கிழக்கு முதல்வர் சந்திரகாந்தன் தலைமையில் இடம் பெற்ற மீள்குடியேற்றம் தொடர்பான முன்னேற்ற திட்டமும் ஆய்வும்.

இன்று(23.04.09) பிற்பகல் 2.00மணியளவில் ஈச்சிலம்பற்று பிரதேச செயலகத்தின் மாநாட்டு மண்டபத்தில் மேற்படி கலந்துரையாடல் இடம்பெற்றது. இந் நிகழ்வில் கலந்துகொண்டு தலைமையுரையாற்றிய கிழக்கு முதல்வர் சநந்திரகாந்தன்,
கிழக்கு மாகாணம் தற்போது பயங்கரவாதிகளின் பிடியிலிருந்து விடுபட்டு, ஜனநாயக நீரோட்டத்தில் இணைந்திருக்கின்ற இச் சந்தர்ப்பத்திலே, எமது கிழக்கு மாகாணத்தின் பெரும்பாலான பிரதேசங்கள் ;கடந்த காலத்தில் நடந்த கொடூரயுத்தத்தினாலும் வன்செயல்களினாலும் கணிசமான அளவு பேரழிவினைக் கண்டிருக்கின்றது. இதனால் அப்பிரதேசங்களை மீளக் கட்டியெழுப்ப வேண்டிய பாரிய பொறுப்பு எமது கிழக்கு மாகாண கபைக்கு இருக்கிறது.
கிழக்கின் அபிவிருத்தி வேலைத்திட்டங்களுக்கென மஹிந்த சிந்தனை வேலைத்திட்டத்தின் கீழ் பல்வேறுபட்ட அபிவிருத்தித் திட்டங்கள் முன்னெடுக்கப்பட்டு வருகின்றது. இதில் பெரும்பாலானவை யுத்தத்தினால் இடம் பெயர்ந்திருக்கின்ற மக்களை மீளக் குடியமர்த்துவது தொடர்பானதாகும். அதாவது கடந்த கால யத்தத்தினால் இடம் பெயர்ந்த மக்களை தங்களின் சொந்த இடங்களிலே குடியமர்த்துவதற்கான பணிகள் தற்போது முடிவுறும் நிலையிலிருக்கிறது. இம் மீள்குடியேற்றமானது எனது அமைச்சின் கீழ் வருவதனால் இதற்காக ஒரு அதிகாரியை நியமித்து அதனை முறையாக நெறிப்படுத்;தி வருகின்றேன்.
நான் நினைக்கின்றேன் தற்போது கிழக்கு மாகாணத்திலே இடம் பெயர்ந்த மக்களில் 90வீதமான மக்கள் தங்கயுளுக்குரிய சொந்த இடங்கள் மற்றும் இதர இடங்களில் குடியமர்த்தப்பட்டு அவர்களுக்கான ஜீவனோபாய தொழில் வாய்ப்புக்கள் என்பனவும் ஏற்படுத்தப்பட்டிருக்கின்றது.
இதில் குறிப்பாக வீடுகளை இழந்திருக்கின்ற பெரும்பாலான மக்களுக்கு வீடுகள் கட்டிக்கொடுக்கப்பட்டுக்கொண்டிருக்கின்றன. அதேபோல் அம்மக்களின் பிரதான தொழிலான விவசாயம், மீன்பிடி போன்றவற்றை மேற்கொள்வதற்கான அனைத்து நடவடிக்கைகளையும் பூர்த்தி செய்யப்பட்டிருக்கிறது. அதே போல் குடிநீர், சுகாதாரம், போக்குவரத்து, பாதைகள், கல்வி, பாதுகாப்பு போன்ற அனைத்து விடயங்கள் தொடர்பாகவும் உரிய நடவடிக்கையினை மேற்கொள்வதற்கு பொறுப்பான அதிகாரிகளைப் பணித்துள்ளேன் எனவும் குறிப்பிட்டார்.
மேற்படி நடைபெற்ற முன்னேற்ற மீளாய்விலே கல்வி, சுகாதாரம், விவசாயம், நீர்ப்பாசனம், மீன்பிடி, உள்@ராட்சி, கூட்டுறவு, கால்நடை,கட்டிடம், கிராமிய அபிவிருத்தி போன்றன தொடர்பான அபிவிருத்தி மற்றும் முன்னேற்றங்கள் இப்பிரதேசத்தில் அதாவது ஈச்சிலம்பற்று பிரதேச செயலகத்திற்குட்பட்ட பகுதியில் எவ்வாறு இருக்கின்றது என்பது தொடர்பாக அதிகாரிகளிடம் விளக்கம் கேட்பது தொடர்பான ஓர் கலந்துரையாடலாகவே இது அமைந்திருந்தது.
இதில் முதலமைச்சரின் மீள்குடியேற்றத்திற்குப் பொறுப்பான இணைப்பதிகாரி கலாநிதி செல்வேந்திரன், முதலமைச்சரின் சிரேஸ்ட ஆலோசகர் கலாநிதி.விக்கினேஸ்வரன், ஈச்சிலம்பற்று பிரதேச செயலாளர், மாகாணப் பணிப்பாளர்கள், திணைக்கள அதிகாரிகள் ,அரசசார்பற்ற நிறுவனங்களின்பிரதிநிதிகள், கிராமியத் தலைவர்கள், பாதுகாப்பிற்குப் பொறுப்பான பொறுப்பதிகாரிகள், பொதுமக்கள் எனப் பலர் கலந்து கொண்டார்கள்.