்க வேண்டும் என கிழக்கு மாகாண முதலமைச்சர் சி. சந்திரகாந்தன் பொலிஸ் உயர் அதிகாரிகளுக்குப் பணித்துள்ளார். இது தொடர்பான விசாரணைகளை பொலிஸார் தீவிரப்படுத்தியுள்ளதாகவும் தெரிவிக்கின்றனர்.
காணாமல் போன மாணவர்களின் விபரங்கள் வருமாறு.

1.சதீஸ்குமார்-தனுஸ்சிகா(08)மட்/ யூனியர் பாடசாலை.
2.வள்ளுவன் -மதிசுதன். (15)ஏறாவூர் விபுலானந்த வித்தியாலயம்.
3.ஏரம்பமூர்த்தி- ஜனார்த்தனன். (12)மட்/ சிவானந்தா வித்தியாலயம்.